00:43 14.09.2018
Այսօր տեղի է ունեցել ՀՀ Արարատի մարզի Արտաշատ քաղաքի հրշեջ-փրկարարական ջոկատի վերաբացման արարողությունը։ Հրշեջ-փրկարարական ջոկատի տարածքի վերանորոգման աշխատանքները կատարվել են ԱՄՆ-ի եվրոպական հրամանատարության մարդասիրական աջակցության ծրագրի շրջանակներում, որը մեկնարկել էր 2017 թվականին։ Միջոցառմանը ներկա էին ՀՀ ԱԻ նախարարի տեղակալ Արկադի Բալյանը, Հայաստանում ԱՄՆ արտակարգ և լիազոր դեսպան Ռիչարդ Միլսը, ԱՄՆ-ի Կանզաս նահանգի ադյուտանտ-գեներալ, ազգային գվարդիայի հրամանատար, գեներալ-մայոր Լի Թաֆանելին այլ բարձրաստիճան պաշտոնյաներ և հյուրեր։ Այս մասին տեղեկանում ենք ԱԻՆ պաշտոնական կայքից:
ԱԻ նախարարի տեղակալ Արկադի Բալյանը, ողջունելով ներկաներին և շնորհակալություն հայտնելով ամերիկյան կողմին երկարամյա աջակցության համար, ասաց, որ 2003թ. մեկնարկած Կանզաս-Հայաստան փոխգործակցության շրջանակներում մինչ այսօր իրականացվել և իրականացվում են մեծածավալ աշխատանքներ ու ծրագրեր՝ փոխադարձ ճանաչողական այցեր, ուսուցողական դասընթացներ, համաժողովներ, սեմինարներ և հրամանատարաշտաբային ուսումնավարժություններ։
«Հայ փրկարարները հաճախակի են մասնակցում Կանզասում անցկացվող ուսումնավարժություններին և դասընթացներին, որի առաջնային նպատակն է Հայաստանում ներդնել ամերիկյան լավագույն փորձը։ 2015թ. Կանզասի օդային և ցամաքային ուժերի ինժեներական կազմի շուրջ 40 կամավորների ուժերով վերանորոգվել են ԱԻՆ մարզադահլիճի հանդերձարանը, լոգարանը և սանհանգույցը, ինչի շնորհիվ մարզադահլիճը համապատասխանեցվել է հաշմանդամների կարիքներին: 2017թ. ԱՄՆ-ի եվրոպական հրամանատարության մարդասիրական աջակցության ծրագրի շրջանակներում Մասիսի, Արտաշատի, Սիսիանի և Մեղրիի հրշեջ կայաններին տրամադրվել է 400 000 ԱՄՆ դոլարին համարժեք գույք։ ՀՀ ԱԻ նախարարության և Կանզասի միջև համագործակցությանն ակտիվորեն աջակցում է նաև ՀՀ-ում ԱՄՆ դեսպանատունը, որի խոսուն վկայությունն են ՀՀ ԱԻ նախարարության և ԱՄՆ դեսպանատան ռազմական համագործակցության գրասենյակի հետ համատեղ անցկացվող միջոցառումները», – ասել է ԱԻ նախարարի տեղակալը։
Իր խոսքում դեսպան Ռիչարդ Միլսը վստահություն է հայտնել, որ Արտաշատի նոր հրշեջ կայանը մեծապես կնպաստի Արտաշատում հրշեջ-փրկարարական աշխատանքների բարելավմանը:
«Բարձր գնահատելով հրշեջների աշխատանքը՝ ուզում եմ շնորհակալություն հայտնել ձեզ ձեր նվիրված ու անձնուրաց ծառայության համար, որով դուք փրկում եք մարդկային կյանքեր ու օրինակ հանդիսանում բոլորիս համար: Այս ծրագիրը մեկ անգամ ևս ընդգծում է Հայաստանի և Միացյալ Նահանգների, մասնավորապես՝ ՀՀ ԱԻ նախարարության և ԱՄՆ դեսպանությունում գործող ԱՄՆ պաշտպանության դեպարտամենտի Պաշտպանական համագործակցության գրասենյակի միջև սերտ գործընկերությունը ու բարեկամությունը», – եզրափակել է ԱՄՆ դեսպանը։
Նշենք, որ երկկողմ համագործակցության ծրագրի համաձայն՝ մյուս փուլում շինարարական աշխատանքներ կիրականացվեն Սյունիքի մարզի Մեղրի քաղաքի ՀՓՋ-ում: Մոտ ապագայում համատեղ միջոցառումներ են նախախատեսվում նաև Լոռիի և Շիրակի մարզերում։
22:56 27.05.2025
ՊԵԿ նախագահը մասնակցել է ՏՀԶԿ գլոբալ ֆորումի Ասիական նախաձեռնության 8-րդ բարձրաստիճան հանդիպմանըՊետական եկամուտների կոմիտեի նախագահ Էդուարդ Հակոբյանը մայիսի 26-28-ը Հյուսիսային Մալեում (Մալդիվների Հանրապետություն) մասնակցում է Տնտեսական համագործակցության և զարգացման կազմակերպության (ՏՀԶԿ) հարկման նպատակով թափանցիկության և տեղեկությունների փոխանակման գլոբալ ֆորումի Ասիական նախաձեռնության 8-րդ բարձրաստիճան հանդիպմանը: Այս մասին հայտնել են ՊԵԿ-ից: ՊԵԿ նախագահ Էդուարդ Հակոբյանը, որպես համանախագահող երկիր, Մալդիվների հարկային մարմնի ղեկավարի հետ համատեղ վարում է համաժողովը։ Էդուարդ […] ...
