08:22 08.06.2024
Երևանի քաղաքապետի տեղակալ Լևոն Հովհաննիսյանը հանդիպել է Արևելյան գործընկերության համայնքային երկխոսության ծրագրով «Բաց կառավարման գործընկերություն» նախաձեռնության տարածաշրջանային համակարգող գործընկերների հետ: Այդ մասին հայտնում են Երևանի քաղաքապետարանից։
Բարձր գնահատելով քաղաքային կառավարումն ավելի արդյունավետ ու մասնակցային դարձնելու համատեղ ջանքերը՝ փոխքաղաքապետը նշել է, որ այս կարճ ժամանակահատվածում Երևանը հասցրել է մշակել և լավագույնս իրականացնել մեկամյա գործողությունների ծրագիր` նպաստելով քաղաքային իշխանության հաշվետվողականության, գործունեության թափանցիկության և քաղաքացիական հասարակության հետ համագործակցության արդյունավետության բարձրացմանը:
«Առաջիկայում ևս Երևանը նախատեսում է շարունակել ակտիվ ներգրավվածությունը բաց կառավարման օրակարգի ձևավորմանը` մշակելով արդեն առավել հավակնոտ հանձնառություններով քառամյա գործողությունների ծրագիր»,-ընդգծել է Լևոն Հովհաննիսյանը:
Հանդիպման ընթացքում առավել մանրամասն ներկայացնելով նոր ծրագիրը՝ նշվել է, որ նախատեսվում է համայնքի կողմից մատուցվող ծառայությունների ամբողջական թվայնացում: Այս առումով Երևանն աշխատանքներ է տանում Համաշխարհային բանկի գործընկերների հետ:
Քաղաքապետարանը մեկնարկում է նաև «Մասնակցային որոշումների կայացում» նախաձեռնությունը, ինչի նպատակը մասնակցային ծրագրահեն բյուջետավորումն է լինելու: Այս նախաձեռնության ապագա զարգացումը Երևանը տեսնում է Citizen Lab-ի ներդրմամբ: Նախատեսվում է նաև համայնք-քաղաքացիական հասարակություն երկխոսության ամրապնդմանը միտված համակարգային գործիքակազմի ներդրում:
Լևոն Հովհաննիսյանը կարևոր է համարել նաև վերջերս արդիականացված «Ակտիվ քաղաքացի» բջջային հավելվածի գործարկումը, որը նոր հնարավորություններ է ընձեռում հանրային նշանակություն ունեցող որոշումների կայացման գործընթացում առավել շատ քաղաքացիների ներգրավելու և մասնակցային որոշումներ կայացնելու գործընթացը զարգացնելու տեսակետից:
Շնորհակալություն հայտնելով հանդիպման և ծրագիրը ներկայացնելու համար՝ «Բաց կառավարման գործընկերության» ներկայացուցիչներն ընդգծել են, որ պատրաստ են շարունակել աջակցությունը Երևանին՝ վստահ լինելով, որ քաղաքը տարեցտարի կգրանցի նոր հաջողություններ:
««Բաց կառավարման գործընկերություն» նախաձեռնությունը ոչ միայն կարևոր երկխոսություն է ստեղծում շահագրգիռ կողմերի միջև, այլև ապահովում նախաձեռնության անդամ երկրների հետ տարածաշրջանային խնդիրները վերհանելու և քննարկելու գործընթաց: Մեզ համար ոգևորիչ էր նաև, որ նախորդ տարի գլխավոր գագաթնաժողովին Երևանը ճանաչվեց «Ոգեշնչող բարեփոխումներ» մրցանակաբաշխության հաղթող»,-նշել է Բաց կառավարաման արևելյան գործընկերության տարածաշրջանային համակարգող Պիտեր Վարգան:
«Երևանն իր գործուն մասնակցությամբ ու հաջողություններով իրապես ոգեշնչում է աշխարհի տարբեր անկյուններում գտնվող տեղական համայնքներին: Վստահ եմ, որ մեր շարունակական գործակցությունը պետք է ընդլայնվի»,- ասել է «Տեղական բաց կառավարման գործընկերություն» նախաձեռնության ղեկավար Խոսե Մարիա Մարինը:
Կողմերը շարունակելու են գործակցությունն ու համատեղ աշխատանքը՝ նոր արդյունքների հասնելու համոզմունքով:
12:10 14.06.2025
Հնդկաստանում ինքնաթիռի կործանման հետևանքով զոհերի թիվն ավելացել էԳուջարաթ նահանգի Ահմադաբադ քաղաքում Air India ավիաընկերության ինքնաթիռի վթարի հետևանքով զոհերի թիվը հասել է 274-ի, շաբաթ օրը հաղորդել է հնդկական NDTV հեռուստաալիքը։ Ավելի վաղ հեռուստաալիքը հայտնել էր, որ ինքնաթիռում զոհվել է 241 մարդ, իսկ 10-ին գտել են գետնին՝ վթարի վայրում։ «Ահմադաբադում Air India-ի ինքնաթիռի վթարի հետևանքով զոհերի թիվը հասել է 274-ի», – հաղորդել է հեռուստաալիքը՝ […] ...
