01 05 2024

$

388.00
4.16
€

416.21

+20.09 ^oC

Հայտնի են Շիրակի պետական համալսարանի ռեկտորի պաշտոնի հավակնորդների անունները

ՀԱՅԱՍՏԱՆ

12:38 25.02.2019

Հայտնի են Շիրակի պետական համալսարանի ռեկտորի պաշտոնի համար հայտարարված մրցույթին հայտ ներկայացրած հավակնորդների անունները: Փաստաթղթերը ներկայացնելու վերջնաժամկետը լրացել է փետրվարի 22-ին: Համալսարանի հոգաբարձուների խորհրդի անդամներն արդեն ուսումնասիրել են հավակնորդների ներկայացրած փաստաթղթերը, թե դրանք ինչքանով են համապատասխանում ներկայացվող պահանջներին:

Այս ուսումնասիրություններից հետո միայն հավակնորդները կճանաչվեն թեկնածուներ: Հիշեցնենք, որ 2018 թվականի մայիսի 15-ին բուհի նախկին ռեկտոր Սահակ Մինասյանը հրաժարական ներկայացրեց:

Հավակնորդների փաստաթղթերի ուսումնասիրմանը ներկա էին հոգաբարձուների խորհրդի 24 անդամներից 8-ը: Նախագահ Լևոն Բարսեղյանը նախ ստուգեց հայտերի ընդունման գրանցամատյանը, որից հետո հայտարարեց, որ հավակնորդները 4-ն են, և վերջին 3 օրերին էին փաստաթղթերը հանձնաժողովին ներկայացրել: Հավակնորդների փաստաթղթերի փաթեթները բացվեցին հայտերի ընդունման հաջորդականությամբ:

Մրցույթի մասնակցության առաջին հայտը ներկայացրել էր Եվրասիական միջազգային համալսարանի օտար լեզուների և գրականության, Բրյուսովի անվան համալսարանի անգլիական ամբիոնի պրոֆեսոր Լուսինե Ֆլջյանը: Նա ութ տարի նաև դասախոսել է Գյումրիի մանկավարժական ինստիտուտում: Բանասիրական գիտությունների դոկտոր Լուսինե Ֆլջյանի բոլոր փաստաթղթերը համապատասխանում էին թեկնածուներին ներկայացված պահանջներին և առանց քննարկման ընդունվեցին:

Հաջորդը բացվեց Շիրակի պետական համալսարանի մաթեմատիկայի, ֆիզիկայի և տեղեկատվական տեխնոլոգիաների ամբիոնի դասախոս, տեխնիկական գիտությունների թեկնածու, դոցենտ Անդրանիկ Սարգսյանի փաստաթղթերի փաթեթը: Նա ունի դասախոսի առնվազն 3 տարվա աշխատանքային փորձ, իսկ թե հանրային կառավարման գործունեությունը համապատասխանո՞ւմ էր մրցույթի չափորոշիչներին, թե՞ ոչ, հիմնավորում պահանջվեց իրավաբանից, ով փաստաթղթերն ուսումնասիրելուց հետո տվեց դրական եզրակացություն:

Մինչ հաջորդ երկու հայտերի ուսումնասիրությանն անցնելը, հոգաբարձուների խորհրդի քարտուղարը ներկաներին փոխանցեց հավակնորդների պահանջը, որը վերաբերում էր նրանց ներկայացրած բուհի զարգացման հայեցակարգի փաթեթներին: Բանն այն է, որ հավակնորդները պահանջել էին, որ եթե ներկայացված փաստաթղթերը չհամապատասխանեն մրցույթի պահանջներին, ապա իրենց հայեցակարգային փաստաթղթերի փաթեթները չբացվեն։

Խնդրանքն ընդունվեց, և քննարկման դրվեց բանասիրական գիտությունների թեկնածու, դոցենտ Նազելի Ավետիսյանի փաստաթղթերի փաթեթը: Պարզվեց, որ հավակնորդը վերջին 15 տարվա ընթացքում առնվազն 5 տարվա հանրային կառավարման կամ բարձրագույն կրթության ոլորտում 5 տարվա վարչական աշխատանքի փորձի պահանջին չի համապատասխանում:

