19:57 09.03.2021
Շիրակի մարզում ինժեներական նորարարության իրենց մտահղացումները փորձարկելու հարթակ է տրամադրված պատանի ավիամոդելավորողներին։ Ներուժն այստեղ կիրառվում է անօդաչու թռչող սարքերի նախագծումների, փորձարկումների համար։ Տարբեր տարիքային խմբերի դպրոցականներ դասերից հետո ամեն օր գալիս են ավիամոդելային խմբակ: Այստեղ բոլորի ձգտումն ինքնաթիռ կամ անօդաչու թռչող սարքեր ստեղծելն է:
17 տարեկան Աղասի Թորոսյանն այս խմբակում է սովորել, հիմա արդեն շրջանավարտ է ու ստացել է օդային հետախույզի առաջին կարգի վկայական: Ծրագրավորել է ուսումնական նշանակության մի քանի թռչող սարքեր, որոնց փորձարկումն իրական պայմաններում եղել է արդյունավետ։ Ծրագրավորման ու նախագծման իր կարողությունները զարգացնելու համար պատանին որոշել է մասնագիտանալ ռազմական ավիացիայի ոլորտում։
Ստացված ու արդեն փորձարկված մոդելը 17 տարեկան պատանին պայմանականորեն անվանել է Սու-27: Իր ստեղծած ստվարաթղթե թռչող սարքը հայտնի կործանիչներին արտաքին տեսքով նմանություններ ունի:
«Շարժվող մասերը հիմնականում թևերի հատվածում են գտնվում, կարող են շարժվել աջ-ձախ, վերև ու ներքև։ Ունի էլեկտրական շարժիչ, որն էլ համարվում է ինքնաթիռի հիմնական մասն ու կապ է ապահովում հեռակառավարվող վահանակի հետ»,- Shantnews.am-ի հետ զրույցում պատմել է Աղասի Թորոսյանը։
Ստեղծարար գաղափարներ ունեցող պատանին գիտի, որ անգամ մեկ սանտիմետր սխալը կարող է օդում ճակատագրական լինել սարքի թռիչքի համար: Իր ստեղծած ուսումնական մոդելների թերությունները գտնելու համար դրանք փորձարկում է վիրտուալ պայմաններում: Աղասիի նպատակն է՝ ստեղծել թռչող սարքի այնպիսի մի մոդել, որը կկիրառվի Զինված ուժերում: Գաղափարներն արդեն ներկայացրել է՝ ուզում է ստեղծել հետախուզական անօդաչու թռչող սարք:
«Ուզում եմ պատրաստել հետախուզական թռչող սարք, իմ պատրաստած մոդելն էլ կարելի է վերածել հետախուզականի, տեղադրել տեսախցիկ և ուղարկել տեղազննության։ Դա, իմ կարծիքով՝ ավելի հետաքրքիր է։ Հետախուզական անօդաչուները շատ կարևոր են, պետք է գիտենանք՝ ում ենք հետախուզում, դիտում, որ մյուս մասնագետներն էլ հետո իրենց գործն անեն»,- նշում է Աղասին։
Ավիացիայի հանդեպ հետաքրքրությունները նոր չեն սկսվել։ Նախ՝ մանկական տարիքում խաղալիք ինքնաթիռներն էին փորձարկումների առարկա, ու դա գալիս է, այսպես ասած, ընտանեկան մասնագիտությունից։ Աղասիի հայրը՝ Գագիկ Թորոսյանը, 26 տարի ծառայել է Զինված ուժերի ավիացիոն գնդում: Որդու մասնագիտական հաջողություններով հպարտանալու առիթներ շատ է ունեցել։
«Տղայիս միշտ հետաքրքրում էին ինքնաթիռները։ Դեռ փոքր տարիքից իր խաղալիքները քանդում էր՝ տեսնելու համար, թե ինչ մասերից է պատրաստված։ Ինքը տիրապետում է ռադիոտեխնիկային, իմ ճանապարհն է ընտրել, ինձ հետ հավասար հեռուստացույց ու ձայնարկիչներ է նորոգում»,- պատմում է Աղասիի հայրը։
Արդեն զորակոչային տարիքի է Աղասին, զինվորականի ճանապարհն է ընտրել, որոշել է ընդունվել Արմենակ Խամփերյանցի անվան ռազմաավիացիոն համալսարան, բայց օդաչու դառնալ չի ուզում։ Միակ ու առաջնային գործն իր համարում է ճշգրիտ աշխատող թռչող համակարգեր ստեղծելը։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
23:00 09.08.2025
Կեղտաջրերի նստվածքի վերամշակման տեխնոլոգիաներ․ արդյո՞ք սա թափոն է, թե՝ նոր ռեսուրս«Հիդրոօդերևութաբանության և մոնիթորինգի կենտրոն» ՊՈԱԿ-ը հոդված է հրապարակել «Կեղտաջրերի նստվածքի վերամշակման տեխնոլոգիաներ․ արդյո՞ք սա թափոն է, թե՝ նոր ռեսուրս» վերնագրով: Ձեզ համար աննկատ, կեղտաջրերի մաքրման կայաններում ամեն օր տեղի են ունենում լուրջ տեխնոլոգիական գործընթացներ, որոնք ոչ միայն ապահովում են մաքուր միջավայր, այլև՝ վերածում թափոնները օգտակար նյութերի։ Որտեղի՞ց են առաջանում կեղտաջրերի թափոնները Կեղտաջրերի մաքրման ընթացքում թափոններ […] ...
