18:15 02.02.2021
Գյումրիի թիվ 25 հիմնական դպրոցում այսօր դասադուլ էր, ուսուցիչները դասարաններում էին, բայց աշակերտները չկային։ Ծնողներն արգելել էին երեխաներին դպրոց գալ, փոխարենը՝ ծնողներով էին հավաքվել դպրոցում։
Դասադուլի պատճառը դպրոցի տնօրենի թափուր տեղի համար անցած տարվա սեպտեմբերի 15-ին անցկացված մրցույթի արդյունքներն են, որոնց հետ համաձայն չեն դպրոցի մանկավարժներն ու ծնողները։
Երեկ ծնողները հանդիպում են ունեցել Շիրակի մարզպետի ու կրթության վարչության պետի հետ, որի ժամանակ տեղեկացրել են, որ դպրոցի տնօրենի նշանակման մասին փոխվարչապետի առաջարկը մարզպետը չի կարող չեղարկել, ըստ որի՝ տնօրենի պաշտոնում նշանակվելու է մեկ այլ՝ թիվ 9 դպրոցի փոխտնօրեն Իրինա Բաղդասարյանը։
«Մենք երեկ մարզպետի հետ հանդիպման ժամանակ ասացինք, եթե որոշումը չփոխվի, մենք ուղղակի մեր երեխեքին դպրոց չենք բերել ու պետք էղնի՝ կհանենք դպրոցից»։
«Մարզպետարանում մեզ ասացին, որ պետք է տնօրենի նշանակման որոշումը ստորագրեն, մենք էլ ասացինք, որ դասադուլ կանենք այնքան ժամանակ, ինչքան պետք լինի, չենք բերի մեր երեխաներին դպրոց, միասնական ծնողներով որոշել ենք»,- Shantnews.am-ի հետ զրույցում ասում էին ծնողները։
Տնօրենի երկու թեկնածուների միջև, մրցույթի արդյունքներով, դպրոցի կառավարման խորհրդի ձայները բաշխվել են 4-2 հարաբերակցությամբ։ Սակայն վերջնարդյունքում ստացվել է հետևյալը՝ փոխվարչապետի հետ երկու թեկնածուների հեռավար հարցազրույցից հետո առաջարկվել է տնօրենի թեկնածու նշանակել 2 միավոր ստացած թեկնածուին, այլ ոչ կրկնակի միավոր ստացած, նույն դպրոցի երկարամյա ուսուցիչ Մերուժան Մինասյանին։
«Մեզ էլ հաճելի չի էս վիճակը, մենք փաստորեն կանգնել ենք փաստի առաջ, պրավալ են գնում ամբողջ դասերը։ Դրա համար կարելի է մի քիչ արագացնել էս հարցի լուծումը և արդար որոշում կայացնել»,- նշել է Գյումրիի թիվ 25 հիմնական դպրոցի ուսուցիչ Ամալյա Մանուկյանը։
Շիրակի մարզպետարանի կրթության, մշակույթի, սպորտի վարչության պետ Հրայր Կարապետյանը դպրոցում դասերի ձախողումը չորակեց դասադուլ, իսկ ստեղծված իրավիճակն ու մրցույթի արդյունքների դեմ ծնողների դժգոհությունները համարեց ոչ իրավաչափ։
Մարզպետարանում երեկ ծնողների հետ հանդիպմանը առաջարկվել է մրցույթի արդյունքները վիճարկել դատարանում, և համապատասխան վճռի հիման վրա նոր միայն հնարավոր կլինի չեղարկել դպրոցի կառավարման խորհրդի կայացրած որոշումը։
«Այս պահին ամբողջ փաթեթը մրցույթի մեր ձեռքի տակ է գտնվում, մենք էնտեղ ժամկետների կամ ընթացակարգերի խախտում չենք նկատել։ Եթե իրենք ունեն իրենց հիմնավորումները, կարող են դիմել դատարան, դատական կարգով որոշում կայացնել։ Եթե հիմնավորում են, մենք պատրաստ ենք ենթարկվել այդ օրենքին։ Այն, որ նշում են, թե թեկնածուներից մեկը 4, մյուսը 2 ձայն են ստացել և ինչպես է ցածր միավոր ստացած թեկնածուն նշանակվում տնօրեն, ասեմ, որ օրենքում հստակ նշված է, որ հաղթող է ճանաչվում մրցույթում այն թեկնածուն, ով ստանում է հինգ և ավելի միավոր։ Այս դեպքում թեկնածուներից և ոչ մեկը այդքան միավոր չի ստացել, և նրանց ունեցած միավորները էս դեպքում գտնվում են նույն հարթության վրա»,- պարզաբանել է Շիրակի մարզպետարանի կրթության, մշակույթի և սպորտի վարչության պետ Հրայր Կարապետյանը։
Դպրոցի աշխատակազմն ու ծնողները դատարան չեն պատրաստվում դիմել, իսկ տնօրենի թեկնածու, մրցույթում չորս միավոր ստացած նույն դպրոցի ուսուցիչ Մերուժան Մինասյանն այս ընթացքում դիմումներ է ուղարկել մի շարք գերատեսչությունների, հուսադրող պատասխաններ չի ստացել։
Ծնողներն այսօր նաև ստորագրահավաք սկսեցին, որը հասցեագրելու են վարչապետի աշխատակազմին և ՀՀ կրթության, գիտության, մշակույթի և սպորտի նախարարությանը։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX և Opticom ցանցային օպերատորների կապուղիներով։ Ինչպես նաև Shant Digital Tv հավելվածով ամբողջ աշխարհում։
23:00 09.08.2025
Կեղտաջրերի նստվածքի վերամշակման տեխնոլոգիաներ․ արդյո՞ք սա թափոն է, թե՝ նոր ռեսուրս«Հիդրոօդերևութաբանության և մոնիթորինգի կենտրոն» ՊՈԱԿ-ը հոդված է հրապարակել «Կեղտաջրերի նստվածքի վերամշակման տեխնոլոգիաներ․ արդյո՞ք սա թափոն է, թե՝ նոր ռեսուրս» վերնագրով: Ձեզ համար աննկատ, կեղտաջրերի մաքրման կայաններում ամեն օր տեղի են ունենում լուրջ տեխնոլոգիական գործընթացներ, որոնք ոչ միայն ապահովում են մաքուր միջավայր, այլև՝ վերածում թափոնները օգտակար նյութերի։ Որտեղի՞ց են առաջանում կեղտաջրերի թափոնները Կեղտաջրերի մաքրման ընթացքում թափոններ […] ...
