17:19 17.04.2019
Ազգային ժողովի միջանցքում լրագրողների հետ զրույցի ժամանակ ՀՀ արդարադատության նախարար Արտակ Զեյնալյանը խոսեց ոստիկանական բաժանմունքներում հնարավոր խոշտանգումների մասին.
«Երկրում կան լրջագույն խնդիրներ, որ օրենսդրական կարգավորման և իրավակիրառական պրակտիկայի կարիք ունեն՝ խոշտանգումների կարգավորման նպատակով: Եվրոպական դատարանի առաջին վճիռները, որոնք կայացված էին Հայաստանի Հանրապետության դեմ, և արձանագրված էին փաստեր, այսօրվա երիտասարդ իրավաբանների մոտ զարմանք են առաջացնում, որ ոստիկանական բաժանմունքներում այդպիսի իրավիճակ է եղել: Արդարադատության նախարարությունը շուտով հանդես է գալու օրենսդրական նախաձեռնություններով, որպեսզի բացարձակ արգելք հանդիսացող այդ իրավունքն իրականում երաշխավորված և ապահովված լինի: Սա անընդհատ կատարելագործվող ոլորտ է: Հայաստանում ևս կան խնդիրներ, բայց արդեն համատարած բնույթ չեն կրում»:
Նախարարը չհերքեց, որ այսօր էլ գուցե լինեն խոշտանգումներ, բայց նաև նշեց, որ շատ բան է փոխվել, և նախարարությունն ամեն ինչ անելու է՝ այս դաշտն ավելի վերահսկելի ու պաշտպանված դարձնելու համար:
«Խոշտանգումների դեպքեր շատ վաղուց չենք արձանագրել: Հիմա ոստիկանությունն աշխատում է թափանցիկ, և մամուլի ձեռքերը հասնում են ամենուրեք: Դա հասարակական վերահսկողություն է ապահովում ուժային կառույցների նկատմամբ: Իհարկե, քրեականացված է խոշտանգումը, բայց ձևակերպումների հետ կապված մենք կատարելագործման տեղ տեսնում ենք, և այդ ուղղությամբ նախարարությունը սկսել է աշխատանքները»:
Լրագրողներն անդրադարձան նաև Էդգար Ծատինյանի մահվան դեպքին. նախարարը տեղյակ չէր:
«Ես անծանոթ եմ այդ դեպքին, ինձ ոչինչ չի ասում այդ ազգանունը, ես վերջին 2 օրն աշխատում եմ Ազգային ժողովում: Տեղեկանամ, թե ինչ է կատարվել, և եթե լինեն իմ լիազորությունների շրջանակում, ըստ այդմ` որոշում կկայացնեմ»:
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
