Շիրակի մարզի Սպանդարյան գյուղի բնակիչները պահանջում են վերադարձնել իրենց արոտավայրերն ու խոտհարքները

Արթիկի տարածաշրջանի Սպանդարյան   համայնքի ենթակայության տակ եղած արոտավայրերն ու խոտհարքները հարևան՝ Արևշատ գյուղին են անցել  դեռ 2007 թվականին՝ վարչատարածքային բաժանման մասին օրենքով։ Այժմ իրենց արոտավայրերի  70-80 տոկոսն օգտագործում են հարևան համայնքի բնակիչները ։  Արոտավայրեր չունենալու  պատճառով գյուղացիները ստիպված անասնագլխաքանակն են պակասեցրել  ։

Շիրակի մարզպետ Հովհաննես Հարությունյանի հետ հանդիպմաը հիմնականում անասնապահությամբ զբաղվող գյուղի բնակիչներն  առաջինն այս հարցն են բարձրացրել ։

«Մենք արոտ չունենք, ես զբաղվում եմ ֆերմերությամբ, շատ ոչխարներ ունեի, էս արոտի պատճառով ոչխարները ծախեցի, կեսն էլ տարա Արագած։ Հիմի ահագին տոհմային անասուններ ունիմ ,50 գլուխ ցեղական կովեր, բայց արոտ չունինք»,-դժգոհեց գյուղացիներից մեկը։

Հողային խնդիրներն միայն այս գյուղով չեն սահմանափակվում։ Նախկինում նաև  մեծ հողատարածքները երկարաժամկետ պայմանագրերով տրամադրվել են մի քանի անհատների, որոնք  բիզնես նպատակներով տնօրինել են  տարածքները, իսկ տեղի բնակիչները մնացել են առանց  արոտավայրերի ու խոտհարքների ։

«Ես ինքս դեմ եմ,որ այլ  մարզերից գալիս էստեղ տարածքներ են վարձակալում։ Համայնք ունենք, որտեղ այլ մարզից գալիս են, ունեն վարձակալած տարածքներ, խոտը քաղում- տանում, վաճառում են, էդ իրանց բիզնեսն է, բայց մենք տեղում ունենք ֆերմերներ ,ովքեր այլ մարզերից են վարձակալում, վարձակալության ժամկետները վերջացել են, հիմա էդ մարդիկ կանգնել են փաստի առջև»-նշել է  խոսել Շիրակի մարզպետը

Արոտավայրեր չունեն անասնապահությունը ընդլայնելու համար , ոռոգման ներքին ցանցով ապահովված չեն , ինչի պատճառով հեկտարներով հող են թողնում անմշակ։

Այս տարի խնդիրը լուծվելու է , Սպանդարյանում  սուբվենցիոն ծրագով  կկառուցվի  մեկ ու կես կմ երկարության ոռոգման  ներքին ցանց։ Լուրը սպանդարյանցիներին  հայտնեց  Շիրակի մարզպետարանի զարգացման ծրագրերի, զբոսաշրջության և վերլուծության բաժնի պետ Կարեն Բադիշյանը։

Ըստ Կարեն Բադիշյանի 5հեկտար տարածքի համար է նախատեսված ոռոգման ցանցը, տնային տնտեսություններից օգտվողների թիվը կլինի մոտ 150, սա արդեն տնտեսական և սոցիալական ենթակառուցվածքների  զարգացման սուբվենցիոն ծրագրով ներկայացվել է նախարարություն, մրցույթ հայտարարելուց հետո, ըստ ծրագրի, մինչև տարեվերջ ոռոգման ցանցը կհանձնվի շահագործման։

Համայնքներում   ոռոգման սեզոնին  խնդիրը կարգավորելու համար քննարկվում է փոքր տարողության  ջրամբարներ կառուցելու հնարավորությունները, ինչն ըստ Շիրակի  մարզպետի  մարզի խնդրահարույց որոշ տարածքների համար իրատեսական է համարվում։

Փոքր ջրամբարների կառուցումը կնպաստի մարզի անջրդի և չմշակվող հողատարածքների վերամշակմանը։ Համաձայն ներկայցրած  հաշվարկների՝ շուրջ 30 հազար հեկտար  հողատարածք  մարզում չի օգտագործվում ըստ նշանակության։

Համայնքային խնդիրների լուծման մեկ այլ ծրագրով Սպանդարյանում մանկապարտեզ է  կառուցվել։ Տարածքային զարգացման հիմնադրամի և համայնքի բյուջեի համաֆինանսավորմամբ երկհարկանի նոր շենք է կառուցվել։ Այն նախատեսված է  75 երեխայի համար, իսկ  մանկապարտեզային տարիքի երեխաներն գյուղում ավելի շատ են։

 «Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև  Shant Digital Tv հավելվածով՝ ամբողջ աշխարհում։