Չեմ բացառում, որ Ռուսաստանը Վրաստանում ծրագրում է հերթական ռազմական ագրեսիան. Վրաստանի նախկին նախարար

Չեմ բացառում, որ Ռուսաստանը Վրաստանում ծրագրում է հերթական ռազմական ագրեսիան: Այս մասին հայտարարել է Վրաստանի`եվրոպական և եվրաատլանտյան կառույցներում ինտեգրման հարցերով նախկին պետնախարար Ալեքսի Պետրիաշվիլին «Կվիրիս պալիտրա» թերթին տված հարցազրույցում:

Պետրիաշվիլին արձագանքել է անցած շաբաթ Կարասին-Աբաշիձե հանդիպումից հետո ՌԴ փոխարտգործնախարար Գրիգորի Կարասինի հայտարարությանը: Նա նշել է, որ  սպառնալիք է կարդացվել է ոչ միայն Կարասինի հայտարարության մեջ, այլև Վրաստանի ակտիվացման և հնարավոր արձագանքի վերաբերյալ Ռուսաստանի պաշտպանության նախարարի ելույթում:

«Դա Կրեմլի դասական հռետորաբանության շարունակությունն է: Բոլորն էլ պետք է շատ զգույշ լինեն, միաժամանակ անհրաժեշտ է հասարակության առավելագույնս արագ մոբիլիզացում: ՌԴ նախագահի վարկանիշն այժմ շատ է ընկել և, որպես օրենք, Պուտինը փորձելու է այն շտկել արտաքին պատերազմներով: Վերջին ժամանակներս քննարկում են Ուկրաինայի դեմ նոր լայնամաշտաբ հարձակումը: Խոսվում է Բելառուսը «կուլ» տալու մասին: Սակայն ես չեմ բացառում, որ Ռուսաստանը պլանավորում է նոր ագրեսիվ ռազմական արշավ Վրաստանի դեմ: Սա կարող է կապված լինել Անակլիայի նավահանգստի հետ: ՌԴ բարձրաստիճան զինվորական պաշտոնյաները բազմիցս ասել են, որ վախենում են, որ ՆԱՏՕ-ի անդամ երկրների խոշոր ավիակիրներն ու նավերը կմտնեն նավահանգիստ»,-ասել է Պետրիաշվիլին:

Նրա խոսքերով`ՌԴ-ին դուր չի գալիս Վրաստանի հետաքրքրվածությունը ՆԱՏՕ-ով`թե՛ ռազմական, թե՛ քաղաքական տեսանկյունով:

Նմանատիպ հայտարարություններն ավելի հաճախակի են դարձել:Դրան են ծառայում նաև Լուգարի լաբորատորիայի մասին հայտարարությունները: Վրաստանին միշտ պահում են լարվածության մեջ: Պաշտոնական Մոսկվան փորձում է ստիպել մեզ հրաժարվել զորավարժություններից, ՆԱՏՕ-ին անդամակցելուց: Գտնում եմ, որ հնարավորինս արագ պետք է միանանք Հյուսիսատլանտյան դաշինքին: Եվ ամենակարևորը, այն պահանջում է հասարակության ամբողջական համախմբում, այլ ոչ թե ներքին դիմակայություն», – ասել է  Պետրիաշվիլին:

«Չեմ պատկերացնում, թե ինչ կապ ունի այստեղ Անակլիան: Ինչո՞ւ մենք պետք է քննարկենք այդ թեման: Ինչ վերաբերում է ՌԴ ՊՆ սպառնալիքներին, դա բացարձակապես անընդունելի է: Հիմնականում, երբ ռուսական կողմն անհանգստություն է  հայտնում ՆԱՏՕ-ի հետ մեր համագործակցության շուրջ, սովորաբար շեշտը դնում է հենց այդ հարցի վրա: Նման զրույց այդ թեմայով ինձ հետ եղել է, բայց ոչ այդ տոնայնությամբ»,-ասել է Աբաշիձեն՝ հավելելով, որ «ավելի կարևոր են այն հայտարարությունները, որոնք արվում են հրապարակայնորեն»:

Հիեցնենք, որ Գրիգորի Կարասինը «Կոմերսանտ» -ին տված հարցազրույցում հայտարարել էր, որ «եթե ՆԱՏՕ-ի ռազմական գործունեությունը Հարավային Կովկասում ակտիվանա, վաղ թե ուշ դա կհանգեցնի խնդիրների»: Նրա խոսքերով` Թբիլիսին պետք է ընտրություն կատարի` կա՛մ տարածաշրջանային բարեկեցությունը, կա՛մ եվրոպական ուղղությունը: