18:45 11.03.2021
Շիրակի մարզի Ազատան համայնքում թափառող շների հարձակման հերթական դեպքն է գրանցվել։ Կատաղած շան հարձակումից տուժել է 13-ամյա Արմենակը և նրան օգնության եկած դպրոցի պահակը։
Արմենակի ոտքերի և աջ թևի շրջանում բազմաթիվ պատռված ու ծակած վերքերը հարձակման հետևանքներն են: Տղան փորձել է մեծ շան հոշոտումից ազատել փոքրիկ քոթոթին, բայց ինքն է հայտնվել շան թաթերի արանքում։
«Շունը մեծ էր, որ երկու ոտքերի վրա կանգնեց, իմ բոյին էր։ Շատ էի վախեցել, ինձ գետնին գցեց ու սկսեց կծել, չէի կարողանում պաշտպանվել․․․ Ոտքերս շատ էին ցավում, որ եկան օգնության, դրանից հետո չէի կարողանում քայլել»,- պատմում է 13 տարեկան Արմենակ Խաչատրյանը։
Արմենակի ընտանիքը Արցախի Մարտակերտի շրջանից է Ազատան տեղափոխվել, երեք երեխաներն էլ հաճախում են գյուղի դպրոցը: Դեպքն էլ դպրոցի խաղահրապարակում է եղել: Տղային օգնության են հասել դպրոցի աշխատակիցներն ու պահակը, որը ևս շան կծոցներից վնասվածքներ է ստացել:
Գյուղի բուժամբուլատորիայից երեխային և դպրոցի պահակին տեղափոխել են Գյումրիի հիվանդանոցներ, որտեղ կատաղության ու փայտացման դեմ պատվաստումներ են կատարել, այժմ բուժումը շարունակում են տանը։
«Դպրոցի բակ շները թափանցում են ցանկապատերից, մի հատվածը ցանկապատված չէ։ Մեր հսկողությունը, մեր աշխատանքը դպրոցական ժամերին և դպրոցի տարածքում է, բայց երեխաները մինչև գյուղի ծայրից հասնում են դպրոց, երեք կիլոմետր ճանապարհ են հաղթահարում, ճանապարհներին շատ շներ կան, ոհմակներով են շրջում ու հարձակվում են ոչ միայն երեխաների, այլ նաև մեծահասակների վրա»,- SHANTNEWS.am-ի հետ զրույցում նշել է Ազատանի միջնակարգ դպրոցի տնօրեն Համլետ Ոսկանյանը։
Գյուղական համայնքներում ևս ոհմակներով շրջող շների հարձակման ահազանգերն ավելացել են: 2019 թվականին ընդունված կենդանիների հանդեպ դաժան վերաբերմունքը քրեականացնող օրենքից հետո, արգելվեց կրակոցով թափառող շների վնասազերծումը:
«Հիմա շներն ավելի պաշտպանված են, քան մարդիկ, չես կարող շանը մի բան անես՝ նույն րոպեին կուգան կտուգանեն։ Գիշերը հլը ուշ ժամի ելեք ու փորձեք գյուղի մեջ ման գալ, տեսեք՝ կարո՞ղ եք, գյուղում ման գալ հնարավոր չէ»,- ասում է Ազատանի բնակիչներից մեկը։
Գյուղապետարանը հաշվարկել է, որ թափառող շների քանակը մոտենում է 1000-ի: Ոչ միայն բազմացման արդյունքում է շների քանակն ավելացել, նաև հարևան բնակավայրերից բերում են, կամ շները ոհմակներում հասնում են գյուղի սահմաններ։ Ստերջացման եղանակով պայքարել դրանց դեմ գյուղապետարանն ի վիճակի չէ՝ ֆինանսական միջոցներ չունի, այլ տարբերակների առաջարկներն էլ կիրառելի չեն։
Մինչ այս, շների վնասազերծման նախկին միջոցների կիրառման ժամանակ, տարեկան 350-400 շան համար ծախսում էին մոտ 600 հազար դրամ, իսկ մեկ շուն ստերջացնելու համար պահանջվում է մոտ 30 հազար դրամ: Նախնական հաշվարկով՝ գյուղում թափառող շներին ստերջացնելու համար կպահանջվի 18-20 միլիոն դրամ։
«Ընդունված օրենքով պիտի շներին ստերջացնենք, բայց դա մեզ ոչինչ չի տա։ Նախ՝ ստերջացված էգ շունը գայլից ավելի վտանգավոր է, դա մասնագիտորեն ապացուցված է, և ստերջացված շունը նույն վարակն է տարածելու, նույն հարձակումներն է գործելու մարդկանց և կենդանիների վրա»,-ասում է Ազատան համայնքի ղեկավար Վարդան Իկիլիկյանը։
Ազատանի գյուղապետարանին են միացել մարզի մյուս համայնքների ղեկավարները և դիմում-նամակներ են ուղղել ոչ միայն պատասխանատու կառույցներին, նաև բնապահպաններին։ Ստացված պատասխաններում համայնքների ղեկավարների դժգոհություններն արդարացնում են, բայց խնդրի լուծման ուրիշ տարբերակ չեն առաջարկում։ Ազատանի դպրոցի 750 աշակերտների ծնողները ստորագրություններով բողոքի նամակ են պատրաստում ՝ ուղարկելու կառավարությանը և Ազգային ժողովին։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
23:26 03.05.2025
Երևանում «Volkswagen ID.4»-ը բախվել է կայանված «BMW»-ին
00:00 04.05.2025
Տիգրան Սողոմոնյանը «Sardinia World Chess Festival 2025» շախմատի միջազգային մրցաշարի B խմբի հաղթողՏիգրան Սողոմոնյանը դարձավ Իտալիայում անցկացված «Sardinia World Chess Festival 2025» շախմատի միջազգային մրցաշարի B խմբի հաղթող։ Այս մասին հայտնել են Հայաստանի շախմատի ֆեդերացիայից։ Տիգրանը 9 հնարավորից վաստակեց 7.5 միավոր և 188 կետով բարելավեց իր միջազգային վարկանիշը: ...
