23:01 15.06.2020
Շիրակի մարզում կորոնավիրուսով վարակվածության դեպքերի թիվն ավելացել է: Ըստ Շիրակի մարզպետարանի հրապարակած տվյալների՝ մարզում այս պահին տնային ինքնամեկուսացման ցուցում ունի 1029 քաղաքացի, նրանցից 176-ի մոտ դրական ախտորոշում կա՝ հիվանդության անախտանիշ ընթացքով, իսկ Գյումրու ինֆեկցիոն հիվանդանոցում կորոնավիրուսից 67 հիվանդ է բուժվում, 55-ը Շիրակի մարզի բնակիչ է։
Մարզում արձանագրվել է մահվան 11 դեպք․ քաղաքացիներից 10-ը մահացել են մայրաքաղաքի հիվանդանոցներում, իսկ 11-րդ մահը գրանցվել է հունիսի 13-ին Գյումրու ինֆեկցիոն հիվանդանոցում։ Սա մարզի բուժհաստատությունում գրանցված մահվան առաջին դեպքն է: Մահացածը Գյումրու 69-ամյա բնակիչ է։
«Քաղաքացին մեզ մոտ է տեղափոխվել հունիսի 13-ին Գյումրի ԲԿ-ից՝ ծանր վիճակում։ Նրա մոտ ախտորոշվել էր երկկողմանի թոքաբորբ: Ըստ հարազատների՝ քաղաքացին ուղեկցող հիվանդություններ չի ունեցել, թոքաբորբով հիվանդանալուց հետո բուժհաստատություններ չի դիմել ու երկար ժամանակ բուժվել է տանը: Նրա մոտ զարգացել էր հիպոքսիա, ուղեղն էր ախտահարվել, վիճակը շատ ծանր էր, մեր հարցերին պատասխանել այդպես էլ չկարողացավ»,- SHANTNEWS.am-ի հետ հեռախոսազրույցի ընթացքում հայտնեց Գյումրիի ինֆեկցիոն հիվանդանոցի բժիշկ Ռաֆայել Հարությունյանը:
Ըստ բժշկի՝ քաղաքացին իրենց մոտ է ընդունվել արդեն կորոնավիրուս հիվանդության ախտորոշմամբ, քննարկվում էր նրան մայրաքաղաքի հիվանդանոցներ տեղափոխելու հարցը, բայց առողջական վիճակի կտրուկ վատացման պատճառով չեն տեղափոխել:
«Վիճակը գնալով ծանրացավ, եթե նույնիսկ տեղափոխեինք մայրաքաղաք, ճանապարհին հիվանդը կմահանար: Ասեմ նաև, որ մայրաքաղաքի երկու խոշոր կլինիկաներն այս պահին ծանրաբերռնված են, ազատ տեղեր էլ չունեին, որ մեր հիվանդին ընդունեին: Քաղաքացին մահացավ հենց մեզ մոտ ընդունվելու օրը՝ մոտ 12 ժամ անց»,– ասաց Ռաֆայել Հարությունյանը:
Քաղաքացու ընտանիքի անդամները վարակակիր են, թե՝ ոչ, բժիշկը տեղեկություն չուներ, միայն նշեց, որ ինֆեկցիոն հիվանդանոցում ընտանիքի անդամներից այս պահին որևէ մեկը չի բուժվում:
23:59 11.05.2025
Խեցեգործ Վարդանն ու նրա նկարչուհի կինը՝ Լիլիթը Սարյանի կտավները ներկայացնում են կերամիկայի միջոցովԽեցեգործ Վարդանն ու նրա նկարչուհի կինը՝ Լիլիթը, միասին հիմնել են «Մայոլիկա կերամիքս» ապրանքանիշը։ Այս մասին հայտնել են ՀՀ կառավարությունից: Համագործակցելով Մարտիրոս Սարյանի ժառանգների հետ` նկարչի կտավները ներկայացնում են կերամիկայի միջոցով՝ մայոլիկայի և մանրանկարչական ոճով։ Մանրամասները՝ տեսանյութում: ...