22:49 27.05.2025
Երևանում բախվել են «Hyundai Elantra»-ն ու «Opel Zafira»-նՄայիսի 27-ին, ավտովթար է տեղի ունեցել Երևանում: Ժամը 10:55-ի սահմաններում Կոմիտասի պողոտա-Վրացական փողոցի խաչմերուկում բախվել են Երևանի բնակիչներ 23-ամյա Լևոն Մ.-ի վարած «Hyundai Elantra» և 73-ամյա Գրիշա Գ.-ի վարած «Opel Zafira» մակնիշի ավտոմեքենաները: Ինչպես հայտնում է shamshayn.com-ը, ըստ նախնական տեղեկությունների՝ վթարի հետևանքով տուժածներ չկան: Բախման հետևանքով «Opel»-ը դուրս է եկել երթևեկելի գոտուց, անցել հետիոտնի համար […] ...
22:42 27.05.2025
Կստեղծվի հոկեյի Եվրոպական ազգերի գավաթ մրցաշարՍտոկհոլմում կայացած IIHF կոնգրեսում որոշում է կայացվել ստեղծել տափօղակով հոկեյի «Եվրոպական ազգերի գավաթ» մրցաշար։ Այս մասին հաղորդում է կառույցի պաշտոնական կայքը: Նոր մրցաշարն ազգային հավաքականներին հնարավորություն կտա մասնակցելու կարևոր խաղերի նախատեսված ընդմիջումների ընթացքում։ Մրցաշարին կմասնակցեն 12 հավաքականներ: Ձևաչափն ու մասնակից հավաքականների ցանկը դեռևս հրապարակված չեն: ...
22:37 27.05.2025
Արտաշատի բժշկական կենտրոնը համալրել ենք նոր և ժամանակակից համակարգչային շերտագրման սարքով․ Անահիտ ԱվանեսյանՀՀ առողջապահության նախարար Անահիտ Ավանեսյանը Ֆեյսբուքի իր էջում գրել է, որ այսօր չնախատեսված այցով Արտաշատի ԲԿ-ում էր: «Կենտրոնը համալրել ենք նոր և ժամանակակից համակարգչային շերտագրման (ՀՇ) սարքով: Մի քանի ամիսների հետևողական աշխատանքի շնորհիվ ֆինանսական առողջացումը հաջողությամբ իրականանում է: Դեռ մեծ աշխատանք ունենք նոր ծառայություններով հագեցման, որակի և դիսցիպլինի, թերապևտիկ ուղղությունից դեպի վիրաբուժության անցման և մահճակալային […] ...
22:26 27.05.2025
Երևանում բախվել են շտապօգնության ավտոմեքենան ու «Range Rover»-ը. կան տուժածներՄայիսի 27-ին, խոշոր ավտովթար է տեղի ունեցել Երևանում: Ժամը 03:30-ի սահմաններում Բագրատունյաց պողոտա և Չեխովի փողոցի խաչմերուկում բախվել են Երևանի բնակիչ 34-ամյա Ե. Գրիգորյանի վարած «Range Rover» մակնիշի և Վայոց ձորի մարզի բնակիչ 52-ամյա Ա. Նազարյանի վարած շտապօգնության ավտոմեքենաները: Ինչպես հայտնում է shamshayn.com-ը, վթարի հետևանքով Ա. Նազարյանը, նրա ուղևոր, Երևանի բնակիչ 52-ամյա Ն. Ավանեսյանն ու […] ...
22:17 27.05.2025
ՏԿԵ նախարարն այցելել է Հյուսիս-հարավ ճանապարհի Աշտարակ-Թալին հատվածի շինհրապարակներ՝ ծանոթանալու կատարված աշխատանքներինՀՀ ՏԿԵ նախարար Դավիթ Խուդաթյանն այսօր Արագածոտնի մարզպետ Սերգեյ Մովսիսյանի, համայնքապետերի, Ճանապարհային դեպարտամենտ հիմնադրամի գործադիր տնօրեն Արկադի Չերչինյանի և այլ պատասխանատուների հետ այցելել է Հյուսիս-հարավ ճանապարհի Աշտարակ-Թալին հատվածի շինհրապարակներ՝ ծանոթանալու կատարված աշխատանքներին։ Այս մասին հայտնել են ՏԿԵ նախարարությունից: Առաջին կանգառն Ագարակ-Ոսկեվազ հանգույցն է եղել, որից հետո այցելել են Արուճ-Կաքավաձոր-Ագարակավան հանգույց, ինչպես նաև Աշտարակ-Թալին հատվածի 62 […] ...