12:05 14.06.2025
Պիոլին կհեռանա «Ալ-Նասրից» և կգլխավորի «Ֆիորենտինան»«Ալ-Նասրի» գլխավոր մարզիչ Ստեֆանո Պիոլին կհեռանա թիմից և կգլխավորի իտալական «Ֆիորենտինան»։ Այս մասին հայտնել է ինսայդեր Նիկոլո Սկիրան։ 59-ամյա մարզչի գործակալները աշխատում են նրա՝ «Ալ-Նասրի» հետ պայմանագիրը խզելու ուղղությամբ։ Իտալացին հավանաբար հուլիսին կվերադառնա հայրենիք և կգլխավորի «Ֆիորենտինան»։ Նրա աշխատավարձը կկազմի 3 միլիոն եվրո։ «Ֆիորենտինան» նախորդ մրցաշրջանում զբաղեցրել է Ա Սերիայի վեցերորդ հորիզոնականը և կխաղա Կոնֆերենցիայի […] ...
11:56 14.06.2025
Հովիկ Աբրահամյանի նկատմամբ որպես խափանման միջոց կիրառվել է տնային կալանքըԴատարանը որոշել է մերժել նախկին վարչապետ Հովիկ Աբրահամյանին կալանավորելու միջնորդությունը, և նրա նկատմամբ որպես խափանման միջոց է կիրառվել տնային կալանքը։ Այս մասին հայտնում է նրա փաստաբան Երեմ Սարգսյանը: Աբրահամյանը ձերբակալվել էր երեկ։ Հակակոռուպցիոն կոմիտեի փոխանցմամբ՝ նրան փողերի լվացման, պաշտոնեական լիազորությունները չարաշահելու և ձեռնակատիրական գործունեությանն ապօրինի մասնակցելու հոդվածներով մեղադրանք է առաջադրվել: ...
11:48 14.06.2025
ԱՄՆ-ում ջրհեղեղի զոհերի թիվը հասել է 11-իՏեխասի Սան Անտոնիո քաղաքում տեղի ունեցած ջրհեղեղի զոհերի թիվը հասել է 11-ի, հաղորդում է New York Times-ը՝ հղում անելով տեղական իշխանություններին։ Ավելի վաղ Associated Press-ը, հղում անելով պաշտոնյաներին, հայտնել էր, որ Սան Անտոնիոյում առնվազն չորս մարդ է մահացել ուժեղ անձրևների հետևանքով առաջացած ջրհեղեղի պատճառով։ «Սան Անտոնիոյում տեղի ունեցած հեղեղումների հետևանքով զոհերի թիվը հասել է 11-ի, […] ...
11:41 14.06.2025
Տարադրամի փոխարժեքները հունիսի 14-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 383 դրամ, վաճառքի նվազագույն արժեքը՝ 386 դրամ: Եվրոյի առքի առավելագույն արժեքն է 439 դրամ, վաճառքի նվազագույն արժեքը՝ 446 դրամ: Ռուսական ռուբլու առքի առավելագույն արժեքն է 4․77 դրամ, վաճառքի նվազագույն արժեքը՝ 4․88 դրամ: ...
