15:47 08.04.2025
Պետական եկամուտների կոմիտեում մեկնարկած բարեփոխումների շրջանակում՝ կոմիտեի նախաձեռնությամբ Արժույթի միջազգային հիմնադրամն իրականացնում է հարկային վարչարարության նոր գնահատում` հարկային վարչարարության ախտորոշիչ գործիքի (Tax Administration Diagnostic Tool – TADAT) կիրառմամբ: Նպատակն է՝ վերհանել համակարգի ձեռքբերումներն ու բացթողումները՝ սահմանելով հետագա բարեփոխումների առաջնահերթությունները: Մայիսին իրականացվող Հարկային վարչարարության արդյունավետության գնահատմանն ընդառաջ՝ Պետական եկամուտների կոմիտեում ապրիլի 7-ից 10-ն անցկացվում է աշխատանքային քննարկում ԱՄՀ փորձագիտական խմբի մասնակցությամբ։ Գործընթացի մեկնարկից առաջ տեղի է ունեցել ՊԵԿ նախագահ Էդուարդ Հակոբյանի, Կոմիտեի կառուցվածքային ստորաբաժանումների ղեկավարների և ԱՄՀ փորձագետների հանդիպումը:
Ողջունելով միջոցառման մասնակիցներին՝ ՊԵԿ նախագահ Էդուարդ Հակոբյանը կարևորել է հարկային վարչարարության ախտորոշիչ գնահատման գործիքի դերն ու նշանակությունը հարկային վարչարարության և պետական կառավարման գործում: «Լավ գործող հարկային համակարգը կարևոր նշանակություն ունի երկրի տնտեսական և սոցիալական զարգացման համար: TADAT-ն էական աջակցություն է ցուցաբերում այն երկրներին, որոնք ձգտում են կատարելագործել իրենց հարկային համակարգերը՝ առաջարկելով համապարփակ ախտորոշիչ գործիք, որն օգնում է բացահայտել ուժեղ կողմերը, ընդգծել բարելավման անհրաժեշտություն ունեցող ոլորտները և ցույց տալ հարկային վարչարարության առավել արդյունավետ ուղիները»,-նշել է Էդուարդ Հակոբյանը:
TADAT-ի կիրառությամբ հարկային վարչարարության համակարգի գնահատումը հաջողությամբ իրականացվել է 2016 թվականին, որի արդյունքները հաշվի են առնվել Պետական եկամուտների կոմիտեի կողմից ռազմավարության և բարեփոխումների ուղղությունների մշակման ընթացքում: Կարևորելով հարկային համակարգի զարգացման հետագա բարեփոխումների ուղղությունների նախանշումը և դրանց շարունակականության ապահովումը, ինչպես նաև հարկային կագապահության բարելավումը, ՊԵԿ-ը նախաձեռենել է TADAT-ի նոր գնահատում իրականացնել, ինչը, Կոմիտեի ղեկավարի խոսքով՝ լիարժեք պատկերացում կտա ներկա իրավիճակի վերաբերյալ:
ԱՄՀ փորձագետները ներկայացրել են հարկային վարչարարության ախտորոշիչ գործիքի՝ TADAT-ի կիրառման մեթոդներն ու առանձնահատկությունները։ Նշենք, որ TADAT գործիքը գնահատում է հարկային վարչարարության գործունեության ելակետային վիճակը, որի հիման վրա կարելի է սահմանել բարեփոխումների առաջնահերթ ուղղությունները, իսկ հետագայում կրկնվող գնահատումների միջոցով՝ ներկայացնել բարեփոխումների ձեռքբերումները։ Այն լայնորեն կիրառվում է տարբեր պետություններում հարկային վարչարարության որակի գնահատման նպատակով: Բացի այդ, մի շարք միջազգային կազմակերպություններ հարկային մարմիններին աջակցություն ցուցաբերելիս հիմնվում են TADAT գնահատման արդյունքների վրա:
Միջոցառմանը հաջորդել է Կոմիտեի կառուցվածքային տարբեր ստորաբաժանումների աշխատակիցների և ԱՄՀ փորձագետների հանդիպումը՝ համատեղ քննարկելու հարկային վարչարարության բարելավմանն ուղղված հարցեր։
15:46 07.05.2025
Զինադադարի մասին Պուտինի նախաձեռնությունը մնում է ուժի մեջ․ ՊեսկովՀայրենական մեծ պատերազմում Հաղթանակի 80-ամյակի տոնակատարության ժամանակ զինադադարի մասին Ռուսաստանի նախագահ Վլադիմիր Պուտինի առաջարկը ուժի մեջ է մնում։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։ «Այո, սա ռուսական կողմի՝ Պուտինի նախաձեռնությունն է։ Այն ուժի մեջ է մնում», – ասել է Կրեմլի խոսնակը։ ...
