17:35 03.11.2018
Տիկին Թամարայի ձեռքում Յուրի Վարդանյանի առաջին գավաթն է, այն 45 տարի է` հպարտությամբ պահում է իր տանը։ 1973թ. առաջին անգամ Յուրին դարձել էր աշխարհի երիտասարդական առաջնության հաղթող ու գավաթը Լենինական վերադառնալուց հետո նվիրել իր քավորին։
«Էս գավաթը տվեց քավորին, ասաց՝ սա քեզ ինձանից հիշատակ, իմ առաջին գավաթը քեզ եմ նվիրում, պահի՛ր ու ինձ միշտ հիշի՛ր»,- SHANTNEWS.am-ի թղթակցին հուզված պատմել է Յուրի Վարդանյանի քավորակինը՝ Թամարա Զուլոյանը։
21 տարեկանում նվաճած առաջին գավաթին հետո հաջորդեցին շատերը։ Յուրի Վարդանյանի մարզիչը հորեղբայրն էր՝ Սերգեյ Վարդանյանը, ումից էլ դեռ պատանի հասակում յուրացրել էր ծանրամարտի գաղտնիքները: Լոկոմոտիվային դեպոյի շենքի նկուղային հարկում էր մարզումներն անցկացնում, նպատակը մեկն էր՝ ընդգրկվել ԽՍՀՄ հավաքականի կազմում և մասնակցել հեղինակավոր մրցաշարերի։
«Նկուղի պատուհանների բարձրությունը երկու մետր էր, Յուրան ցատկելով հեշտությամբ կանգնում էր պատուհանագոգերին։ Օրը 25 տոննա ինքը ծանրություն էր բարձրացնում: Եթե վերամբարձ կռունկն ամեն օր 25 տոննա ծանրություն բարձրացներ, հավանաբար կկոտրվեր ու փուլ կգար»,- իր հիշողություններն է պատմել սպորտի վարպետ Ռաֆիկ Սաֆարյանը։
7 տարվա մարզումների արդյունքում լեգենդար մարզիկը Մոսկվայում մասնակցում է Օլիմպիական խաղերին. նա համարվում էր մրցաշարի գլխավոր ֆավորիտներից մեկը։ 82 կգ քաշային կարգում երկամարտի արդյունքում ԽՍՀՄ հավաքականի հայ մարզիկը ցուցաբերում է անհավանական արդյունք և բարձրացրած 400 կգ ծանրաձողով սահմանում համաշխարհային ռեկորդ՝ հռչակվելով օլիմպիական չեմպիոն։
«Ամբողջ Հայաստանը հեռուստացույցի դիմաց նստած հետևում էր մրցաշարին։ Ցույց տվեցին, որ լենինականցի Յուրա Վարդանյանը դարձավ օլիմպիական չեմպիոն։ Դուք պատկերացնո՞ւմ եք՝ քաղաքը թնդաց, դհոլ -զուռնայով ժողովուրդը դուրս էր եկել փողոց ու մինչև լուսաբաց սեղաններ դրած տոնում էին առաջին օլիմպիական չեմպիոնի հաղթանակը: Դա ազգային հպարտություն էր»,- պատմում է սպորտի վարպետը:
Օլիմպիական չեմպիոն հռչակվելուց հետո Յուրի Վարդանյանի փառքն ու ճանաչումը դուրս եկավ Խորհրդային Միության սահմաններից, հազարավոր պատանիների ու երիտասարդների համար գերբնական ուժով օժտված մարզիկը օրինակ ծառայեց:
«Անգնահատելի էր նրա ներդրումը սպորտում, շատ սերունդներ են նայել նրան ու եկել ծանրամարտ, դեպի մեծ սպորտ»,- պատմում է Յուրի Վարդանյանի քրոջ որդին, ծանրամարտիկ Հարություն Եղոյանը։
Հարությունը հաջողությունների հասավ, դարձավ Հայաստանի հնգակի չեմպիոն: Այժմ մարզում է պատանի ծանրորդներին։ Յուրի Վարդանյանը հպարտանում էր նրա հաջողություններով, չմեծամտանալու և հաղթանակները մի կողմ թողնելով նոր բարձունքներ նվաճելու խորհուրդներ տալիս։
Լեգենդար մարզիկի ուղին երեք որդիներից ընտրեց միայն Նորայրը: Նրան մշտապես ոգևորում էին ռեկորդակիր հոր ցուցանիշներն ու հաղթանակները: Նորայր Վարդանյանը հանդես եկավ Հայաստանի և ԱՄՆ հավաքականների կազմերում, մասնակցեց միջազգային մրցաշարերի, բայց հայկական սպորտի լեգենդի արդյունքներին հասնել ու գերազանցել չկարողացավ։
111 ոսկե մեդալ, 43 համաշխարհային ռեկորդ, աշխարհի, Եվրոպայի բազմակի ու օլիմպիական չեմպիոն Յուրի Վարդանյանի նվաճումները հայտնի են աշխարհին, բայց քչերին է հայտնի, որ լեգենդար մարզիկը նաև հրաշալի դաշնամուր է նվագել ու զբաղվել հեռացատկով։
17:37 26.06.2025
«Բարսելոնան» 3-րդ անգամ է խախտում Կրույֆի «օրենքը»․ Marca«Բարսելոնան» մոտ է «Աթլետիկի» եզրային հարձակվող Նիկո Վիլյամսի տրանսֆերը գնելուն, հայտնում է Marca-ն: Իսպանական պարբերականը ֆուտբոլասերների ուշադրությունն է հրավիրել մի շատ հետաքրքիր հանգամանքի և հիշել է Կրույֆի «օրենքը»։ «Նա, ով նույնիսկ մեկ վայրկյան կասկածում է «Բարսելոնայում» խաղալու ցանկության հարցում, մեզ պետք չէ», – ասում էր կատալոնական ակումբի լեգենդը, որը, ըստ էության, չգրված օրենք դարձավ ակումբի […] ...
