15:03 30.11.2018
Երրորդ և հաջորդ երեխայի ծննդյան համար պետության սահմանած գումարի տրամադրման կարգը փոփոխվել է: Նախկինում 1 միլիոն և 1.5 միլիոն դրամ գումարի մի մասը ծնողներին տրամադրվում էր կանխիկ, իսկ մնացած մասը բանկերում պարտադիր ձևակերպվում էր որպես ավանդ: Այս պարտադիր պայմանը ծնողներից շատերի համար ընդունելի չէր: Նրանք պատճառաբանում էին, որ այդ գումարներն ընտանիքներին ավելի անհրաժեշտ են փոքրիկի հենց նորածնային տարիքում: Այժմ նոր կարգով ծնողին հնարավորություն է տրվել երեխայի անձեռնմխելի ավանդից գումար ստանալ մաս-մաս:
Ավանդային դրամագլուխ համարվող գումարը ստանալու համար ծնողներից մեկի անունով պարտադիր է բանկում հաշվեհամար բացելը: Բանկային կազմակերպության ու ավանդատեսակի ընտրությունը թողնված է ծնողին: Ըստ փոփոխված կարգի՝ երեխայի ծննդյան ավանդային գումարի հատկացման չափն էլ է փոխվել:
Դրամագլխից գումար ստանալու ժամկետների ընտրության հարցում ևս ծնողն ազատ է: Ամեն ամիս, թե 2-3 ամիսը մեկ՝ թողնված է ծնողների ցանկությանը: Այս փոփոխությունը վերաբերում է ինչպես նոր, այնպես էլ մինչ այս դիմած բոլոր քաղաքացիներին: Օրենքում կատարված վերջին փոփոխությամբ հատուկ մոտեցում է նախատեսված նաև երկվորյակ կամ եռյակ ծնունդների համար:
«Առաջին հղիության ժամանակ երկվորյակ երեխաներ ծնվելու դեպքում ամեն մի երեխայի համար մայրը կստանա 150 հազար դրամ, իսկ եռյակ ծնվելու դեպքում, երեխաներից յուրաքանչյուրին կտրամադրվի 1-ական միլիոն դրամ»,- պարզաբանել է սոցիալական աջակցության Գյումրիի տարածքային բաժնի գլխավոր մասնագետ Լիզա Խաչատրյանը:
Երկվորյակ կամ եռյակ ծնունդներից բացի, վերջերս եռապատկվեց նաև երկրորդ երեխայի ծննդյան համար տրամադրվող գումարի չափը՝ դառնալով 150 հազար դրամ: Միանվագ գումարի եռապատկումը փաստաթղթային ձևակերպումների անհրաժեշտություն է առաջացրել: Սոցապ բաժիններ ներկայանալն ու դիմում ներկայացնելն այժմ պարտադիր է: Բացի ծննդյան միանվագ գումարներից, արդեն 2 տարի է՝ ֆինանսական աջակցություն են ստանում չաշխատող ու հղիության մինչև 30 շաբաթում գտնվող բոլոր մայրերը:
Իսկ երբ առողջական խնդիրների պատճառով ընդհատվում է կնոջ 30 շաբաթական հղիությունը, այս դեպքում համապատասխան բժշկական փաստաթուղթ ներկայացնելու դեպքում, որը տալիս է միայն ծննդատունը, չաշխատող մայրերին տրամադրվում է միանվագ գումարի կեսը: Կարգի փոփոխությունից հետո Գյումրիի սոցապ բաժին երկվորյակ ու եռյակ ծնունդների դիմումներ դեռ չեն ընդունել, նախորդ տարվա համեմատ ավելացել են երկրորդ երեխաների ծննդյան միանվագ գումարի հաստատման դիմումները: 
18:12 15.05.2025
Մի՛ լռիր, հաղորդի՛ր, փոխի՛ր. Հակակոռուպցիոն կոմիտեում արդեն թեժ գիծ է գործումՀայաստանի Հանրապետության հակակոռուպցիոն կոմիտեում արդեն գործում է թեժ գիծ, որի միջոցով կարող եք շատ ավելի հեշտ ու արագ հաղորդել կոռուպցիոն դեպքերի, չարաշահումների կամ նմանատիպ այլ իրավախախտումների մասին։ Թեժ գծի հեռախոսահամարն է՝ 011 900–035: «Մենք երաշխավորում ենք ձեր կողմից տրամադրված տեղեկատվության գաղտնիությունը, իսկ յուրաքանչյուր հաղորդման կապակցությամբ կձեռնարկվեն համապատասխան իրավական գործընթացներ։ Կոռուպցիայի դեմ պայքարը յուրաքանչյուրի պատասխանատվությունն է, […] ...