22:51 09.08.2025
Հայ պատանիները 2 ոսկե, 1 արծաթե և 3 բրոնզե մեդալ են նվաճել Եվրոպայի արագ և կայծակնային շախմատի առաջնությունումՀայաստանի շախմատի ֆեդերացիան ամփոփել է մեր պատանիների արդյունքները 2025 թվականի Եվրոպայի պատանիների արագ և կայծակնային շախմատի առաջնությունում: Հայ շախմատիստները նվաճել են 2 ոսկե, 1 արծաթե և 3 բրոնզե մեդալ։ ՖԻԴԵ-ի վարպետ Վաչե Հովակիմյանը դարձել է Եվրոպայի մինչև 16 տարեկան պատանիների արագ շախմատի չեմպիոն: Արմեն Վարդանյանը դարձել է Եվրոպայի մինչև 10 տարեկան պատանիների կայծակնային շախմատի չեմպիոն: […] ...
22:46 09.08.2025
Guardian. Մեծ Բրիտանիայի միջուկային զենքի պահեստից ռադիոակտիվ ջրի արտահոսք է տեղի ունեցելԳլազգոյի մոտակայքում գտնվող Թագավորական նավատորմի միջուկային զենքի պահեստից ռադիոակտիվ ջուր է արտահոսել Լոխ Լոնգ՝ սարքավորումների մաշվածության պատճառով, հաղորդում է The Guardian-ը՝ հղում անելով Շոտլանդիայի շրջակա միջավայրի պաշտպանության գործակալության զեկույցին։ Դեպքը տեղի է ունեցել Թագավորական նավատորմի Քուլպորտի զենքի պահեստում, որտեղ պահվում են միջուկային մարտագլխիկներ չորս Vanguard դասի սուզանավերի համար, որոնք կրում են ԱՄՆ Trident II (D5) […] ...
22:42 09.08.2025
Նեթանյահուն շնորհավորել է Հայաստանի և Ադրբեջանի ղեկավարներին պատմական համաձայնագրի ստորագրման կապակցությամբԻսրայելի վարչապետ Բենիամին Նեթանյահուն անդրադարձել է վաշինգտոնյան հանդիպումներին։ X-ի իր միկրոբլոգում նա գրել է. «Շնորհավորում եմ նախագահ Թրամփին։ Ձեր համարձակ առաջնորդությունը և գլոբալ տեսլականը հնարավոր դարձրին ևս մեկ խաղաղության համաձայնագիր։ Շնորհավորում եմ նաև նախագահ Ալիևին, վարչապետ Փաշինյանին և Ադրբեջանի ու Հայաստանի ժողովուրդներին այս պատմական համաձայնագրի ստորագրման կապակցությամբ։ Մաղթում եմ, որպեսզի վայելեք հաշտեցումը և համատեղ բարգավաճումը»: […] ...
22:33 09.08.2025
Երևանում «Mercedes»-ը բախվել է էլեկտրասյանըՕգոստոսի 9-ին, ավտովթար է տեղի ունեցել Երևանում։ Ժամը 17:10-ի սահմաններում «Mercedes» մակնիշի ավտոմեքենան Սիլիկյան թաղամասից դեպի հարավ-արևմտյան թաղամաս տանող ճանապարհին՝ «Դեֆանս» նոր կառուցվող թաղամասի հարևանությամբ, դուրս է եկել երթևեկելի գոտուց, անցել բազալտե եզրաքարի վրայով, հայտնվել հետիոտնի համար նախատեսված մայթին, առաջ ընթացել և բախվել երկաթե էլեկտրասյանը։ Ինչպես հայտնում է Shamshyan.com-ը, վթարի փաստով ՊԾ Երևան քաղաքի գնդի […] ...
22:22 09.08.2025
Ինչո՞վ է առանձնահատուկ Վաշինգտոնյան հռչակագիրը. հարցազրույց Մարիա Կարապետյանի հետՎաշինգտոնյան հռչակագրի ու այլ փաստաթղթերի ստորագրումը նոր էջ է բացում Հայաստանի պատմության մեջ: Թե՞ ինչով են այդ փաստաթղթերն առանձնահատուկ և ի՞նչ զարգացումների հնարավորություն են տալիս, ներկայացրել է ԱԺ «Քաղաքացիական պայմանագիր» խմբակցության պատգամավոր Մարիա Կարապետյանը «Հեռանկար»-ի տաղավարում: Հարցազրույցն ամբողջությամբ՝ տեսանյութում։ ...
