17:40 20.03.2021
Հայկական հեքիաթների, ազգային տարազներով և հայտնի առակների հերոսների կերպարները տիկնիկային տեսք են ստանում մանկության հեքիաթներով ապրող երեխաների շնորհիվ։ Գյումրիի գեղագիտության ազգային կենտրոնում 7-ից 14 տարեկան երեխաները իրենց ձեռքով են ստեղծում իրենց մանկական երևակայության կերպարները։ Տիկնիկներ պատրաստելուց բացի,նրանք յուրացնում են ազգային ու ծիսական տիկնիկների կիրառության պատմություններն ու նշանակությունը ։
Ընդամենը 7 տարեկան տիկնիկագործ-երեխաները տիրապետում են կար ու ձևի հմտություններին։ Վարպետ Մարոյի օգնությամբ կարողանում են ժպտուն, ազնիվ ու ճիշտ կերպարներ ստեղծել։ Վարպետին աշակերտները երբեմն զարմացնում են իրենց մանկական վառ երևակայությամբ։
«Շատ հետաքրքիր է երեխաների մտածողությունը։Պատկերացրեք ես էլ շատ բաներ սովորում եմ իրենցից, սովորում եմ և՛ գույների ընտրությունը, և՛ կերպարների ընտրությունը, կարող է էնքան անհավանական առաջարկներ անեն պատրաստելու, որ ես ինքս էլ զարմանամ»,- SHANTNEWS-ի հետ զրույցում ասում է Գյումրիի գեղագիտության ազգային կենտրոնի տիկնիկագործության խմբակի ղեկավար Մարո Կարապետյանը։
Գույնզգույն կտորներից, ժանյակներից ու ուլունքներից բացի օգտագործում են նաև զանազան թափոններ, որոնք իհարկե անվտանգ են։ Այդ առարկաներն այստեղ երկրորդ կյանք են ստանում։
«Հայկական գույների զգացողությունը երեխաների մոտ շատ լավ է արտացոլվում։Էն ինչը, որ երեխան մի գուցե դժվարանում է ներկերն իրար խառնելով ստանա, էս կտորները, որոնք թափոններ են, էս թափոններից իրենք շատ գեղեցիկ կերպարներ են ստեղծում, իրենց երևակայությունը շատ լավ է սկսում աշխատել, համատեղում են տարբեր գույնի կտորներն ու ստանում են շատ գեղեցիկ ապլիկացիաներ»,-SHANTNEWS-ի հետ զրույցում նշել է Գյումրիի գեղագիտության ազգային կենտրոնի հագուստի մոդելավորման խմբակի ղեկավար Արփինե Գալոյանը։
Ծիսական ու հեքիաթային կերպարներով տիկնիկներից բացի պատրաստում են նաև տարազային տիկնիկներ, որոնք ունեն պատրաստման առանձնահատուկ տեխնիկա, իսկ դրանց նշանակությունը երեխաները բացատրում են այնպես, ինչպես հավատում են հեքիաթների հերոսների իրական գոյությանը :
Մանուկների ձեռքերով պատրաստված տիկնիկները միայն ցուցահանդեսային նմուշներ չեն, դրանք գործածվում են տիկնիկային ներկայացումներում։ Գեղագիտության կենտրոնի թատերական խմբակի պատանի դերասանների խաղընկերներ ու կերպարներ դառնում են այս տիկնիկները։
Ձեռքի աշխատանքներն ու գունեղ կտավներն ամռանը կներկայացվեն մեծ ցուցահանդեսում։ Այժմ փոքրիկ տիկնագործները զբաղված են թեմատիկ կերպարներ հորինելու աշխատանքով։ Զատկի տոնին են պատրաստվում՝ եկեղեցական ամենագունեղ և ուրախ տոնի մոտիվներով:
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
17:38 07.08.2025
Թոմաս Մյուլերը կարիերան կշարունակի MLS-ում«Բավարիայից» հեռացած լեգենդար Թոմաս Մյուլերն ազատ գործակալի կարգավիճակում պայմանագիր է կնքել MLS-ը ներկայացնող «Վանկուվերի» հետ, հայտնում է ակումբի պաշտոնական կայքը։ Պայմանագիրը 1+1 սկզբունքով է։ 35-ամյա Մյուլերը հուլիսին էր ազատ գործակալի կարգավիճակում հեռացել «Բավարիայից», որի համակարգում էր 2000 թվականից։ Նա մյունխենյան ակումբում 756 խաղում 250 գոլ է խփել, կատարել 276 գոլային փոխանցում։ ...
