16:40 27.04.2022
Հայաստանի և Ռուսաստանի միջև մսամթերքի առևտրի ոլորտում նոր համագործակցություններ և հնարավորություններ ստեղծելու նպատակով ՀՀ էկոնոմիկայի նախարարության նախաձեռնությամբ անցկացվեց «Հայաստանի և Ռուսաստանի համագործակցության ընդլայնման հեռանկարները մսի և մսամթերքի առևտրի ոլորտում» թեմայով քննարկում։
«Արմենպրես»-ի հաղորդմամբ՝ ՀՀ էկոնոմիկայի նախարարի տեղակալ Արման Խոջոյանը շեշտեց, որ դատելով թե՛ հայկական, թե՛ ռուսական արտադրողների կողմից նկատվող ոգևորությունից, կարծում է, որ այս հանդիպման անհրաժեշտությունը կար, և հաջորդիվ նմանատիպ քննարկումները պետք է կրեն հաճախակի բնույթ:
«Ընդհանուր առմամբ 2021 թվականին Հայաստանը ներմուծել է շուրջ 52 800 տոննա մսամթերք, որից Ռուսաստանին բաժին է ընկնում շուրջ 12,1 տոկոսը: Եվ մեր գործընկերների հետ որոշեցինք կազմակերպել այս միջոցառումը, որպեսզի առաջատար ռուսական կազմակերպությունները հնարավորություն ունենան ծանոթանալու մեր կազմակերպությունների հետ և երկուստեք ներկայացնել հնարավոր համագործակցության ուղղությունները: Մասնակիցները նաև կքննարկեն, թե ինչպես կարող են ընդլայնել առևտրաշրջանառությունը և կամրապնդեն հետագա կապը»,- ասաց նախարարի տեղակալը:
Միջոցառմանը մասնակցում էին Ռուսաստանի մսամթերքի արտադրությամբ զբաղվող խոշոր ընկերությունների և կազմակերպությունների գործարար պատվիրակությունը և Հայաստանի մսամթերքի արտադրության ոլորտի կազմակերպությունների և ընկերությունների, էկոնոմիկայի նախարարության և այլ շահագրգիռ մարմինների ներկայացուցիչներ։
Հայաստանի թռչնաբույծների միության նախագահ Սերգեյ Ստեփանյանը նշեց, որ նման հանդիպումները շատ արդյունավետ են, որի ընթացքում նոր գործընկերներ գտնելու հնարավորություն է ստեղծվում:
«Այս հանդիպումից մենք նման հնարավորություն ենք ակնկալում, որովհետև հանդիպմանը ներկա են Ռուսաստանի թռչնաբույծների ասոցիացիայի նախագահը և մի շարք այլ կազմակերպությունների նախագահներ: Այս պահին խնդիրներ կան, որ մենք կարիք ունենք լուծելու, քանի որ մենք հիմնականում կենդանի թռչունը և թռչնամիսը ներկրում ենք ԵԱՏՄ երկրներից, հետևաբար կան հարցեր, որ պետք է ճշտվեն հենց նման հանդիպումներում: Մենք այս պահին խնդիր ենք դրել տոհմային տնտեսության ստեղծման ուղղությամբ, որը այսօր մեզ համար խիստ անհրաժեշտ է, քանի որ մեր թռչունների գլխաքանակի ձեռքբերման մոտավորապես 80-90 տոկոսը դրսից է՝ հիմնականում Ռուսաստանի Դաշնությունից: Եվ երկրորդ խնդիրը մեր սեփական կերային բազայի անբավարարության հարցն է, որը նույնպես կապված է Ռուսաստանի հետ: Հույս ունենք այս քննարկմանը այս և մի շարք այլ հարցեր կստանան լուծումներ»,- ասաց Ստեփանյանը:
