Երևանում նոր ճանապարհ կկառուցվի. այն կմիացնի Մամիկոնյանց և Արամ Խաչատրյան փողոցները

Կառավարության այսօրվա նիստում հավանություն է տրվել Երևան քաղաքի Մամիկոնյանց և Արամ Խաչատրյան փողոցներին հարակից տարածքների նկատմամբ հանրության գերակա շահի ճանաչման մաuին հարցին.

«Երևան քաղաքում ավտոմեքենաների թվի կտրուկ ավելացման պատճառով ներկայումս քաղաքի գլխավոր փողոցների մեծ մասը գերծանրաբեռնված է, իսկ կարևորագույն տրանսպորտային հանգույցներն ու խաչմերուկները գործնականում կանոնակարգված չեն: Քաղաքի ճանապարհային ցանցի այդպիսի իրավիճակը կտրուկ նվազեցնում է տրանսպորտի երթևեկության անվտանգության մակարդակը, նպաստում է խցանումների առաջացմանը, և, որպես հետևանք, հաճախակի բերում է տրանսպորտի երթևեկության պարալիզացման և շրջակա միջավայրի էկոլոգիական վիճակի վատթարացման: Հյուuիuային և հյուuիuարևելյան տարածաշրջաններից եկող տրանuպորտային հոuքերը, փաuտորեն, իր վրա է վերցնում բացառապեu Կոմիտասի պողոտան, ինչի հետևանքով մշտական խցանումներ են առաջանում Կոմիտասի պողոտայի և խաչվող փողոցների հանգույցներում: Գերբեռնված ռեժիմով են գործում Կոմիտասի պողոտա – Գրիբոյեդով փողոցի, Արամ Խաչատրյան նրբանցքի, Վաղարշ Վաղարշյան փողոցի խաչմերուկների հատվածները:  Ավտոմեքենաների թվի ավելացման պայմաններում առանց նոր, համակարգային լուծումների, տրանuպորտային շարժի կանոնակարգումն արդեն անհնար է: Նշված խնդրի կարգավորման խնդրանքով Երևանի քաղաքապետին է դիմել նաև ՀՀ Ազգային Ժողովի պատգամավոր Արմեն Խաչատրյանը՝ ներկայացնելով Մամիկոնյանց փողոցի բնակիչների դիմում-խնդրանքը: Ըստ Հայաստանի Հանրապետության կադաստրի կոմիտեի կողմից տրված տեղեկատվության (ԱՏ-23032020-99-0310)՝ տարածքում առկա է թվով 17 գույքային միավոր: Տարածքում կատարված տեղզննության արդյունքում պարզվել է, որ տարածքում առկա են նաև մետաղական ավտոտնակներ, որոնց գրանցված իրավունքների վերաբերյալ Հայաստանի Հանրապետության կադաստրի կոմիտեում տեղեկատվություն առկա չէ», – ասված է որոշման մեջ:

Նախագծում նաև ասված է, որ ճանապարհը կառուցելու համար անհրաժեշտ, հանրային գերակա շահ ճանաչվող տարածքում գտնվող գույքերի օտարման նախնական արժեք ունենալու համար անկախ գնահատողի կողմից կատարվել է  տարածքի ուսումնասիրություն, գույքագրում և հաշվարկ: Ըստ գնահատողի ներկայացված հաշվարկների՝ փոխհատուցման համար անհրաժեշտ է 184361000 ՀՀ դրամ:

«Հանրության գերակա շահերի ապահովման նպատակով սեփականության օտարման մասին» ՀՀ օրենքի 11-րդ հոդվածի 1-ին կետով անհրաժեշտ է ևս 15 տոկոս համարժեք փոխհատուցում՝ շուրջ 27654150 ՀՀ դրամ: Երևան քաղաքի Մամիկոնյանց 62/1 հասցեի սեփականատեր Էդուարդ Մատենցյանը (գույքի գնահատված արժեք 29600000 ՀՀ դրամ) և Երևան քաղաքի Մամիկոնյանց 62/2 հասցեի սեփականատեր Էդգար Մատենցյանը (գույքի գնահատված արժեք 34800000 ՀՀ դրամ) դիմել են Երևանի քաղաքապետին, նշված գույքերը նույնպես ազդեցության գոտում ներառելու խնդրանքով: Նշված գույքերն օտարման գոտում ներառելու դեպքում, անհրաժեշտ կլինի լրացուցիչ 74060000 ՀՀ դրամ գումար: Ընդհանուր գումարը նախնական կկազմի 286075150 ՀՀ դրամ: Նշված գումարը օտարման գործընթացի իրականացման ընթացքում կարող է փոփոխվել: Նախատեսված՝ Երևանի Մամիկոնյանց և Արամ Խաչատրյան փողոցները միացնող ճանապարհահատվածի կառուցմամբ, զուգահեռ տրանսպորտային հաղորդակցուղով հնարավորինս կթեթևացվի Կոմիտասի պողոտայի երթևեկությունը, ինչպես նաև կբարելավվեն թաղամասի տարհանման ելքերը: Կառուցվելիք ճանապարհահատվածն անցնում է կառուցապատված հատվածով, հատում է նախկին երկաթգիծը: Վերականգնվող տեղամասի երկարությունը մոտ 0.265 կմ է: Ճանապարհը սկսվում է Մամիկոնյանց փողոցից Մամիկոնյանց 49 նորակառույց շենքի բակ տանող հատվածից, հատում է նախկին երկաթգծի ճանապարհը և միանում է Արամ Խաչատրյան գործող փողոցի սկզբնամասին: Ճանապարհին հատող ուղիների և մուտքերի հատվածում թողնվել են մոտեցումներ՝ հարակից տներից առանց որևէ խոչընդոտի նախագծվող ճանապարհ մուտք գործելու համար», -ասված է նախագծում:

Ծախսերն իրականացվելու են Երևան համայնքի բյուջեով: