13:50 01.09.2022
Բրյուսելում օգոստոսի 31-ին նույն ձևաչափով արդեն 4-րդ հանդիպումն անցկացվեց։ Հիշեցնենք, որ առաջին հանդիպումը տեղի էր ունեցել 2021 թվականի դեկտեմբերի 14-ին, երկրորդը՝ 2022 թվականի ապրիլի 6-ին, իսկ երրորդը՝ 2022 թվականի մայիսի 23-ին։ Փաշինյան-Միշել- Ալիև կողմերի 4-րդ հանդիպումից հետո բավականին կոնստրուկտիվ տպավորություն են թողել և՛ հայկական կողմի, և՛ Եվրամիության կողմի տարածած հաղորդագրությունները․ այս մասին «Հորիզոնին» տված հարցազրույցում նշեց ռազմաքաղաքական հարցերով փորձագետ Արմինե Մարգարյանը։
«Ինչո՞ւ, քանի որ հստակ նշվում են ժամկետներ։ Սովորաբար նման հանդիպումներից հետո, երբ կողմերը չեն խուսափում նշել ժամկետներ, նշանակում է, որ առնվազն կիսով չափ կարողացել են գալ խնդրահարույց հարցերի շուրջ պայմանավորվածությունների։ Ինչպես տեսնում ենք, օրակարգում եղել են հումանիտար խնդիրներ, և Շառլ Միշելի տարածած հաղորդագրության մեջ առանձնակի ընդգծված է մեր գերիների վերադարձի խնդիրը, իհարկե չի օգտագործվում ռազմագերի բառը, բայց այնուամենայնիվ, ընդգծվում է գերիների խնդիրը։ Եվ ընդգծվում է նաև անհետ կորած անձանց ճակատագրերը պարզելու գործընթացի անհրաժեշտությունը»,- ասաց ռազմաքաղաքական հարցերով փորձագետը։
Ըստ նրա՝ եռակողմ ձևաչափով հանդիպման 2-րդ կարևոր հատվածը վերաբերում է վերջին ժամանակներս շահարկման առարկա դարձած խաղաղության պայմանագրին։
«Մենք հիշում ենք, որ ադրբեջանական կողմի առաջարկներին հայկական կողմը արել էր իր առաջարկները, բայց դրան որևէ կերպ պատասխան չէր ստացվել։ Այնուամենայնիվ, ադրբեջանական կողմը պարբերաբար հայտարարում էր, որ խաղաղության պայմանագրին Հայաստանը ընդառաջ չի գնում։ Հիմա Շառլ Միշելի տարածած հայտարարության մեջ մենք տեսնում ենք, որ կողմերը հայտարարության են եկել, որ մեկ ամսվա ընթացքում պետք է հանդիպեն արտգործնախարարները և բանակցեն խաղաղության պայմանագրի դրույթների շուրջ։ Կարևորն այստեղ այն է, որ սա պիտի տեղի ունենա երկկողմ մակարդակով, և այն, ինչը կարող է խաղաղության պայմանագրի համատեքստում տարբերություն դնել բրյուսելյան և մոսկովյան հարթակների վերաբերմունքում, սա հենց դա է, որ մոսկովյան հարթակը մշտապես ընդգծում է, որ խաղաղության պայմանագիրը բաղկացած է այն բոլոր օրակարգերից, որոնք Հայաստան-Ադրբեջան-Ռուսաստան եռակողմ, բարձր մակարդակով հայտարարությունների շրջանակում են, իսկ բրյուսելյան այս հարթակում տեղի ունեցած հանդիպման հաղորդագրության մեջ մենք տեսնում ենք, որ խոսքը մեկ ամսվա ընթացքում 2 երկրների արտաքին գործերի նախարարների մակարդակով հանդիպման մասին է, այսինքն՝ Բրյուսելը և առհասարակ մեր արևմտյան գործընկերները նորից շարունակում են գործընթացը մղել երկկողմ շփումների ուղղությամբ, սա թերևս ամենալուրջ ձեռքբերումը կարող ենք համարել այս հաղորդագրության»,- նշեց Արմինե Մարգարյանը։
Մանրամասները՝ ամբողջական հարցազրույցում։
14:45 13.06.2025
13 հավաքական արդեն որակավորվել է Աշխարհի առաջնության եզրափակիչ փուլԱյսօրվա դրությամբ 13 հավաքական արդեն որակավորվել է Աշխարհի առաջնության եզրափակիչ փուլ։ Այդ հավաքաականներն են` ԱՄՆ (ընդունող երկիր) Մեքսիկա (ընդունող երկիր) Կանադա (ընդունող երկիր) Ճապոնիա (Ասիա) Հարավային Կորեա (Ասիա) Հորդանան (Ասիա) Իրան (Ասիա) Ուզբեկստան (Ասիա) Ավստրալիա (Ասիա) Արգենտինա (Հարավային Ամերիկա) Էկվադոր (Հարավային Ամերիկա) Բրազիլիա (Հարավային Ամերիկա) Նոր Զելանդիա (Օվկիանիա) Աշխարհի առաջնությունը կանցկացվի հաջորդ տարվա հունիսի 11-ից […] ...