Նույն խնդիրը կար նաև այս բուհի ավագ դպրոցի փոխտնօրեն, մանկավարժական գիտությունների թեկնածու, դոցենտ և դասախոս Մանուշակ Կարապետյանի դեպքում:Պարզվեց՝ ավագ դպրոցի փոխտնօրենի աշխատանքը հանրային կառավարում չի համարվում, իսկ օրենքի մեկնաբանությունը ստանալու համար հոգաբարձուների խորհրդի նախագահը զանգահարեց նաև Կրթության ու գիտության նախարարության իրավաբանին, ով փոխանցեց, որ «Հանրային ծառայության մասին» օրենքի դրույթներով Մանուշակ Ավետիսյանի աշխատանքային ստաժը վարչական աշխատանք չի համարվում:

Հոգաբարձուների խորհրդի նախագահը Կրթության և գիտության նախարարության իրավաբանին տեղեկացրել էր, որ Մանուշակ Կարապետյանը եղել է ՊՈԱԿ-ի փոխտնօրեն, փաստաթղթերի ուսումնասիրությունից հետո պարզվեց, որ թիվ 3 ավագ դպրոցը համարվում է ՇՊՀ-ի ստորաբաժանում և այս դեպքում հավակնորդի ստաժը համարվում է վարչական։

Մանուշակ Կարապետյանը կհամարվի՞ ռեկտորի թեկնածու, թե՞ ոչ, կորոշվի մրցույթի անցկացման օրը ՝ մարտի 2-ին: Մինչ այդ, հոգաբարձուների խորհրդի նախագահը գրությամբ դիմելու է Կրթության և գիտության նախարարություն: Իսկ ռեկտոր կընտրվի այն թեկնածուն, ով փակ և գաղտնի քվեարկությամբ կստանա խորհրդի 24 անդամների ձայների կեսից ավելին:

Ալեքս Սարգսյան

Բաժանորդագրվեք SHANTNEWS.am-ին Telegram-ում

Բոլոր լուրերը

00:24 02.05.2024
Սահմանազատված հատվածներում սահմանի պահպանության համար ծառայություն իրականացնելու է ոչ թե ՊՆ-ն, այլ ԱԱԾ սահմանապահ զորքերը․ վարչապետ

Կապակցված լուրեր

00:24 02.05.2024

Սահմանազատված հատվածներում սահմանի պահպանության համար ծառայություն իրականացնելու է ոչ թե ՊՆ-ն, այլ ԱԱԾ սահմանապահ զորքերը․ վարչապետ

Հայ-ադրբեջանական պետական սահմանի սահմանազատված հատվածներում Պաշտպանության նախարարությունը ծառայություն չի իրականացնելու սահմանի պահպանության համար: Սահմանի պահպանության հարցն ամբողջությամբ իրականացնելու են Ազգային անվտանգության ծառայության սահմանապահ զորքերը։ Այս մասին Հանրային հեռուստաընկերությանը տված հարցազրույցում ասել է ՀՀ վարչապետ Նիկոլ Փաշինյանը։ «Նախ եկեք արձանագրենք՝ մենք ասում ենք մեր ինքնիշխան տարածքից ոչ մի միլիմետր չի կարող զիջվել, այլ հարց, որ մենք […] ...

