12:48 04.11.2021
Ջերմոցային գազերի արտանետումները 2021 թվականին կաճեն մոտ 5%-ով։ Այսպիսով, դրանք կհասնեն այն մակարդակին, որը եղել է մինչև COVID-19- համավարակի սկիզբը։ ТАСС գործակալության փոխանցմամբ՝ հետազոտության արդյունքները հրապարակել է Earth System Science Data գիտական ամսագիրը։
«2021 թվականին արտանետումների արագ վերադարձը նախկին մակարդակին ցույց է տալիս, որ մենք վերադարձել ենք հին ածխաջրածնային տնտեսություն: Կանաչ ոլորտում ներդրումները, որոնք ներառված էին համաճարակից հետո շատ երկրների տնտեսությունների վերականգնման ծրագրերում, ակնհայտորեն բավական չէին արտանետումների կտրուկ աճից խուսափելու համար», – ասել է հետազոտության հեղինակներից մեկը, Էքսետերի համալսարանի պրոֆեսոր Պիեռ Ֆրիդլինգշտեյնը։
Կորոնավիրուսային վարակի տարածմամբ պայմանավորված սահմանափակումների պատճառով կտրուկ նվազել էին արդյունաբերական արտադրության, ավտոմոբիլային երթևեկության և ջերմոցային գազերի բազմաթիվ այլ աղբյուրների ծավալները։
Անցյալ ամառվա առաջին գնահատականները ցույց էին տվել, որ ջերմոցային գազերի արտանետումները նվազել են մոտ 17%-ով՝ համեմատած 2019 թվականի ձմռան և վաղ գարնան հետ: Նախնական գնահատականներով՝ ամբողջ 2020 թվականին ածխաթթու գազի տարեկան արտանետումների զանգվածը նվազել է մոտ 2,4 մլրդ տոննայով (7%)։ Մինչ այժմ սա ամենամեծ անկումն է դիտարկումների ողջ պատմության մեջ։
Սակայն գիտնականները պարզել են, որ այս կտրուկ անկումը միայն ժամանակավոր է: Նրանց հաշվարկներով՝ 2021 թվականին արտանետումները կաճեն գրեթե 5 տոկոսով, այսինքն՝ մարդկությունը կվերադառնա մինչհամավարակային մակարդակին։
Ինչպես նշում են գիտնականները, այս աճի զգալի մասը բաժին կընկնի այն չորս երկրներին, որոնց հետ կապված են ջերմոցային գազերի արտանետումների ամենամեծ ծավալները։ Մասնավորապես, արտանետումներն ԱՄՆ-ում և ԵՄ-ում այս տարի կավելանան մոտ 7,6%-ով, իսկ Չինաստանում և Հնդկաստանում՝ 4%-ով և 12,6%-ով։ Աշխարհի այլ երկրներում արտանետումները զգալիորեն չեն փոխվի. ըստ գիտնականների՝ դրանք չեն գերազանցի 2019 թվականի մակարդակը։
Ըստ Ֆրիդլինգշտեյնի և նրա գործընկերների՝ արտանետումների նման արագ վերադարձը նախկին մակարդակներին կասկածի տակ է դնում այն փաստը, որ մարդկությունը 21-րդ դարի վերջում կկարողանա գլոբալ տաքացումը պահել 1,5 °C մակարդակի վրա:
20:43 08.05.2025
ՀՀ ՏԿԵ նախարարն աշխատանքային խորհրդակցություն է անցկացրել Հայաստանի Ատոմային էլեկտրակայանումՀՀ ՏԿԵ նախարար Դավիթ Խուդաթյանն այսօր աշխատանքային խորհրդակցություն է անցկացրել Հայաստանի Ատոմային էլեկտրակայանում, որին մասնակցել են էներգետիկ համակարգի ընկերությունների ղեկավարները։ Այս մասին հայտնել են ՏԿԵ նախարարությունից: Քննարկվել են ոլորտին վերավերող մի շարք կարևոր հարցեր։ Անդրադարձ է կատարվել ՀԱԷԿ-ի 2-րդ էներգաբլոկի շահագործման ժամկետի երկարաձգմանը, արևային էներգիայի զարգացման հեռանկարներին, ոլորտի կարգավորումներին։ Քննարկել ենք ոլորտին առնչվող այլ հարցեր […] ...
20:30 08.05.2025
Վարչապետն աշխատանքային այցով ժամանել է ՄոսկվաՎարչապետ Նիկոլ Փաշինյանն աշխատանքային այցով ժամանել է Ռուսաստանի Դաշնություն: Վարչապետը Մոսկվայում ներկա կգտնվի մայիսի 9-ին անցկացվելիք Հայրենական մեծ պատերազմում հաղթանակին նվիրված միջոցառումներին: ...
20:15 08.05.2025
Կարդինալներն ընտրել են Հռոմի նոր պապինԿոնկլավին մասնակցող կարդինալները ընտրեցին Հռոմի կաթոլիկ եկեղեցու նոր ղեկավար։ Վատիկանի Սիքստինյան կապելլայի վրա տեղադրված ծխնելույզից սպիտակ ծուխ է դուրս գալիս: Ընտրվելու համար 80 տարեկանից փոքր 133 մասնակիցներից մեկը պետք է ստանար ձայների երկու երրորդը (89 ձայն): Թե ով է դարձել 267-րդ պապը, շուտով հայտնի կդառնա, երբ ընտրվածը, սպիտակ պապական զգեստ հագնելով, կհայտնվի Սուրբ Պետրոսի տաճարի […] ...
19:53 08.05.2025
ԿԳՄՍ նախարարը պաշտոնական այցով կմեկնի ԷստոնիաՀայաստանի Հանրապետության կրթության, գիտության, մշակույթի և սպորտի նախարար Ժաննա Անդրեասյանը պաշտոնական այցով կգործուղվի Էստոնիայի Հանրապետություն (Տալլին): Նախարարը Տալլին կգործուղվի մայիսի 19-21-ը: ...
19:46 08.05.2025
Ոստիկանական համակարգ ընդունվելու տարիքային վերին շեմը կհանվի. գործադիրի որոշումներըՈստիկանական համակարգ մուտք գործելու համար տարիքային վերին շեմը՝ 35 տարեկանը, կհանվի: Նախատեսվում է մինչև սեպտեմբերի 1-ը թվայնացնել տրանսպորտային միջոցի գրավոր գործարքի կատարումը: Խոշոր եղջերավոր կենդանու սպանդի համար պետությունը սպանդանոցին կսուբսիդավորի 10,000 դրամի չափով: Որոշումները կայացվել են Կառավարության այսօրվա նիստում: Մանրամասները՝ ռեպորտաժում: ...