15:38 07.05.2025
Սի Ծինփինը մեկնել է ՄոսկվաՉինաստանի նախագահ Սի Ծինփինը Պեկինից մեկնել է Մոսկվա, որտեղ նա պետական այցով կմասնակցի Հայրենական մեծ պատերազմում տարած հաղթանակի 80-ամյակի տոնակատարություններին, հաղորդում է Չինաստանի կենտրոնական հեռուստատեսությունը։ «Մայիսի 7-ի կեսօրին Չինաստանի նախագահ Սի Ծինփինը հատուկ չվերթով մեկնեց Մոսկվա, որտեղ Ռուսաստանի նախագահ Վլադիմիր Պուտինի հրավերով կմասնակցի Հայրենական մեծ պատերազմում Խորհրդային Միության հաղթանակի 80-ամյակին նվիրված տոնակատարություններին», – ասվում է […] ...
15:33 07.05.2025
Սոցիալական ծախսերի փոխհատուցման կարգում կատարվել են որոշակի փոփոխություններՊետական եկամուտների կոմիտեն տեղեկացնում է, որ 2025 թվականի մայիսի 1-ից ուժի մեջ է մտել ՀՀ կառավարության 30․04․2025 թ․ N 510-Ն որոշումը, որի համաձայն սոցիալական ծախսերի փոխհատուցման կարգում կատարվել են որոշակի փոփոխություններ։ Մասնավորապես սահմանվել են․ 2024 թվականի հունվարի 1-ից մինչև 2025 թվականի հունիսի 1-ն ընկած ժամանակահատվածում կատարված սոցիալական ծախսերը կփոխհատուցվեն նաև այն դեպքերում, երբ սոցիալական ծախսերի դիմաց փաստացի […] ...
15:28 07.05.2025
Խաղի բոլոր վիճահարույց դրվագներում որոշում կայացվեց «Ինտերի» օգտին․ Ֆլիկ«Բարսելոնայի» գլխավոր մարզիչ Հանսի Ֆլիկը մեկնաբանել է «Ինտերից» կրած պարտությունը: «Հիասթափված եմ, բայց ոչ ֆուտբոլիստներից խաղից: Նրանք արեցին այն ամենն, ինչ կարող էին, բայց կա այն, ինչ կա: Դուրս մնացինք պայքարից, հաջորդ տարի կփորձենք հասնել եզրափակիչ: Կփորձենք երջանկացնել ակումբին ու թիմի երկրպագուներին: Չեմ ուզում շատ խոսել մրցավարության մասին, ես մրցավարին արդեն ասել եմ այն, ինչ […] ...
15:22 07.05.2025
Օրենսդրական նախաձեռնություն՝ միտված սպառողների շահերի պաշտպանության արդյունավետ համակարգի ստեղծմանըԱզգային ժողովն առաջին ընթերցմամբ քննարկել է ««Տնտեսական մրցակցության պաշտպանության մասին» օրենքում լրացումներ եւ փոփոխություններ կատարելու մասին» օրենքի նախագիծը՝ կից օրենսդրական փաթեթով: ՀՀ էկոնոմիկայի նախարար Գեւորգ Պապոյանը տեղեկացրել է, որ փաթեթի ընդունումը բխում է ՀՀ-ԵՄ Համապարփակ եւ ընդլայնված գործընկերության համաձայնագրով Հայաստանի ստանձնած պարտավորություններից եւ միտված է սպառողների շահերի պաշտպանության արդյունավետ համակարգի ստեղծմանը: Նրա խոսքով գործող օրենսդրության […] ...
15:16 07.05.2025
Կոբախիձեն ընտրվել է «Վրացական երազանք» կուսակցության նախագահՎրաստանի վարչապետ Իրակլի Կոբախիձեն չորեքշաբթի օրը ընտրվեց իշխող «Վրացական երազանք» կուսակցության նախագահ։ Քաղաքական կուսակցության համագումարը ուղիղ հեռարձակվում էր վրացական հեռուստատեսությամբ։ «Քաղաքական խորհրդի որոշմամբ պարոն Իրակլին ( Կոբախիձե – խմբ.) միաձայն ընտրվեց «Վրացական երազանքի» նախագահ», – համագումարում հայտարարեց գործադիր քարտուղար Մամուկա Մդինարաձեն։ «Վրացական երազանքի» նախկին նախագահ Իրակլի Ղարիբաշվիլին որոշել էր լքել կուսակցությունը և քաղաքականությունը։ Նա համապատասխան […] ...
