27 05 2025

$

384.36
4.80
€

436.02

+17.09 ^oC

Հայաստանում անցկացվել է «Հաշմանդամություն ունեցող անձանց ծառայությունների հասանելիություն/փորձի փոխանակում» խորագրով միջազգային համաժողովը

ՔԱՂԱՔԱԿԱՆՈՒԹՅՈՒՆ

18:46 03.09.2024

Սեպտեմբերի 1-ից 2-ը Հայաստանում անցկացվել է «Հաշմանդամություն ունեցող անձանց ծառայությունների հասանելիություն/փորձի փոխանակում» խորագրով միջազգային համաժողովը․ այն կայացել է «Իմ Քայլը» հիմնադրամի նախաձեռնությամբ, Աշխատանքի և սոցիալական հարցերի նախարարության գործակցությամբ, կազմակերպման հարցում գործընկեր է հանդիսացել «Վորլդ Վիժն» կազմակերպությունը՝ «Հասանելիության և մատչելիության ապահովում հաշմանդամություն ունեցող անձանց համար» ծրագրի շրջանակում, հաայտնում են ՀՀ աշխատանքի և սոցիալական հարցերի նախարարությունից։

«Միջոցառման ընթացքում ներկայացվել ու քննարկվել են հաշմանդամություն ունեցող անձանց ոլորտում իրականացվող առաջնահերթությունների և բարեփոխումների առանցքային գաղափարախոսությունը․ ուսումնասիրել և փոխանակել տարբեր երկրների լավագույն փորձը, աջակցել և համագործակցել ռազմավարությունների մշակման գործում։

Համաժողովին ողջույնի խոսքով հանդես են եկել ՀՀ վարչապետի տիկին Աննա Հակոբյանը, Աշխատանքի և սոցիալական հարցերի նախարար Նարեկ Մկրտչյանը, Մարդու իրավունքների պաշտպան Անահիտ Մանասյանը, Կատարի Պետության սոցիալական զարգացման և ընտանիքի նախարարության ներկայացուցիչ Մեշալ Ալ-Նուայիմին, ինչպես նաև ԱԺ պատգամավորներ, շահագրգիռ գերատեսչությունների պաշտոնյաներ, դիվանագետներ, գործարարներ, բարձրաստիճան հյուրեր Կատարից և Արաբական Միացյալ Էմիրություններից, հաշմանդամություն ունեցող անձանց հիմնահարցերով զբաղվող հասարակական և միջազգային կազմակերպությունների ներկայացուցիչներ։

Իր ելույթում նախարար Նարեկ Մկրտչյանը ընդգծելով Աշխատանքի և սոցիալական հարցերի նախարարության նախաձեռնությամբ ոլորտում իրականացված մի շարք արմատական բարեփոխումների կարևորությունը՝ նշել է, որ մշակվող քաղաքականության հիմքում շարունակում է լինել հաշմանդամություն ունեցող անձանց համար առավել մատչելի պայմանների ստեղծումը, կարիքին համարժեք հասցեական ծառայությունների մատուցումն ու զբաղվածության ապահովումը։

«Այս առումով անցած տարին արդյունավետ էր, որը և անհրաժեշտ հիմք է ապահովել ոլորտային հետագա բարեփոխումների համար։ Նախ՝ 2023 թվականի փետրվարի 1–ից ներդրվել է Անձի ֆունկցիոնալության գնահատման նոր համակարգը, որն էականորեն հեշտացրեց ֆունկցիոնալության գնահատման գործընթացը՝ այն դարձնելով պարզ, թափանցիկ ու առավել հասցեական։ Կարճ ժամանակահատվածում մշակվել է «e-disability.am» հարթակը, որը հաշմանդամություն ունեցող անձանց հնարավորություն է տալիս առանց ավելորդ ջանք և ռեսուրս ներդնելու՝ առցանց եղանակով ներկայացնել ֆունկցիոնալության գնահատման դիմում, իսկ համակարգի աշխատակիցները հնարավորություն ունեն արագ և առավել կանոնակարգված ուսումնասիրել քաղաքացու գործն ու անհրաժեշտ ընթացք ապահովել»,- նշել է նախարար Նարեկ Մկրտչյանը։