17:30 26.06.2025
Սահմանվել են 2025 թ. ընթացքում Սևանա լճում ձկան և խեցգետնի արդյունագործական որսի չափաքանակները և ժամկետներըԿառավարությունը սահմանել է 2025 թ. ընթացքում Սևանա լճում ձկան և խեցգետնի արդյունագործական որսի չափաքանակները և ժամկետները, արդյունագործական որսի կազմակերպման պայմաններն ու պահանջները: Կենդանաբանության և հիդրոէկոլոգիայի գիտական կենտրոնի իրականացրած հետազոտությունների համաձայն՝ Սևանա լճում 2024 թ. նոյեմբերին սիգի ընդհանուր պաշարը գնահատվել է 1293,7 տոննա, իսկ արդյունագործական պաշարը՝ 944,4 տոննա։ Հաշվի առնելով, որ սիգի արդյունագործական պաշարը 2023 թ. […] ...
17:22 26.06.2025
ՏԿԵ նախարարն ընդունել է Հայաստանում ԵՄ պատվիրակության ղեկավար, դեսպան Վասիլիս ՄարագոսինՀՀ ՏԿԵ նախարար Դավիթ Խուդաթյանն այսօր ընդունել է Հայաստանում ԵՄ պատվիրակության ղեկավար, դեսպան Վասիլիս Մարագոսին։ Հանդիպման ժամանակ անդրադարձ է կատարվել Տարածքային կառավարման և ենթակառուցվածքների նախարարության հետ համագործակցությամբ և Եվրամիության ֆինանսավորմամբ իրականացվող ծրագրերի կատարման ընթացքին։ Քննարկվել են Էներգետիկ, տրանսպորտային, ջրային ոլորտին վերաբերող մի շարք հարցեր։ Առանձին անդրադարձ է կատարվել ավիացիոն ոլորտին, այս պահին այդ ուղղությամբ ընթացող […] ...
17:14 26.06.2025
Օգոստոսի 12-ից մինչև հոկտեմբերի 3-ը կանցկացվեն պահեստազորայինների վարժական հավաքներԳործադիրի որոշմամբ օգոստոսի 12-ից մինչև հոկտեմբերի 3-ը ներառյալ՝ կհայտարարվեն պահեստազորի առաջին խմբի առաջին և երկրորդ կարգերում հաշվառված շարքային, ենթասպայական և սպայական կազմերի պահեստազորայինների վարժական հավաքներ: Որոշմամբ սահմանվել է, որ վարժական հավաքները հայտարարվում են պահեստազորայինների ռազմական ունակությունների կատարելագործման, մասնագիտական վերապատրաստման և պատրաստման, բարձրագույն կրթություն ունեցող ենթասպայական կազմից պահեստազորի սպաների պատրաստման, մարտական հերթապահության ներգրավման նպատակով: Հայտարարված վարժական […] ...
17:08 26.06.2025
Հուլիսի 1-ին կգումարվի ԱԺ արտահերթ նստաշրջանՀայաստանի Հանրապետության Սահմանադրության 100-րդ եւ «Ազգային ժողովի կանոնակարգ» սահմանադրական օրենքի 44-րդ հոդվածների համաձայն` Կառավարության նախաձեռնությամբ հուլիսի 1-ին` ժամը 11:00-ին, ՀՀ ԱԺ նախագահի որոշմամբ կգումարվի Ազգային ժողովի արտահերթ նստաշրջան` նախաձեռնողի սահմանած օրակարգով: ...
17:05 26.06.2025
Հնարավոր է` կարիերաս ավարտեմ «Ռեալում»․ ԿուրտուաԲելգիացի դարպասապահ Տիբո Կուրտուան չի բացառել, որ մինչև կարիերայի ավարտը կարող է հանդես գալ Մադրիդի «Ռեալում», հաղորդում է AS-ը: «Հուսով եմ, որ կկարողանամ երկարաձգել պայմանագիրս։ Ես շատ երջանիկ եմ «Ռեալում», այստեղ խաղալը երազանք է: Ես լիովին ակումբի տրամադրության տակ եմ, նրանք գիտեն իմ մնալու ցանկության մասին: Հնարավոր է` կարիերաս ավարտեմ «Ռեալում»»,- ասել է Կուրտուան։ 33-ամյա […] ...