14:38 13.06.2025
Գրոսսին պատրաստ է մեկնել Իրան միջուկային անվտանգությունն ապահովելու համարԻսրայելի հարվածից հետո ՄԱԳԱՏԷ-ի ղեկավար Ռաֆայել Գրոսսին Իրանի իշխանություններին ասել է, որ պատրաստ է հնարավորինս արագ ժամանել երկիր՝ ապահովելու միջուկային անվտանգությունը: Այս մասին հայտնում է Reuters-ը։ Նա նաև երկու կողմերին կոչ է արել առավելագույն զսպվածություն ցուցաբերել՝ հետագա էսկալացիայից խուսափելու համար։ ...
14:30 13.06.2025
Թրամփը հայտնել է, որ ԱՄՆ-ն Իսրայելին է տրամադրել աշխարհի ամենամահացու զենքըԱՄՆ նախագահ Դոնալդ Թրամփը ուրբաթ օրը՝ Իսրայելի՝ Իրանին հարվածելուց հետո, հայտարարել է, որ Իսրայելն ունի աշխարհում ամենամահացու զենքը։ Թրամփն իր TRUTH Social սոցիալական ցանցում զգուշացրել է Իրանին ԱՄՆ-ի հետ միջուկային համաձայնագրից դուրս գալու հետևանքների մասին ՝ ընդգծելով, որ ԱՄՆ-ն ունի «աշխարհում ամենամահացու զենքը, որն ունի նաև Իսրայելը»։ ...
14:24 13.06.2025
Հայաստանը սպառնալիքներին արձագանքելու հիմնական գործիք է համարում խաղաղության օրակարգի առաջմղումը․ ԱԽ քարտուղարՀայաստանը շարունակում է աշխատել, որպեսզի կարողանա իր բաժին կայունությունը բերել տարածաշրջան՝ առաջ մղելով խաղաղության օրակարգը, քանի որ Երևանը հենց դա է սպառնալիքներին արձագանքելու հիմնական գործիք համարում։ «Արմենպրես»-ի հաղորդմամբ՝ այս մասին «Գտնելով կայունություն անկայուն աշխարհում» խորագիրը կրող APRI-2025 համաժողովում պանելային քննարկման ժամանակ նշել է Հայաստանի անվտանգության խորհրդի քարտուղար Արմեն Գրիգորյանը։ ԱԽ քարտուղարն, անդրադառնալով հարցին, թե որո՞նք […] ...
14:17 13.06.2025
Վան Բաստենը խորհուրդ է տվել Յամալին փոխել խաղային դիրքը«Միլանի» և Նիդերլանդների հավաքականի լեգենդար հարձակվող Մարկո վան Բաստենը կարծիք է հայտնել, որ «Բարսելոնայի» իսպանացի հարձակվող Լամին Յամալը պետք է փոխի խաղային դիրքը։ «Ափսոս է, որ Լամինին օգտագործում են հարձակման եզրում։ Այդ դիրքում նա բավարար չափով գնդակի տիրապետում չունի։ Իհարկե, Յամալը մեծ սպառնալիք է նաև եզրից, սակայն եթե նա խաղար հարձակման կենտրոնում, ավելի մեծ ազդեցություն […] ...
14:10 13.06.2025
Եգիպտոսի ԱԳՆ-ն Իսրայելի հարվածն Իրանին «չափազանց վտանգավոր» է անվանելԵգիպտոսը դատապարտում է Իսրայելի հարվածները Իրանին և դրանք համարում է «չափազանց վտանգավոր էսկալացիայի գործողություն», որը սպառնում է տարածաշրջանային և միջազգային անվտանգությանը։ Համապատասխան հայտարարությունը տարածել է Արաբական Հանրապետության արտաքին գործերի նախարարությունը։ «Եգիպտոսը դատապարտում է իսրայելական բանակի հարվածները Իրանին և դրանք համարում է ծայրահեղ վտանգավոր էսկալացիայի ակտ, որը վտանգ է ներկայացնում տարածաշրջանի և ամբողջ աշխարհի անվտանգության համար: […] ...