Միջոցառման ընթացքում անդրադարձ է կատարվել նաև հաշմանդամություն ունեցող անձանց սոցիալական ներառման, նրանց վերաբերյալ կարծրատիպերի և խտրական վերաբերմունքի դեմ պայքարին, որակյալ ներառական կրթության իրավունքի և արդյունավետ զբաղվածության ապահովմանն ուղղված աշխատանքներին։

Նախարարության ներկայացուցիչները համաժողովի մասնակիցներին ներկայացրել են հաշմանդամության ոլորտի պետական քաղաքականությունը․ միջազգային հանձնառություններն ու պարտավորությունները, օրենսդրական և ռազմավարական հիմքերը։ Խոսել են հաշմանդամության գնահատման նախկին և ներկայիս մոդելների տարբերությունների և կիրառման, ինստիտուցիոնալ կառուցվածքի, մատուցվող ծառայությունների և երաշխիքների, ինչպես նաև ծրագրերի ու նախաձեռնությունների մասին։

«Նորք» տեխնոլոգիաների կենտրոնի գործադիր տնօրեն Անահիտ Պարզյանը ներկայացրել է անձի ֆունկցիոնալության գնահատման համակարգի կիրառման նպատակով ստեղծված «e-disability.am» թվային գործիքը, որը հնարավորություն է տալիս քաղաքացուն առցանց եղանակով ներկայացնել դիմում և հետևել ընթացքին, իսկ մասնագետներն կարողանում են հավաքագրել գնահատվող անձի վերաբերյալ անհրաժեշտ տեղեկատվությունը և ընդունել համապատասխան որոշում։

Համաժողովի ընթացքում տեղի են ունեցել պանելային քննարկումներ․ պետական մարմինների և քաղհասարակության անդամները, գործարարներն ու փորձագետներն, ինչպես նաև Կատարի Պետության «Շաֆալլահ», «Մադա», «Նուր» կենտրոնների ներկայացուցիչները խոսել են պետական քաղաքականության առանձնահատկությունների, իրենց երկրների փորձառության, իրականացված աշխատանքների և ձեռքբերումների մասին։

Անդրադարձ է կատարվել նաև հաշմանդամություն ունեցող անձանց տրամադրվող աջակցող միջոցների հասցեականությանը, մատուցվող ծառայությունների գործիքակազմին ու արդյունավետության գնահատմանը, ինչպես նաև աշխատաշուկայում մրցունակ լինելու հանգամանքին։

Մասնակիցներն իրենց ելույթներում կարևորել են նաև հաշմանդամություն ունեցող անձանց անկախ ապրելուն աջակցելու և սոցիալական ներառումն ապահովելու ուղղությամբ իրականացվող ծրագրերը, սոցիալ-վերականգնողական ծառայությունների հասանելիությունը, գնահատված կարիքի համաձայն տրամադրվող աջակցությունները, մատչելի միջավայրի ապահովումը։

Համաժողովի ընթացքում ցուցադրվել են տեսանյութեր՝ հաշմանդամություն ունեցող անձանց կողմից հաղթահարած դժվարությունների և ձեռքբերումների մասին՝ օրինակ դառնալով այլ մարդկանց համար՝ հավատալու իրենց ուժերին և կարողություններին։ «Կողք կողքի» և «Ճախրուկ» փառատոնների մասնակիցներն էլ հանդես են եկել երաժշտական կատարումներով»,-ասված է հաղորդագրության մեջ։

Բաժանորդագրվեք SHANTNEWS.am-ին Telegram-ում

Բոլոր լուրերը

22:26 27.05.2025
Երևանում բախվել են շտապօգնության ավտոմեքենան ու «Range Rover»-ը. կան տուժածներ

Կապակցված լուրեր

22:26 27.05.2025

Երևանում բախվել են շտապօգնության ավտոմեքենան ու «Range Rover»-ը. կան տուժածներ

Մայիսի 27-ին, խոշոր ավտովթար է տեղի ունեցել Երևանում: Ժամը 03:30-ի սահմաններում Բագրատունյաց պողոտա և Չեխովի փողոցի խաչմերուկում բախվել են Երևանի բնակիչ 34-ամյա Ե. Գրիգորյանի վարած «Range Rover» մակնիշի և Վայոց ձորի մարզի բնակիչ 52-ամյա Ա. Նազարյանի վարած շտապօգնության ավտոմեքենաները: Ինչպես հայտնում է shamshayn.com-ը, վթարի հետևանքով Ա. Նազարյանը, նրա ուղևոր, Երևանի բնակիչ 52-ամյա Ն. Ավանեսյանն ու […] ...

