19:50 24.03.2021
Շուշիի թանգարաններում և ցուցասրահներում մնացին նաև հայաստանցի արվեստագետների գործերը։ Գյումրեցի գեղանկարչուհի Ժակլին Սարգսյանի 33 գեղանկարները 2019 թվականից ցուցադրվում էին Շուշիի կերպարվեստի պետական թանգարանում, ևս մեկ ցուցադրությամբ պատրաստվում էր Շուշիում լինել նաև 2020-ին, բայց ոչ միայն դա տեղի չունեցավ, այլև անավարտ է մնացել այն շարքը, որը ներկայացվելու էր Շուշիում։
Արվեստանոցի մի անկյունում գեղանկարչուհու «Հրեշտակներ» շարքն է։ Մի մասն անավարտ է, բայց այս շարքի պատմությանն անպայման վերադառնալու է։ Արցախի հողում կտավների ամբողջական ցուցադրություն լինելու է, միայն թե ոչ Շուշիում։ Շարքը թելերով կապված է մշակութային, հոգևոր արժեք ունեցող քաղաքի հետ։ Կտավներում 33 հրեշտակների նախատիպը հենց Շուշիի Ղազանչեցոց եկեղեցու քարե քանդակներն են։
Շուշին կորցնելուց հետո շարքի շարունակությունը նույնը չի լինի, դեռ ժամանակ է պետք դրանց վերադառնալու։ Այժմ գեղանկարների մի նոր շարք է սկսել, որտեղ Շուշին ու Գյումրին միասին են։
Կտավներից մեկում երեք սերունդ ներկայացնող կանայք են, զուգահեռները Արցախյան երեք պատերազմների միջև է։ Կտավն ավարտել է նոյեմբերի 8-ին՝ Շուշին գրավելուց մեկ օր առաջ։ Տարօրինակ զգացումով՝ հենց այդ օրը գեղանկարը փոփոխության է ենթարկել, թիկունքում գտնվող Ղազանչեցոց եկեղեցին հեռացրել է կտավից։
«Երբ որ ես էսքիզը արեցի Ղազանչեցոց եկեղեցին էնտեղ կար, բայց նոյեմբերի 8-ին ես առավոտյան արթնացա ու եկեղեցին ջնջեցի և կտավը ավարտին հասցրեցի առանց եկեղեցու։ Հաջորդ օրը իմացանք, որ Շուշին այլևս մերը չէր։ Դա ինչ-որ ի վերուստ եկած զգացողություն էր, ինչի պատճառով ես ակամայից եկեղեցին հեռացրեցի նկարից, այդտեղ երևի ինչ-որ խորհուրդ կար»,- ասում է գեղանկարչուհին։
Ընդամենը մեկ անգամ Շուշիում եղած արվեստագետի համար պատմական քաղաքի կոլորիտը ստեղծագործելու անսահման էներգիա են փոխանցել, որտեղ գտել է հարազատ միջավայր, նմանություններ Շուշի և Գյումրի քաղաքների կենցաղավարության ու ճարտարապետության միջև։
«Շուշին ու Գյումրին շատ նման են իրար, երկուսն էլ շատ կոլորիտային են, մեկը սպիտակ գույների մեջ, մյուսը՝ ավելի մոխրագույնի։ Ես էնքան բան եմ տեսել Շուշիում, որ այդ թեմայով կարող եմ ամբողջ կյանքս նկարել ու այդ էներգիան իմ մեջ չի սպառվի»,- ասում է նկարչուհին։
Շուշիից իր հետ Գյումրի է բերել տատիկների խմորհունցի փայտե տաշտակն ու գնդերի համար նախատեսված սկուտեղը։ Դրանք տեղ են գտել Ժակլինի արվեստանոցում։
«Ես այս իրերը ձեռք բերեցի շուշեցի տատիկներից, իրենք այնտեղ շատ են օգտագործում նման բաներ։ Մի քիչ անմխիթար վիճակում էին գտնվում, ես վերամշակել եմ ու տեղադրել իմ արվեստանոցում։ Ամեն անգամ նայելիս իրենք ինձ Շուշին են հիշեցնում, ուրախ եմ, որ այնտեղից կարողացա փրկել այս հնությունները»։
Արցախ աշխարհի , և հատկապես Շուշիի նկարագրության գեղանկարչական շարքերով նախատեսում է աշնանը մեծ ցուցադրություն կազմակերպել նախ Արցախում , հետո Գյումրիում։ Հնարավորության դեպքում կփորձի վերապատկերել իր այն աշխատանքները, որոնք մնացին Շուշիում ։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
23:26 03.05.2025
Երևանում «Volkswagen ID.4»-ը բախվել է կայանված «BMW»-ին
00:00 04.05.2025
Տիգրան Սողոմոնյանը «Sardinia World Chess Festival 2025» շախմատի միջազգային մրցաշարի B խմբի հաղթողՏիգրան Սողոմոնյանը դարձավ Իտալիայում անցկացված «Sardinia World Chess Festival 2025» շախմատի միջազգային մրցաշարի B խմբի հաղթող։ Այս մասին հայտնել են Հայաստանի շախմատի ֆեդերացիայից։ Տիգրանը 9 հնարավորից վաստակեց 7.5 միավոր և 188 կետով բարելավեց իր միջազգային վարկանիշը: ...