00:07 02.05.2024

ՀՀ ԱԺ Հայաստան-ԱՄՆ բարեկամական խմբի անդամները Վաշինգտոնում հանդիպել են ԱՄՆ Սենատի արտաքին հարաբերությունների հանձնաժողովի նախագահի հետ

ՀՀ ԱԺ Հայաստան-ԱՄՆ բարեկամական խմբի անդամները` բարեկամական խմբի ղեկավար, ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը, ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը, Եվրոպական ինտեգրման հարցերի մշտական հանձնաժողովի նախագահ Արման Եղոյանը, Ֆինանսավարկային և բյուջետային հարցերի մշտական հանձնաժողովի նախագահ Ծովինար Վարդանյանը, ԱԺ պատգամավոր Արսեն Թորոսյանը եւ ԱՄՆ-ում ՀՀ արտակարգ և լիազոր դեսպան Լիլիթ Մակունցը մայիսի […] ...

23:50 01.05.2024

Ինչ է սպասվում Կիրանցում․ վարչապետը մանրամասներ է ներկայացրել

ՀՀ վարչապետ Նիկոլ Փաշինյանը Հանրային հեռուստաընկերությանը տված հարցազրույցում անդրադարձել է այն հարցին, թե ինչ է սպասվում Կիրանցին։ «Կիրանցում հետևյալն է սպասվում: Այս ընթացքում Կիրանցի ներկայացուցիչների հետ առնվազն 4 հանդիպում ունեցել եմ: Կիրանցի հատվածում մենք ունենք, եթե չեմ սխալվում, սահմանազատման ենթակա 11 կետ: Այսինքն՝ սահմանազատման այդ 11 կետերի այդ հատվածի մի հսկա մասում Կիրանցի ժողովուրդն էլ […] ...

23:43 01.05.2024

Սահմանազատման քայլերի հաջորդականության հարցում կա հստակ պայմանավորվածություն․ Փաշինյան

Կա՞ պայմանավորվածություն, թե Տավուշի հատվածից հետո որ հատվածներում է նախագծվում սահմանազատում․ այս հարցին է անդրադարձել ՀՀ վարչապետ Նիկոլ Փաշինյանը՝ Հանրային հեռուստաընկերությանը տված հարցազրույցում։ «Սահմանազատման հանձնաժողովների հայտարարության մեջ եթե չեմ սխալվում ընդգծված է գործընթացը, բայց եթե նույնիսկ ընդգծված չէ այնտեղ, սա հստակ ձևակերպված պայմանավորվածություն է, որ քայլերը տեղի են ունենալու հետևյալ հաջորդականությամբ. առաջինը՝ լուծվելու է այս […] ...

23:36 01.05.2024

Կար տարբերակ 44-օրյա պատերազմը կանխելու․ Փաշինյան

Ես ամենևին չեմ մոռացել այն քննադատությունները, որ 2020թ. 44-օրյա պատերազմից հետո հնչում էին: Այս մասին այսօր Հանրային հեռուստաընկերությանը տված հարցազրույցում նշել է ՀՀ վարչապետ Նիկոլ Փաշինյանը։ «Կա՞ր արդյոք տարբերակ պատերազմը կանխելու: Ես ասում էի՝ այո՛, կար տարբերակ պատերազմը կանխելու, դրա համար մենք պետք է համաձայնեինք՝ հայկական կողմը, վերադարձնել Ադրբեջանի 7 շրջանները, համաձայնել Լեռնային Ղարաբաղի ընթացիկ […] ...

23:31 01.05.2024

Վրաստանում տեղի ունեցող իրադարձություններն ինչ ազդեցություն կունենան Հայաստանի վրա

Վրաստանում օտարերկրյա գործակալների օրինագծի բողոքի ցույցերի ժամանակ ոստիկանությունը ավելի քան 60 ցուցարարի է ձերբակալել: Ավելի վաղ հայտնի էր դարձել, որ ոստիկանությունը հատուկ միջոցներ է կիրառել օտարերկրյա գործակալների մասին օրինագծի ընդունման պատճառով բողոքի ակցիա իրականացնող քաղաքացիների դեմ։ Այն տեղի է ունեցել խորհրդարանի շենքի մոտ։ Երկրի նախագահ Սալոմե Զուրաբիշվիլին դիմել է Վրաստանի ՆԳ նախարարին՝ հորդորելով դադարեցնել ուժ […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.