23:48 11.05.2025
ՃՏՊ Թալին-Արտենի ավտոճանապարհին․ կան տուժածներՄայիսի 11-ին, ժամը 18:13-ին Ճգնաժամային կառավարման ազգային կենտրոն ահազանգ է ստացվել, որ Արագած-Արտենի ավտոճանապարհին տեղի է ունեցել ՃՏՊ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Թալին-Արտենի ավտոճանապարհի 23-րդ կմ-ին «Mercedes-Benz» մակնիշի ավտոմեքենան բախվել է ճամփեզրի բետոնե արգելապատնեշին, գլորվել (մոտ 30 մ) և հայտնվել դաշտամիջյան հատվածում։ […] ...
23:38 11.05.2025
Երևանում գործող հայտնի սրճարաններից մեկում հայտնաբերվել է տղամարդու մարմինՄայիսի 11-ին, ողբերգական դեպք է տեղի ունեցել Երևանում։ Ժամը 20:30-ի սահմաններում ՀՀ Ներքին գործերի նախարարության Ոստիկանության համայնքային ոստիկանության գլխավոր վարչության կենտրոնականի բաժնում օպերատիվ տեղեկություններ են ստացվել որ Աբովյան փողոցի 23 հասցեում գործող «De France» սրճարանում դի կա։ Ինչպես հայտնում է shamsyan.com-ը, դեպքի վայր են ժամանել ոստիկանության Կենտրոնական բաժնի օպերատիվ խումբը: Տեղում պարզվել է, որ ստացված […] ...
23:17 11.05.2025
Աֆղանստանում արգելվել է շախմատըԱֆղանստանի առաքինությունների խթանման և արատների կանխարգելման նախարարությունը պաշտոնապես արգելել է շախմատը երկրում։ Այս մասին հայտնել է Khaama Press պորտալը։ Նշվում է, որ նախարարությունն արդեն լուծարել է Աֆղանստանի շախմատի ֆեդերացիան։ ...
22:56 11.05.2025
Al Arabiya. Իսրայելը հարվածներ է հասցնում Եմենի նավահանգիստներն Ալ-ՀոդեյդայումԻսրայելական ինքնաթիռները սկսել են հարվածել Եմենի Հոդեյդա, Ռաս Իսա և Աս-Սալիֆ նավահանգիստներին, որոնք գտնվում են Կարմիր ծովի ափին և գտնվում են հութիների վերահսկողության տակ: Այս մասին հաղորդում է Սաուդյան Արաբիայի Al Arabiya հեռուստաալիքը՝ հղում անելով իր աղբյուրներին։ Հութիների գլխավորած կառավարության Ներքին գործերի նախարարությունը նույնպես հայտարարել է, որ նահանգը ենթարկվել է իսրայելական հարձակման: Ավելի վաղ Իսրայելի […] ...
22:39 11.05.2025
Reuters. ԱՄՆ-ն և Չինաստանը համաձայնության են եկել առևտրային դեֆիցիտը կրճատելու հարցումԱՄՆ-ի և Չինաստանի պաշտոնյաները հայտարարել են, որ Ժնևում երկօրյա բանակցություններից հետո համաձայնության են եկել առևտրային դեֆիցիտը կրճատելու վերաբերյալ, որի մանրամասները կհայտարարվեն մայիսի 12-ին: Այս մասին հայտնել է Reuters-ը՝ հղում անելով բանակցություններին մասնակցող ամերիկյան պատվիրակության ներկայացուցիչներին: «ԱՄՆ առևտրային ներկայացուցիչ Ջեյմիսոն Գրիրը, որը մասնակցել է բանակցություններին (ԱՄՆ ֆինանսների նախարար Սքոթ) Բեսենտի, փոխվարչապետ Հե Լիֆենգի և երկու չինացի […] ...