23:51 03.05.2025
Գեղարքունիքի և Կոտայքի մարզերի մի շարք հասցեներում ջուր չի լինի«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված՝ ս.թ. մայիսի 5-ին՝ ժամը 08:00-ից մինչև մայիսի 6-ը՝ ժամը 08:00-ն, կդադարեցվի՝ Գեղարքունիքի մարզի Սևանի քաղաքի, Գագարինավան, Վարսեր գյուղերի, ինչպես նաևԿոտայքի մարզի Ջրառատ գյուղի ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: ...
23:45 03.05.2025
Երևանում «КамАЗ»-ը բախվել է գազատար խողովակներին, ինչի հետևանքով սկսվել է գազի արտահոսքՄայիսի 3-ին, արտակարգ դեպք է տեղի ունեցել Երևանում։ Ժամը 16։50-ի սահմաններում Սուրեն Սաֆարյան և Շոպրոն փողոցների խաչմերուկում «КамАЗ» մակնիշի բեռնատարը բախվել է գազատար խողովակներին։ Ինչպես հայտնում է shamshyan.com-ը, բախման հետևանքով տուժածներ չկան, սակայն գազախողովակները վնասվել են և սկսվել է գազի արտահոսք։ Դեպքի վայր են ժամանել ՀՀ ներքին գործերի նախարարության փրկարար ծառայության Երևանի հրշեջ -փրկարարական ջոկատից՝ […] ...
23:39 03.05.2025
Telegram-ում ավելացվել է նոր գործառույթՊավել Դուրովը հայտարարել է Telegram-ում նոր գործառույթի՝ խմբային զանգերի գործարկման մասին, որի կարող է միանալ մինչև 200 մասնակից։ Այս մասին նա գրել է իր Telegram ալիքում։ «Telegram-ի վերջին թարմացումը կներդնի ուլտրա անվտանգ խմբային զանգեր։ Դրանք պաշտպանված են ոչ միայն բաժանորդների կոդավորմամբ, այլև բլոկչեյնանման տեխնոլոգիայով՝ ապահովելու համար, որ ոչ ոք չկարողանա գաղտնի կերպով միանալ դրանց», – […] ...
23:26 03.05.2025
Երևանում «Volkswagen ID.4»-ը բախվել է կայանված «BMW»-ինՄայիսի 3-ին, արտակարգ դեպք է տեղի ունեցել Երևանում: Ժամը 13:50-ի սահմաններում «Volkswagen ID.4» մակնիշի ավտոմեքենան, ըստ նախնական տեղեկությունների, տեխնիկական անսարքության պատճառով Պարույր Սևակի փողոցում բախվել է ճանապարհի թույլատրելի հատվածում կայանված «BMW» մակնիշի ավտոմեքենային, ապա անցել երթևեկելի 2 գոտիով, բախվել մեկ այլ կայանված ավտոմեքենայի, անցել բազալտե եզրաքարի վրայով, հայտնվել հետիոտնի համար նախատեսված մայթին և բախվել քարե […] ...
23:09 03.05.2025
Finnair-ը Հելսինկիում գործադուլի պատճառով չեղարկել է գրեթե 100 չվերթFinnair -ը հայտարարել է մոտ 100 չվերթի չեղարկման մասին՝ Ֆինլանդիայի ավիացիոն միության կողմից մայիսի 5-ին նախատեսված գործադուլի պատճառով։ Այս մասին հաղորդում է kommersant.ru-ն։ Ընկերության ներկայացուցիչների խոսքով՝ սպասվում են թռիչքների ժամանակացույցի զգալի փոփոխություններ։ Հելսինկիում գործադուլը կտևի չորս ժամ և կընթանա հերթափոխով։ Finnair-ը հայտարարել է, որ 7500 ուղևորի տեղեկացրել է այլընտրանքային երթուղիների մասին։ Բացի այդ, գործադուլը կարող […] ...