22:17 27.05.2025

ՏԿԵ նախարարն այցելել է Հյուսիս-հարավ ճանապարհի Աշտարակ-Թալին հատվածի շինհրապարակներ՝ ծանոթանալու կատարված աշխատանքներին

ՀՀ ՏԿԵ նախարար Դավիթ Խուդաթյանն այսօր Արագածոտնի մարզպետ Սերգեյ Մովսիսյանի, համայնքապետերի, Ճանապարհային դեպարտամենտ հիմնադրամի գործադիր տնօրեն Արկադի Չերչինյանի և այլ պատասխանատուների հետ այցելել է Հյուսիս-հարավ ճանապարհի Աշտարակ-Թալին հատվածի շինհրապարակներ՝ ծանոթանալու կատարված աշխատանքներին։ Այս մասին հայտնել են ՏԿԵ նախարարությունից: Առաջին կանգառն Ագարակ-Ոսկեվազ հանգույցն է եղել, որից հետո այցելել են Արուճ-Կաքավաձոր-Ագարակավան հանգույց, ինչպես նաև Աշտարակ-Թալին հատվածի 62 […] ...

22:09 27.05.2025

Արման Եղոյանը կարևորել է ԵՄ անդամ երկրների, այդ թվում՝ Լեհաստանի հետ բազմակողմ գործակցությունը

Ազգային ժողովի եվրոպական ինտեգրման հարցերի մշտական հանձնաժողովի նախագահ Արման Եղոյանը մայիսի 27-ին հանդիպել է Լեհաստանի Սենատի անդամ Գաբրիելա Մորավսկա Ստանեցկայի հետ: Այս մասին հայտնել են ԱԺ-ից: Ողջունելով «Երեւանյան երկխոսություն 2025» համաժողովի շրջանակում Երեւան ժամանած հյուրին՝ Արման Եղոյանն արժեւորել է Լեհաստանի հետ փոխգործակցությունը: Խոսելով Հայաստան-Եվրամիություն ընդլայնվող համագործակցությունից՝ հայ խորհրդարանականը կարեւորել է ԵՄ անդամ երկրների, այդ թվում՝ […] ...

22:00 27.05.2025

SHANTNEWS

21:52 27.05.2025

Նման բան երբեք չեմ տեսել․ Զիդանը՝ Յամալի խաղի մասին

«Ռեալի» նախկին ֆուտբոլիստ ու մարզիչ Զինեդին Զիդանը հիացած է «Բարսելոնայի» եզրային հարձակվող Լամին Յամալի խաղով, հաղորդում է Foot Mercato-ն: «Ինձ համար «Ինտերի» դեմ կիսաեզրափակչում նրա ելույթն աննախադեպ էր, նման բան երբեք չեմ տեսել: Անհավանական է տեսնել, որ որևէ մեկն այդպես յուրացրել է ֆուտբոլը: Բոլորս վայելում ենք Յամալի խաղը: Դրա համար է, որ նա այժմ բոլոր […] ...

21:44 27.05.2025

Հանձնաժողովի անդամները հանդիպել են ԵԽ տեղական և շրջանային իշխանությունների կոնգրեսի նախագահ Մարկ Քուլսին

ԱԺ տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության հարցերի մշտական հանձնաժողովի նախագահ Վահե Ղալումյանը, հանձնաժողովի անդամներ Միքայել Թումասյանը եւ Դավիթ Դանիելյանը մայիսի 27-ին հանդիպել են Եվրոպայի խորհրդի Տեղական եւ շրջանային իշխանությունների կոնգրեսի նախագահ Մարկ Քուլսի գլխավորած պատվիրակության հետ, որի կազմում էին Կոնգրեսի փորձագիտական կենտրոնի ծրագրերի ղեկավար Ռոբերտա Բատիստան եւ Երեւանում Եվրոպայի խորհրդի գրասենյակի […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.