Փոխվել է կենսաթոշակների վճարման կարգը․ որոշ խմբերի համար կկիրառվի բացառապես քարտային եղանակը

Հունվարի 1-ից հետո նշանակվող  նոր կենսաթոշակները կվճարվեն բացառապես անկանխիկ եղանակով` բանկային կազմակերպությունների  միջոցով։ Այս փոփոխությունն առայժմ վերաբերում է  Երևան,Գյումրի և Վանաձոր քաղաքներին։Անկանխիկ եղանակով կենսաթոշակների վճարմանն անցումը կկատարվի փուլերով:

Մեր երկրում կենսաթոշակառու են համարվում շուրջ 500 հազար քաղաքացի, որոնց է թողնված նախընտրությունը, թե  վճարման որ տարբերակից կարող են օգտվել՝ թոշակ ստանալ  փոստային բաժանմուքներից, թե քարտային եղանակով։

Գյումրիում փոստային բաժանմունքներից կենսաթոշակ է  ստանում 21 հազարից ավելի թոշակառու, ընդամնեը 6887 թոշակառու է , որ  նախընտրել է անկանխիկ` քարտային տարբերակը:

2021 թվականի հունվարի 1-ից  Երևան ,Գյումրի,Վանաձոր քաղաքներում  ոչ միայն նոր  կենսաթոշակ սահմանելիս, նաև  վերահաշվարկի ու վճարումը  վերականգնելու դեպքերում կենսաթոշակը  քաղաքացին ստանալու է միայն անկանխիկ եղանակով, թեև բացառություններ որոշ խմբերի համար, այնուամենայնիվ, լինելու են ։

«Հաշվի առնելով որոշ հնարավոր դժվարություններ, կան խմբեր, որոնց համար շարունակվելու է կանխիկ վճարումը։Այդ խմբերն են  ՝ 75 տարին լրացած կենսաթոշակառուները և նպաստառուները, լիազորագրով վճարվող կենսաթոշակները, ինչպես նաև 14 տարին լրացած անչափահաս անձանց վճարվող կենսաթոշակները»,- Shantnews.am-ի հետ զրույցում հայտնել է   ՀՀ սոցապ ծառայության կազմակերպությունների և օտարերկրյա պետությունների հետ համագործակցության վարչության պետ Նոնա Սարգսյանը։

Երեք  քաղաքներում անկանխիկ վճարման համակարգին անցումը փուլային է կատարվելու, իսկ Հայաստանի մյուս բնակավայրերում  նոր համակարգը կգործի հուլիսի մեկից, 1000 և ավելի բնակիչ ունեցող համայնքներում՝ 2022,  ավելի քիչ բնակիչ ունեցողներում՝ 2023 թվականից:Թե որ բանկը կընտրի թոշակառուն, դա իրեն է թողնված, բայց  Հանրապետությունից բացակայող կամ սոցիալական ապահովության ծառայության տարածքային բաժիններ դիմում չներկայացրած թոշակառուների դեպքում  համակարգը կգործի ինքնաշխատ եղանակով:

Եթե   մինչև 2021 թվականի հուլիսի 1-ը  քաղաքացին իր դիմումով չի ընտրի    կազմակերպությունը, որն իրականացնելու է անկանխիկ վճարման ծառայութուն, ապա այդ դեպքում  նոր  համակարգը՝ պատահականության սկզբունքով, այդ շահառուների տվյալները կբաշխի համամասնորեն բանկային կազմակերպությունների  վրա»,-պարզաբանել է Նոնա Սարգսյանը։

Իսկ առաջին,երկրորդ խմբի հաշմանդամ և 75 տարեկանից բարձր թոշակառուները, որոնց բացառությամբ կշարունակեն վճարել փոստային բաժանմունքները՝ փոստատարների միջոցով, նրանց տուն փոստատարները  կայցելեն արդեն ոչ թե թղթապանակով , այլ պլանշետով, որի առավելություն կամ տարբերությունն ընդամենը այն է, որ թոշակառուին վճարումից հետո կտրվի կտրոն, իսկ գումարային հաշիվներն էլի առձեռն են ։

Կենսաթոշակների վճարման  կարգի փոփոխություններն ըստ  պատասխանատուների  ներդրվում են ոլորտում հնարավորինս  կոռուպցիոն ռիսկերը նվազեցնելու, չհիմնավորված միջնորդավճարներ պահանջելու թաքնված երևույթները  բացառելու համար ։

Սոցիալական աջակցության ոլորտի վճարումները  նախատեսվում է 2 տարվա ընթացքում  բացառապես դարձնել անկանխիկ։

«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX  և Opticom ցանցային օպերատորների կապուղիներով։ Ինչպես նաև  Shant Digital Tv հավելվածով ամբողջ աշխարհում։