«Ագրոէքսպորտ» դաշնային կենտրոնի ղեկավար Դմիտրի Կրասնովը ասաց, որ համագործակցությունը իրականացվում է վաղուց, և առևտրաշրջանառությունը Հայաստանի և Ռուսաստանի միջև բարձր մակարդակի վրա է: «Համագործակցությունը գնալով մեծանում է, և մենք տեսնում ենք լուրջ հնարավորություններ: Մսամթերքի առևտրի ուղղությամբ համագործակցության համար մենք լուրջ հեռանկարներ ենք տեսնում: Այս պահին ունենք թռչնամսի արտահանման զգալի աճի հեռանկար: Այսօր քննարկմանը ներկա են Ռուսաստանում մսամթերքի արտադրությամբ զբաղվող խոշոր ընկերությունների և կազմակերպությունների ներկայացուցիչներ, ովքեր կքննարկեն համագործակցության բոլոր տարբերակները և հնարավորություն կստանան նաև այցելելու հայկական մի շարք խոշոր ընկերություններ»,- եզրափակեց Կրասնովը:
11:56 14.06.2025
Հովիկ Աբրահամյանի նկատմամբ որպես խափանման միջոց կիրառվել է տնային կալանքըԴատարանը որոշել է մերժել նախկին վարչապետ Հովիկ Աբրահամյանին կալանավորելու միջնորդությունը, և նրա նկատմամբ որպես խափանման միջոց է կիրառվել տնային կալանքը։ Այս մասին հայտնում է նրա փաստաբան Երեմ Սարգսյանը: Աբրահամյանը ձերբակալվել էր երեկ։ Հակակոռուպցիոն կոմիտեի փոխանցմամբ՝ նրան փողերի լվացման, պաշտոնեական լիազորությունները չարաշահելու և ձեռնակատիրական գործունեությանն ապօրինի մասնակցելու հոդվածներով մեղադրանք է առաջադրվել: ...
11:41 14.06.2025
Տարադրամի փոխարժեքները հունիսի 14-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 383 դրամ, վաճառքի նվազագույն արժեքը՝ 386 դրամ: Եվրոյի առքի առավելագույն արժեքն է 439 դրամ, վաճառքի նվազագույն արժեքը՝ 446 դրամ: Ռուսական ռուբլու առքի առավելագույն արժեքն է 4․77 դրամ, վաճառքի նվազագույն արժեքը՝ 4․88 դրամ: ...
11:35 14.06.2025
Իրանը կարծում է, որ ԱՄՆ-ի հետ միջուկային բանակցությունները դարձել են անիմաստԻրանը կարծում է, որ Իսրայելի հարձակումից հետո Վաշինգտոնի և Թեհրանի միջև իրանական միջուկային ծրագրի շուրջ ճգնաժամը լուծելու բանակցությունները դարձել են անիմաստ, հայտարարել է Իսլամական Հանրապետության արտաքին գործերի նախարարության պաշտոնական ներկայացուցիչ Էսմայիլ Բաղային: «Մյուս կողմը (ԱՄՆ-ն) այնպես վարվեց, որ երկխոսությունն անիմաստ դարձավ։ Անհնար է հայտարարել բանակցությունների պատրաստակամության մասին և միաժամանակ համակարգել գործողությունները՝ թույլ տալով սիոնիստական ռեժիմին […] ...
11:21 14.06.2025
Արտակ Աղաբեկյանը եզրափակչում է․ ազատ ոճի ըմբշամարտի Մ17 ԵԱՍկոպիեում ընթացող ազատ ոճի ըմբշամարտի Եվրոպայի Մ17 առաջնությունում 48 կգ քաշային Արտակ Աղաբեկյանը դուս է եկել եզրափակիչ։ Հայ մարզիկը նախ 1/8 եզրափակչում 7-2 հաշվով հաղթել է վրացի Նիկոլոզ Մաչարաշվիլիին, ապա 10:0 հաշվով ժամանակից շուտ պարտության է մատնել մոլդովացի Գեորգի Գայդարջիին։ Կիսաեզրափակիչ գոտեմարտում Արտակը 5-4 հաշվով առավելության է հասել չեզոք դրոշի տակ հանդես եկող Ումար Մագոմեդովի […] ...
11:11 14.06.2025
Իսրայելի վրա Իրանի հարձակման հետևանքով վիրավորների թիվը հասել է 70-իԻսրայելում Իրանի պատասխան հարձակման հետևանքով վիրավորների թիվը հասել է առնվազն 70-ի, հաղորդում է Jerusalem Post-ը։ Ավելի վաղ Ynet պորտալը հայտնել էր 63 վիրավորի մասին: Հաղորդվել էր նաև, որ երկու մարդ զոհվել է: «Առնվազն 70 մարդ վիրավորվել է, երկուսը՝ զոհվել», – ասվում է հրատարակության կայքում։ ...