22:51 09.08.2025
Հայ պատանիները 2 ոսկե, 1 արծաթե և 3 բրոնզե մեդալ են նվաճել Եվրոպայի արագ և կայծակնային շախմատի առաջնությունումՀայաստանի շախմատի ֆեդերացիան ամփոփել է մեր պատանիների արդյունքները 2025 թվականի Եվրոպայի պատանիների արագ և կայծակնային շախմատի առաջնությունում: Հայ շախմատիստները նվաճել են 2 ոսկե, 1 արծաթե և 3 բրոնզե մեդալ։ ՖԻԴԵ-ի վարպետ Վաչե Հովակիմյանը դարձել է Եվրոպայի մինչև 16 տարեկան պատանիների արագ շախմատի չեմպիոն: Արմեն Վարդանյանը դարձել է Եվրոպայի մինչև 10 տարեկան պատանիների կայծակնային շախմատի չեմպիոն: […] ...
22:46 09.08.2025
Guardian. Մեծ Բրիտանիայի միջուկային զենքի պահեստից ռադիոակտիվ ջրի արտահոսք է տեղի ունեցելԳլազգոյի մոտակայքում գտնվող Թագավորական նավատորմի միջուկային զենքի պահեստից ռադիոակտիվ ջուր է արտահոսել Լոխ Լոնգ՝ սարքավորումների մաշվածության պատճառով, հաղորդում է The Guardian-ը՝ հղում անելով Շոտլանդիայի շրջակա միջավայրի պաշտպանության գործակալության զեկույցին։ Դեպքը տեղի է ունեցել Թագավորական նավատորմի Քուլպորտի զենքի պահեստում, որտեղ պահվում են միջուկային մարտագլխիկներ չորս Vanguard դասի սուզանավերի համար, որոնք կրում են ԱՄՆ Trident II (D5) […] ...
22:42 09.08.2025
Նեթանյահուն շնորհավորել է Հայաստանի և Ադրբեջանի ղեկավարներին պատմական համաձայնագրի ստորագրման կապակցությամբԻսրայելի վարչապետ Բենիամին Նեթանյահուն անդրադարձել է վաշինգտոնյան հանդիպումներին։ X-ի իր միկրոբլոգում նա գրել է. «Շնորհավորում եմ նախագահ Թրամփին։ Ձեր համարձակ առաջնորդությունը և գլոբալ տեսլականը հնարավոր դարձրին ևս մեկ խաղաղության համաձայնագիր։ Շնորհավորում եմ նաև նախագահ Ալիևին, վարչապետ Փաշինյանին և Ադրբեջանի ու Հայաստանի ժողովուրդներին այս պատմական համաձայնագրի ստորագրման կապակցությամբ։ Մաղթում եմ, որպեսզի վայելեք հաշտեցումը և համատեղ բարգավաճումը»: […] ...
22:33 09.08.2025
Երևանում «Mercedes»-ը բախվել է էլեկտրասյանըՕգոստոսի 9-ին, ավտովթար է տեղի ունեցել Երևանում։ Ժամը 17:10-ի սահմաններում «Mercedes» մակնիշի ավտոմեքենան Սիլիկյան թաղամասից դեպի հարավ-արևմտյան թաղամաս տանող ճանապարհին՝ «Դեֆանս» նոր կառուցվող թաղամասի հարևանությամբ, դուրս է եկել երթևեկելի գոտուց, անցել բազալտե եզրաքարի վրայով, հայտնվել հետիոտնի համար նախատեսված մայթին, առաջ ընթացել և բախվել երկաթե էլեկտրասյանը։ Ինչպես հայտնում է Shamshyan.com-ը, վթարի փաստով ՊԾ Երևան քաղաքի գնդի […] ...
22:22 09.08.2025
Ինչո՞վ է առանձնահատուկ Վաշինգտոնյան հռչակագիրը. հարցազրույց Մարիա Կարապետյանի հետՎաշինգտոնյան հռչակագրի ու այլ փաստաթղթերի ստորագրումը նոր էջ է բացում Հայաստանի պատմության մեջ: Թե՞ ինչով են այդ փաստաթղթերն առանձնահատուկ և ի՞նչ զարգացումների հնարավորություն են տալիս, ներկայացրել է ԱԺ «Քաղաքացիական պայմանագիր» խմբակցության պատգամավոր Մարիա Կարապետյանը «Հեռանկար»-ի տաղավարում: Հարցազրույցն ամբողջությամբ՝ տեսանյութում։ ...