23:51 03.05.2025
Գեղարքունիքի և Կոտայքի մարզերի մի շարք հասցեներում ջուր չի լինի«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված՝ ս.թ. մայիսի 5-ին՝ ժամը 08:00-ից մինչև մայիսի 6-ը՝ ժամը 08:00-ն, կդադարեցվի՝ Գեղարքունիքի մարզի Սևանի քաղաքի, Գագարինավան, Վարսեր գյուղերի, ինչպես նաևԿոտայքի մարզի Ջրառատ գյուղի ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: ...
23:45 03.05.2025
Երևանում «КамАЗ»-ը բախվել է գազատար խողովակներին, ինչի հետևանքով սկսվել է գազի արտահոսքՄայիսի 3-ին, արտակարգ դեպք է տեղի ունեցել Երևանում։ Ժամը 16։50-ի սահմաններում Սուրեն Սաֆարյան և Շոպրոն փողոցների խաչմերուկում «КамАЗ» մակնիշի բեռնատարը բախվել է գազատար խողովակներին։ Ինչպես հայտնում է shamshyan.com-ը, բախման հետևանքով տուժածներ չկան, սակայն գազախողովակները վնասվել են և սկսվել է գազի արտահոսք։ Դեպքի վայր են ժամանել ՀՀ ներքին գործերի նախարարության փրկարար ծառայության Երևանի հրշեջ -փրկարարական ջոկատից՝ […] ...
23:39 03.05.2025
Telegram-ում ավելացվել է նոր գործառույթՊավել Դուրովը հայտարարել է Telegram-ում նոր գործառույթի՝ խմբային զանգերի գործարկման մասին, որի կարող է միանալ մինչև 200 մասնակից։ Այս մասին նա գրել է իր Telegram ալիքում։ «Telegram-ի վերջին թարմացումը կներդնի ուլտրա անվտանգ խմբային զանգեր։ Դրանք պաշտպանված են ոչ միայն բաժանորդների կոդավորմամբ, այլև բլոկչեյնանման տեխնոլոգիայով՝ ապահովելու համար, որ ոչ ոք չկարողանա գաղտնի կերպով միանալ դրանց», – […] ...
23:26 03.05.2025
Երևանում «Volkswagen ID.4»-ը բախվել է կայանված «BMW»-ինՄայիսի 3-ին, արտակարգ դեպք է տեղի ունեցել Երևանում: Ժամը 13:50-ի սահմաններում «Volkswagen ID.4» մակնիշի ավտոմեքենան, ըստ նախնական տեղեկությունների, տեխնիկական անսարքության պատճառով Պարույր Սևակի փողոցում բախվել է ճանապարհի թույլատրելի հատվածում կայանված «BMW» մակնիշի ավտոմեքենային, ապա անցել երթևեկելի 2 գոտիով, բախվել մեկ այլ կայանված ավտոմեքենայի, անցել բազալտե եզրաքարի վրայով, հայտնվել հետիոտնի համար նախատեսված մայթին և բախվել քարե […] ...
23:09 03.05.2025
Finnair-ը Հելսինկիում գործադուլի պատճառով չեղարկել է գրեթե 100 չվերթFinnair -ը հայտարարել է մոտ 100 չվերթի չեղարկման մասին՝ Ֆինլանդիայի ավիացիոն միության կողմից մայիսի 5-ին նախատեսված գործադուլի պատճառով։ Այս մասին հաղորդում է kommersant.ru-ն։ Ընկերության ներկայացուցիչների խոսքով՝ սպասվում են թռիչքների ժամանակացույցի զգալի փոփոխություններ։ Հելսինկիում գործադուլը կտևի չորս ժամ և կընթանա հերթափոխով։ Finnair-ը հայտարարել է, որ 7500 ուղևորի տեղեկացրել է այլընտրանքային երթուղիների մասին։ Բացի այդ, գործադուլը կարող […] ...
