18:40 01.03.2021
Նախկին «Հայխնայբանկի» ավանդների փոխհատուցման գործընթացը սկսվել է: Այս տարի փոխհատուցում ստանալու իրավունք ունենք 1938 թվականի ծնված քաղաքացիները: Փոխհատուցման համար պետական բյուջեից մեկ միլիարդ 200 միլիոն դրամ է հատկացվել: Անցած 15 տարիների ընթացքում ավանդների փոխհատուցման ծրագրից օգտվել է շուրջ 113 հազար ավանդառու։
Նախնական հաշվարկով այս տարի ծրագրից Հանրապետությունում կօգտվեն 7000 կենսաթոշակառուներ, որոնք արդեն 83 տարեկան են։ Միևնույն ժամանակ սոցիալական աջակցության տարածքային բաժիններ դիմելու իրավունք ունեն նաև նախորդ տարիների այն ավանդառուները, որոնք փաստաթղթավորման գործընթացից հետ են մնացել։
«Անցած տարի մենք վճարել ենք փոխհատուցում շուրջ 123 քաղաքացիների, դա միայն մեր՝ «Գյումրի 2» աջակցության կենտրոնին է վերաբերում, իսկ այս տարի հաշվառել ենք ընդամենը հինգ քաղաքացու և սպասում ենք մյուսներին, որոնք արդեն դիմել են ՎՏԲ բանկ»,- Shantnews.am-ի հետ զրույցում նշել է սոցիալական աջակցության «Գյումրի 2» տարածքային բաժնի պետ Էդվարդ Բաղրամյանը։
Արտերկրում բնակվող, ինչպես նաև Հանրապետությունում գտնվող, բայց տեղաշարժման խնդիրներ ունեցող տարեց քաղաքացիների համար գործում է հաշվառման հատուկ ընթացակարգ, որի դեպքում միայն քաղաքացին կհամարվի ծրագրի շահառու:
«Եթե քաղաքացին գտնվում է Հայաստանում և ունի տարբեր պատճառներ սոցիալական աջակցության կենտրոններ չներկայանալու համար, իր ներկայացուցիչը, դա կարող է լինել ցանկացած անձ ՝ հարազատ, բարեկամ, հարևան, այդ դեպքում ներկայացուցիչը համապատասխան փաստաթուղթը ներկայացնում է տարածքային բաժիններ, և հաշվառումը կատարվում է։ Ինչ վերաբերում է ՀՀ-ից դուրս գտնվող քաղաքացիներին, նրանք որևէ անձի տալիս են նոտարական վավերացմամբ լիազորագիր, որի հիման վրա էլ տվյալ անձը կատարում է ամբողջ թղթաբանությունը»,- նշել է Էդվարդ Բաղրամյանը։
Փոխհատուցվող գումարի հաշվարկի բանաձևում փոփոխություններ չեն եղել։ Կարգը նույն է մնացել նաև հետևյալ դեպքի համար, երբ հաշվառվելուց հետո քաղաքացին մահանում է, գումարի փոխհատուցում կատարվում է հատուկ որոշմամբ։
«Երբ որ ավանդատուն մտել է վճարման ցուցակ և վճարման հայտը տրամադրելուց հետո մահացել է, էդ դեպքում ֆիքսվում է, որ քաղաքացու անվամբ արդեն կա գումար և դա իր սեփականությունն է, և դրա վերաբերյալ առանձին համապատասխան որոշում կա»,- SHANTNEWS.am-ի հետ զրույցում պարզաբանումներ է տվել ՀՀ աշխատանքի և սոցիալական հարցերի նախարարության կենսաթոշակային ապահովության վարչության ընտանիքներին տրվող նպաստների բաժնի պետ Արմեն Մարգարյանը։
Փոխհատուցման ծրագիրը՝ առանց տարիքային շեմի սահմանման, կշարունակի գործել սահմանամերձի կարգավիճակ ստացած բնակավայրերի քաղաքացիների համար, որոնք ունեն խնայողություններ: Նախատեսվում է ծրագրում ընդգրկել Արցախյան երկրորդ պատերազմի մասնակից, զոհված կամ հաշմանդամ դարձած քաղաքացիներին։
«Սահմանամերձ բնակավայրերի թիվը Արցախյան երկրորդ պատերազմից հետո, կառավարության որոշմամբ, 38-ից դարձավ 77 համայնք։ Ավելացած համայնքները, որոնք կառավարությունը կընդունի, որ նրանք դարձել են սահմանամերձ, բնականաբար, սահմանամերձ բնակավայրի մասին երկրորդ կետի համաձայն, նաև կտարածվի այդտեղ ապրող բնակիչների վրա։ Ովքեր ունեն մինչև 1993 թվականի հունիսի 10-ը ներդրված միջոցներ, կդիմեն ՎՏԲ բանկ, կստանան տեղեկատվություն, իսկ հետո կդիմեն սոցիալական աջակցության տարածքային գրասենյակներ ու կհաշվառվեն որպես շահառուներ»,- նշել է նախարարության պատասխանատուն։
Իսկ ինչպես քաղաքացին կարող է ստանալ իր գումարը, եթե չեն պահպանվել ավանդային գրքույկները: Նման դեպքերում քաղաքացիները պետք է դիմեն «Խնայբանկի» իրավահաջորդ «ՎՏԲ-Հայաստան բանկ», որտեղ կիրականացվի անձնական տվյալների, ավանդային հաշիվների ճշտում։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
23:26 03.05.2025
Երևանում «Volkswagen ID.4»-ը բախվել է կայանված «BMW»-ին
00:00 04.05.2025
Տիգրան Սողոմոնյանը «Sardinia World Chess Festival 2025» շախմատի միջազգային մրցաշարի B խմբի հաղթողՏիգրան Սողոմոնյանը դարձավ Իտալիայում անցկացված «Sardinia World Chess Festival 2025» շախմատի միջազգային մրցաշարի B խմբի հաղթող։ Այս մասին հայտնել են Հայաստանի շախմատի ֆեդերացիայից։ Տիգրանը 9 հնարավորից վաստակեց 7.5 միավոր և 188 կետով բարելավեց իր միջազգային վարկանիշը: ...
