16:52 25.05.2022
ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանը, ով նաև ԱՊՀ մասնակից պետությունների երիտասարդության հարցերով խորհրդի անդամ է, մասնակցել է ԱՊՀ երիտասարդության խորհրդի նիստին:
Առցանց ձևաչափով անցկացված նիստին մասնակցել են Ռուսաստանից, Բելառուսից, Ղրղզստանից, Ուզբեկստանից, Ղազախստանից, Տաջիկստանից, Ադրբեջանից և Մոլդովայից ներկայացուցիչներ:
Նիստի ընթացքում քննարկվել է ընթացիկ տարիներին ԱՊՀ երիտասարդական խորհրդի գործունեության ծրագիրը, որի համատեքստում ՀՀ ԿԳՄՍ նախարարի տեղակալ Արթուր Մարտիրոսյանը ներկայացրել է երիտասարդության քաղաքականության մեջ կամավորականության խթանման կարևորությունը:
«Երիտասարդների շրջանում կամավորական շարժման զարգացումը պետական երիտասարդական քաղաքականության առանցքային խնդիրներից է»,- նշել է նա` հավելելով, որ ՀՀ-ում այդ ուղղությամբ օրենսդրական բարելավման աշխատանքներ են ընթանում, որին, բացի պետական կառույցներից, մասնակցում են երիտասարդական կազմակերպությունները։
Նախարարի տեղակալը նշել է, որ երիտասարդական կամավորական աշխատանքների նկատմամբ պետական մոտեցում է ցուցաբերվում, մասնավորապես` ամեն տարի դեկտեմբերի 5-ին նշվում է «Կամավորի միջազգային օրը», երիտասարդների շրջանում կամավորության գաղափարի տարածման և զարգացման նպատակով պետական դրամաշնորհի մրցույթ են անցկացվում:
ԱՊՀ երիտասարդության հարցերով խորհրդի նիստի մասնակիցներն անդրադարձել են «100 գաղափար ԱՊՀ համար» միջազգային երիտասարդական մրցույթին, որը 2021 թվականին անցկացվել էր Հայաստանի երիտասարդական մայրաքաղաք Կապանում, իսկ հաջորդը 2023 թվականին տեղի կունենա Բելառուսում: ԱՊՀ երիտասարդության հարցերով խորհրդի նիստի քննարկման ժամանակ ցուցադրվել է 2021 թվականի հոկտեմբերին Կապանում տեղի ունեցած «100 գաղափար ԱՊՀ համար» միջազգային երիտասարդական մրցույթի մասին պատմող տեսանյութը:
ԿԳՄՍ նախարարի տեղակալ Արթուր Մարտիրոսյանը նշել է, որ «100 գաղափար ԱՊՀ համար» միջազգային հաջորդ մրցույթին Հայաստանը ներկայացնելու է 2021 և 2022 թվականներին «100 գաղափար Հայաստանի համար» մրցույթում հաղթող ճանաչված մասնակիցներին:
Խորհուրդն ամփոփել է նախորդ նիստում ընդունված որոշումների իրականացման ուղղությամբ կատարված աշխատանքները, հստակեցրել հաջորդ ժամանակահատվածի անելիքները։
Նշենք, որ ԱՊՀ երիտասարդության հարցերով խորհրդի նիստի նախագահող երկիրը Տաջիկստանն էր: 2022 թվականի հաջորդ նիստը տեղի կունենա Ղազախստանում:
15:16 07.05.2025
Կոբախիձեն ընտրվել է «Վրացական երազանք» կուսակցության նախագահՎրաստանի վարչապետ Իրակլի Կոբախիձեն չորեքշաբթի օրը ընտրվեց իշխող «Վրացական երազանք» կուսակցության նախագահ։ Քաղաքական կուսակցության համագումարը ուղիղ հեռարձակվում էր վրացական հեռուստատեսությամբ։ «Քաղաքական խորհրդի որոշմամբ պարոն Իրակլին ( Կոբախիձե – խմբ.) միաձայն ընտրվեց «Վրացական երազանքի» նախագահ», – համագումարում հայտարարեց գործադիր քարտուղար Մամուկա Մդինարաձեն։ «Վրացական երազանքի» նախկին նախագահ Իրակլի Ղարիբաշվիլին որոշել էր լքել կուսակցությունը և քաղաքականությունը։ Նա համապատասխան […] ...