18:06 15.05.2025
Ալեքսանդր Աղաբեկյանը որոնվում է որպես անհետ կորածՆԳՆ Համայնքային ոստիկանության Կումայրիի բաժնի կողմից որպես անհետ կորած որոնվում է 1958 թվականին ծնված Ալեքսանդր Աղաբեկյանը։ Նրա գտնվելու վայրի վերաբերյալ տեղեկություն ունեցողներին Ոստիկանությունից խնդրում են դիմել Համայնքային ոստիկանության Կումայրիի կամ մոտակա բաժին, կամ զանգահարել 1-02։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով […] ...
17:54 15.05.2025
Հայտնի են Ազգերի լիգայի եզրափակչի մրցավարներըՇվեյցարացի Սանդրո Շերերի գլխավորած մրցավարական անձնակազմը կսպասարկի Ազգերի լիգայի 2025 թվականի եզրափակիչը։ Այս մասին հայտնում է ՈՒԵՖԱ-ի պաշտոնական կայքը։ Եզրերում նրան կօգնեն Ստեֆան դե Ալմեյդան և Յոնաս Էռնին, տեսաօգնականը կլինի Ֆեդայի Սանը (բոլորը` Շվեյցարիա), չորրորդ պաշտոնյան նիդերլանդցի Սերդար Գյոզյուբյույուկն է։ Մրցաշարի եզրափակիչը կկայանա հունսի 8-ին՝ Մյունխենի «Ալյանց Արենա» մարզադաշտում։ Ազգերի լիգայի կիսաեզրափակչում հունիսի 4-ին կկայանան […] ...
17:50 15.05.2025
Թուրքիայում 5,2 մագնիտուդով երկրաշարժ է տեղի ունեցելՀինգշաբթի օրը 5,2 մագնիտուդով երկրաշարժ է տեղի ունեցել Թուրքիայում: Երկրաշարժի էպիկենտրոնը գտնվում է Քոնիայի նահանգում՝ Թուրքիայի մայրաքաղաքից 100 կմ հեռավորության վրա, հայտնում է Աղետների կառավարման վարչությունը: Երկրաշարժի օջախը գտնվել է գրեթե 19 կիլոմետր խորության վրա։ Թուրքական լրատվամիջոցների փոխանցմամբ՝ ստորգետնյա ցնցումները զգացվել են Անկարայում և հարակից քաղաքներում։ ...
17:44 15.05.2025
Անկարայում ավարտվել է Էրդողանի և Զելենսկիի հանդիպումըԱնկարայում ավարտվել են Թուրքիայի նախագահ Ռեջեփ Թայիփ Էրդողանի և Վլադիմիր Զելենսկիի բանակցությունները, հայտնում է Anadolu պետական գործակալությունը։ «Էրդողանի բանակցությունները Զելենսկիի հետ ավարտվել են մեկնարկից 2 ժամ 40 րոպե անց»,- հայտնում է գործակալությունը։ Ավելի վաղ Թուրքիայի նախագահի հաղորդակցության բաժնի ղեկավարն ասել էր՝ սպասվում է, որ Էրդողանը կքննարկի ռուս-ուկրաինական հակամարտության վերջին զարգացումների բոլոր ասպեկտները՝ ընդգծելով Ուկրաինայում խաղաղ […] ...
