23:49 13.10.2023
Մեծ Բրիտանիայի բնակչուհին նշել է իր 105-ամյակը և պատմել երկարակեցության գլխավոր գաղտնիքների մասին։ Այս մասին հայտնում է The Star-ը։
Էլիս Ջոան Փրինսը Շեֆիլդից նշել է տարեդարձն իր տանը, որտեղ նա բնակություն է հաստատել ամուսնու հետ դեռևս 1939 թվականին: Բրիտանուհին սկսել է աշխատել իր ծնողների ձկան խանութում 14 տարեկանից, իսկ ավելի ուշ բացել է իր սեփական մթերային խանութը, որը գտնվում էր հենց իր տանը։ Նա թոշակի է անցել 1970-ականներին։
Կինը կարծում է, որ այսքան երկար է ապրել երկու սովորությունների շնորհիվ. նախաճաշին նա միշտ սենդվիչ է ուտում, իսկ քնելուց առաջ խմում է իր սիրելի գինին։
«Երեկոյան ես խմում եմ երկու բաժակ գինի, որպեսզի օգնի ինձ քնել: Սրանք միակ բաներն են, որ ես անընդհատ անում եմ: Բացի այդ, ես երբեք չեմ ծխել։ Եվ ես շատ եմ պարել»,- ասել է Փրինսը։
Այժմ բրիտանուհին իր տանը ապրում է որդու, հարսի և թոռներից մեկի հետ։ Փրինսը շնորհակալություն է հայտնել բոլորին հիանալի երեկույթի համար և ասել, որ նախկինում իր տունը միշտ լի էր հյուրերով և հարազատներով։
«Ես կցանկանայի, որ իմ ընկերները դեռ մեզ հետ լինեին և կարողանային գալ այս տոնակատարությանը: Ես սիրում եմ լինել մարդկանց մեջ, իսկ իմ տունը նրանց համար չէ, ովքեր սիրում են մենակ մնալ։ Ես չգիտեմ, թե ինչ կանեի առանց բոլորիդ»,- դիմելով հյուրերին՝ ասել է 105-ամյա կինը։
23:59 08.05.2025
Ինչո՞ւ պետք է մարդիկ մտահոգվեն կենսաբազմազանության կորստովՄարդիկ պետք է լրջորեն մտահոգվեն կենսաբազմազանության կորստով, որովհետև այն անմիջական ազդեցություն ունի մարդու կյանքի որակի, առողջության, սննդի, ջրի և կլիմայի վրա։ Ահա մի քանի հիմնական պատճառ, թե ինչու է կենսաբազմազանության կորուստը վտանգավոր. Այս տեսահոլովակի հայերեն տարբերակի ցուցադրումն ապահովել էՀայաստանի ամերիկյան համալսարանի Յակոբեան բնապահպանական կենտրոնը «Գլոբալ բնապահպանական օգուտների ստեղծում շահագրգիռ կողմերի էկոլոգիական կրթության և իրազեկության բարձրացման […] ...
23:58 08.05.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:57 08.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:52 08.05.2025
Վենս. ԱՄՆ-ն Կիևի և Մոսկվայի դիրքորոշումների մոտեցումը համարում է անհրաժեշտ Ուկրաինայում խաղաղության համարՄիացյալ Նահանգները կարծում է, որ Ուկրաինայի հակամարտության մեջ երկարաժամկետ խաղաղության հասնելու համար անհրաժեշտ է հասնել Ռուսաստանի և Կիևի իշխանությունների դիրքորոշումների ավելի մոտեցման։ Այս մասին հայտարարել է ԱՄՆ փոխնախագահ Ջեյ Դի Վենսը։ «Մենք պետք է մոտեցնեն կողմերին՝ երկարատև խաղաղության հասնելու համար։ Առայժմ մենք դրան չենք հասել: Մենք շարունակելու ենք աշխատել դրա ուղղությամբ, մինչև չորոշենք, որ իրականում […] ...
23:47 08.05.2025
Առցանց տեսադիտարկման ծրագիր՝ երևանյան ավտոբուսներումԵրևանի քաղաքապետ Տիգրան Ավինյանն այցելել է «Երևանի ավտոբուս» ՓԲԸ, ծանոթացել ներդրված ծրագրերին ու շենքային պայմանների բարելավման աշխատանքներին: Այս մասին հայտնել են Երևանի քաղաքապետարանից: Ընկերությունում ներդրված առցանց տեսադիտարկման ծրագիրը հնարավորություն է տալիս հետևել ավտոբուսների աշխատանքի ողջ ընթացքին՝ ապահովելով անվտանգ և հարմարավետ երթևեկություն երևանցիների համար: Տեսահսկման համակարգերն օգնում են վերահսկել վարորդների վարքը, տեսանյութերը կարող են օգտագործվել վթարների […] ...
23:32 08.05.2025
ՃՏՊ Երևան-Երասխ ավտոճանապարհին․ տուժածեր չկանՄայիսի 8-ին, ժամը 15:29-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Երևան-Երասխ ավտոճանապարհից Մասիս քաղաք տանող ճանապարհի սկզբնամասում տեղի է ունեցել ՃՏՊ, ավտոմեքենայից առկա է գազի արտահոսք․ անհրաժեշտ է փրկարարների օգնությունը։ Դեպքի վայր են մեկնել ՆԳՆ ՓԾ մարզային և Երևան քաղաքի փրկարարական վարչությունների հրշեջ-փրկարարական ջոկատներից երկու մարտական հաշվարկ և մեկ ջրատար: […] ...
