Հանրապետության զինկոմիսարիատների թիվը կկրճատվի, իսկ խոշորացման ծրագիրը կավարտվի մի քանի օրից

2018 թվականի գարնանից մեկնարկել է զինկոմիսարիատների  խոշորացման ծրագիրը, որով զինկոմիսարիատների  կառավարումը Զինված ուժերի գլխավոր շտաբից փոխանցվում է Պաշտպանության նախարարությանը։ Առաջին փուլով խոշորացվել են մայրաքաղաքի ու մոտակա մարզերի զինկոմիսարիատները, այժմ ընթանում է կառույցների միավորման երկրորդ փուլը, որի մեջ ընդգրկված է նաև Շիրակի մարզը: Այսօր Գյումրիում խորհրդակցություն է անցկացրել հանրապետության զինվորական կոմիսար Հենրիկ Մուրադյանն ու ներկայացրել խոշորացման գործընթացի առանցքային դրույթները։

<Առաջին փուլով խոշորացվեցին Երևանի ու մոտակա մի քանի մարզերի զինկոմիսարիատները,արդեն իսկ սկսել ենք երկրորդ փուլը,որի մեջ ընդգրկված է նաև Շիրակի մարզը,որտեղ խոշորացման արդյունքում կունենանք մեկ մարզային զինկոմիսարիատ իր ենթակա բաժանմունքներով  հինգ շրջաններում >,- մանրամասնել է Հենրիկ Մուրադյանը:

Այսինքն ՝ Ախուրյանի,Ամասիայի,Աշոցքի,Անիի ու Արթիկի տարածաշրջանների զինկոմիսարիատները ամբողջությամբ չեն փակվի ,կվերածվեն ենթակա բաժանմունքների ու կղեկավարվեն մարզային կառույցից։Այս դեպքում կլինեն նաև պարտականությունների  ու բաժանմունքների  պետերի լիազորությունների  որոշակի փոփոխություններ ։

<Բաժանմունքի պետը լինելու է քաղաքացիական անձ,իսկ տեղակալը ՝ զինվորական ,բաժանմունքը ենթարկվելու է մարզային  զինվորական կոմիսարին,կատարելու են այն բոլոր պարտականությունները,որոնք նախկինում էին անում ՝ զինակոչիկների կցագրում ու  պահեստազորի հաշվառում>,- փոփոխություններին մասին է խոսել հանրապետության զինվորական կոմիսարը:

Զինակոչ անցկացնելու  և բժշկական հետազոտություններ իրականացնելու գործառույթները առայժմ կշարունակվեն  շրջանային բաժանմունքներում ։Այստեղ հիմնական խնդիրը  եղած  հաստիքների ճիշտ վերաբաշխումներն են։Մասնագիտական բարձր որակներն ու փորձառությունը հետագայում աշխատանքի մնալ- չմնալու հարցում հաշվի կառնվի։Նոր հաստիքներում կնշանակվեն միայն այն  աշխատողները,ովքեր ունեն բարձրագույն կրթություն։

Գործընթացի արդյունքում  այնուամենայնիվ հաստիքային կրճատումներ կլինեն։Աշխատանքից կազատվեն 65 տարին լրացած թոշակառուներն, իսկ երիտասարդ սպաները ,ովքեր նախընտրել են ծառայել առաջնագծում , կտեղափոխվեն զինված ուժեր:

<Երիտասարդ սպաները,ովքեր  ցանկություն են հայտնել  իրենց ծառայությունը  շարունակել զորքերում որպես զինվորական,մենք իրենց տվյալները արդեն ուղարկել են ք զինված ուժերի կադրերի վարչություն ,որպիսի հետագայում նշանակվեն զինվորական հաստիքների ՝ տարբեր զորամասերում >,- ասել է Հենրիկ Մուրադյանը:

Զինկոմիսարիատների միավորման ու խոշորացման ծրագիրը կավարտվի մինչ ձմեռային զորակոչի մեկնարկը ,որի նախապատրաստական աշխատանքները արդեն ընթացքի մեջ են;