23:51 03.05.2025
Գեղարքունիքի և Կոտայքի մարզերի մի շարք հասցեներում ջուր չի լինի«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված՝ ս.թ. մայիսի 5-ին՝ ժամը 08:00-ից մինչև մայիսի 6-ը՝ ժամը 08:00-ն, կդադարեցվի՝ Գեղարքունիքի մարզի Սևանի քաղաքի, Գագարինավան, Վարսեր գյուղերի, ինչպես նաևԿոտայքի մարզի Ջրառատ գյուղի ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: ...
23:45 03.05.2025
Երևանում «КамАЗ»-ը բախվել է գազատար խողովակներին, ինչի հետևանքով սկսվել է գազի արտահոսքՄայիսի 3-ին, արտակարգ դեպք է տեղի ունեցել Երևանում։ Ժամը 16։50-ի սահմաններում Սուրեն Սաֆարյան և Շոպրոն փողոցների խաչմերուկում «КамАЗ» մակնիշի բեռնատարը բախվել է գազատար խողովակներին։ Ինչպես հայտնում է shamshyan.com-ը, բախման հետևանքով տուժածներ չկան, սակայն գազախողովակները վնասվել են և սկսվել է գազի արտահոսք։ Դեպքի վայր են ժամանել ՀՀ ներքին գործերի նախարարության փրկարար ծառայության Երևանի հրշեջ -փրկարարական ջոկատից՝ […] ...
23:39 03.05.2025
Telegram-ում ավելացվել է նոր գործառույթՊավել Դուրովը հայտարարել է Telegram-ում նոր գործառույթի՝ խմբային զանգերի գործարկման մասին, որի կարող է միանալ մինչև 200 մասնակից։ Այս մասին նա գրել է իր Telegram ալիքում։ «Telegram-ի վերջին թարմացումը կներդնի ուլտրա անվտանգ խմբային զանգեր։ Դրանք պաշտպանված են ոչ միայն բաժանորդների կոդավորմամբ, այլև բլոկչեյնանման տեխնոլոգիայով՝ ապահովելու համար, որ ոչ ոք չկարողանա գաղտնի կերպով միանալ դրանց», – […] ...
23:26 03.05.2025
Երևանում «Volkswagen ID.4»-ը բախվել է կայանված «BMW»-ինՄայիսի 3-ին, արտակարգ դեպք է տեղի ունեցել Երևանում: Ժամը 13:50-ի սահմաններում «Volkswagen ID.4» մակնիշի ավտոմեքենան, ըստ նախնական տեղեկությունների, տեխնիկական անսարքության պատճառով Պարույր Սևակի փողոցում բախվել է ճանապարհի թույլատրելի հատվածում կայանված «BMW» մակնիշի ավտոմեքենային, ապա անցել երթևեկելի 2 գոտիով, բախվել մեկ այլ կայանված ավտոմեքենայի, անցել բազալտե եզրաքարի վրայով, հայտնվել հետիոտնի համար նախատեսված մայթին և բախվել քարե […] ...
23:09 03.05.2025
Finnair-ը Հելսինկիում գործադուլի պատճառով չեղարկել է գրեթե 100 չվերթFinnair -ը հայտարարել է մոտ 100 չվերթի չեղարկման մասին՝ Ֆինլանդիայի ավիացիոն միության կողմից մայիսի 5-ին նախատեսված գործադուլի պատճառով։ Այս մասին հաղորդում է kommersant.ru-ն։ Ընկերության ներկայացուցիչների խոսքով՝ սպասվում են թռիչքների ժամանակացույցի զգալի փոփոխություններ։ Հելսինկիում գործադուլը կտևի չորս ժամ և կընթանա հերթափոխով։ Finnair-ը հայտարարել է, որ 7500 ուղևորի տեղեկացրել է այլընտրանքային երթուղիների մասին։ Բացի այդ, գործադուլը կարող […] ...