15:10 07.05.2025
Վթարային ջրանջատում Երևանի Էրեբունի վարչական շրջանում«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված , ս.թ մայիսի 8-ին ժամը 09.00-ից մինչև մայիսի 9-ը ժամը 09.00-ն կդադարեցվի Էրեբունի վարչական շրջանի` Արցախի պողոտայի, Արցախի 4-րդ և 5-րդ նրբանցքների, Երկաթուղայինների 1-9 փողոցների , Աճեմյան 2-րդ նրբանցքի, և Գ.Նժդեհ 58 շենքի ջրամատակարարումը: Ընկերությունը հայցում է սպառողների ներողամտությունը պատճառված անհանգստության […] ...
15:05 07.05.2025
Արման Եղոյանն ընդունել է Միջազգային հարաբերությունների լեհական ինստիտուտ-վերլուծական կենտրոնի ներկայացուցչինԱզգային ժողովի եվրոպական ինտեգրման հարցերի մշտական հանձնաժողովի նախագահ Արման Եղոյանը մայիսի 7-ին ընդունել է Միջազգային հարաբերությունների լեհական ինստիտուտ-վերլուծական կենտրոնի կոորդինատոր Յոլանտա Շիմանսկային: Արման Եղոյանը հյուրի խնդրանքով ներկայացրել է Հայաստանի արտաքին հարաբերություններում տեղի ունեցող զարգացումները՝ մասնավորապես անդրադառնալով ՀՀ-Եվրամիություն ընդլայնվող համագործակցությանը: Այս համատեքստում հանձնաժողովի նախագահը կարեւորել է ԵՄ անդամ երկրների, այդ թվում՝ Լեհաստանի հետ համագործակցության խորացումը: Զրուցակիցները […] ...
14:57 07.05.2025
Սա անհավանական զգացողություն է․ Մխիթարյանի հրապարակումըՀայաստանի հավաքականի նախկին ֆուտբոլիստ, «Ինտերի» կիսապաշտպան Հենրիխ Մխիթարյանը սոցիալական ցանցերի իր էջում հրապարակում է արել, որում տպավորություններն է կիսել «Բարսելոնայի» նկատմամբ տարած հաղթանակից հետո: «Մենք տվեցինք ամեն ինչ ու հավատացինք մինչև վերջ: Միասնական՝ ինչպես մեկ թիմ: Հասանք եզրափակիչ մեր երկրպագուների հետ՝ յուրաքանչյուր վայրկյան զգալով նրանց աջակցությունը: Սա անհավանական զգացողություն է: Իտալիայի սիրտը բաբախում է սև […] ...
14:55 07.05.2025
Ազգային ժողովը Բարձրագույն դատական խորհրդի անդամներ է ընտրելՀՀ ԱԺ «Քաղաքացիական պայմանագիր» խմբակցությունը Բարձրագույն դատական խորհրդի անդամի պաշտոնում առաջադրել էր Արմենուհի Հարությունյանի, Աշոտ Հայրապետյանի եւ Անահիտ Աբրահամյանի թեկնածությունները: Ութերորդ գումարման Ազգային ժողովի հաշվիչ հանձնախմբի նախագահ Նարեկ Բաբայանն ԱԺ մայիսի 7-ի նիստում ներկայացրել է կայացած գաղտնի քվեարկության արդյունքները: Նշվել է, որ 107 պատգամավորից քվեարկությանը մասնակցել է 68-ը, անվավեր քվեաթերթիկներ չեն եղել: Ձայները բաշխվել են […] ...