17:32 07.08.2025
Շրջակա միջավայրի նախարարությունում քննարկվել են համագործակցության հնարավորությունները ՌՎԻ-ի հետՇրջակա միջավայրի նախարարությունում տեղի է ունեցել հանդիպում Ռաուլ Վալլենբերգի անվան մարդու իրավունքների և մարդասիրական իրավունքի ինստիտուտի (ՌՎԻ) հայաստանյան գրասենյակի տնօրեն Լաուրա Միլնի հետ։ Քննարկմանը մասնակցել են նախարարության մասնագետներ և Օրհուսի կոնվենցիայի ազգային համակարգող Մարի Չաքրյանը։ Կողմերը քննարկել են իրավունքահեն բնապահպանական կառավարման, շրջակա միջավայրին առնչվող արդարադատության մատչելիության, կանաչ և արդար անցման, ինչպես նաև Կենսաբանական բազմազանության կոնվենցիայի […] ...
17:24 07.08.2025
Սյունիքի մարզում 22-ամյա վարորդը «ՎԱԶ 2107»-ով բախվել է «Scania» ավտոբուսին, ապա՝ «ISUZU» բեռնատարին. կան տուժածներԵրեկ՝ օգոստոսի 6-ին, ավտովթար է տեղի ունեցել Սյունիքի մարզում: Ժամը 18:50-ի սահմաններում Սյունիքի մարզի բնակիչ 22-ամյա Նարեկ Շ.-ն իր վարած «ՎԱԶ 2107» մակնիշի ավտոմեքենայով Երևան-Մեղրի ավտոճանապարհի 182 կմ հատվածում դուրս է եկել երթևեկելի գոտուց, բախվել Իրանի Իսլամական հանրապետության քաղաքացի, 51-ամյա Մեհրդատ Ա.-ի վարած «Scania» մակնիշի ավտոբուսին, ապա բախվել Արարատի մարզի բնակիչ 30-ամյա Հարություն Խ.-ի վարած […] ...
17:16 07.08.2025
Կառավարությունը կսուբսիդավորի տեքստիլ արտադրությամբ զբաղվողների վարկի տոկոսը. գործադիրի որոշումներըԿառավարությունն ընդունել է Հայաստանի պողպատե ամրանների ներմուծման լիցենզավորման ընթացակարգը և հիմնական լիցենզիայի ձևը սահմանելու մասին որոշման նախագիծը: Ըստ էկոնոմիկայի նախարարի՝ այն բխում է վերջերս Ազգային ժողովի ընդունած մի որոշումից, ըստ որի՝ ՀՀ 3-րդ երկրներից ներմուծվող յուրաքանչյուր 1 տոննա մետաղական արտադրանքի համար սահմանվում էր 29 հազար դրամի չափով տուրք: Այս նույն քաղաքականությունը շարունակելով, այժմ որոշում է […] ...
17:07 07.08.2025
Ջոն Սթոքտոնը բացատրել է, թե ինչու է Մայքլ Ջորդանը համարվում պատմության մեծագույն խաղացողը«Յուտա Ջազի» լեգենդար խաղարկող Ջոն Սթոքտոնը բացատրել է, թե ինչու է Մայքլ Ջորդանը համարվում պատմության մեծագույն խաղացողը, հաղորդում է Basket News-ը: Սթոքտոնի խոսքերով՝ Ջորդանի խաղը շատ ավելի ազնիվ ու արժանապատիվ էր. «Ինձ դուր են գալիս այն բասկետբոլիստները, որոնք ասում են. «Եկեք աշխատենք։ Պետք է պարզապես ավելի լավը դառնալ, ավելի ուժեղ խաղալ, ավելի խելացի լինել», ոչ […] ...
17:00 07.08.2025
Մասիսի համայնքային ոստիկանները Նոր Խարբերդի բնակչի տանը կանեփի բույսեր ու մարիխուանա են հայտնաբերելՀամայնքային ոստիկանության Մասիսի բաժնի ծառայողներն օպերատիվ տեղեկություն էին ստացել, որ Նոր Խարբերդի 53-ամյա մի բնակիչ տնամերձ հողամասում կանեփ է աճեցնում։ 53-ամյա տղամարդը ձերբակալվել և տեղափոխվել է բաժին։ Նախաձեռնվել է քրեական վարույթ, որի շրջանակում կատարված խուզարկությամբ բակից հայտնաբերվել է կանեփի յոթ բույս, մոտ 60 գրամ մարիխուանայի նմանվող դեղնականաչավուն զանգված։ Նախաքննությունը շարունակվում է։ Ծանուցում. Ենթադրյալ հանցանքի մեջ […] ...
