13:14 02.05.2019
ՀՀ կառավարությունն այսօր քննարկեց «Ազգային ժողովի կանոնակարգ» սահմանադրական օրենքում լրացումներ կատարելու մասին» ՀՀ օրենքի նախագիծը, որ ներկայացրել էր ԲՀԿ-ական պատգամավոր Սերգեյ Բագրատյանը:
Օրենքի նախագծով առաջարկվում էր ԱԺ հերթական նստաշրջանի ընթացքում առնվազն մեկ արտագնա նիստ ՀՀ մարզերում գումարելը դարձնել պարտադիր պահանջ և դրանից բխող լրացումներ կատարել Ազգային ժողովի նախագահի և խորհրդի լիազորություններում:
ՀՀ արդարադատության նախարար Արտակ Զեյնալյանն ասաց, որ դա անհամաչափ բեռ է, ծախս է բյուջեի վրա, կարող է սպառնալիք հանդիսանալ ՀՀ պատգամավորի անվտանգությանը:
ՀՀ վարչապետ Նիկոլ Փաշինյանն էլ նկատեց՝ սա նշանակում է, որ ամեն մարզում պետք է կահավորեն ԱԺ նիստերի համար հարմարեցված դահլիճ, բացի դրանից՝ նիստի ընթացքում պատգամավորները պետք է աշխատելու հնարավորություն ունենան, այսինքն՝ բոլոր մարզերում պետք է աշխատասենյակային պայմաններ ստեղծվեն, աշխատակազմը ևս պետք է տեղափոխվի: Վարչապետը հետաքրքրվեց՝ դա ո՞ւմ հաշվին է լինելու՝ պետությա՞ն, թե՞ պատգամավորների: Զեյնալյանը տեղեկացրեց, որ պետության հաշվին է լինելու:
Փաշինյանն ասաց, որ ԱԺ հանձնաժողովները կարող են գործնականում ամեն շաբաթ նիստերն արտագնա անել, եթե սա հարց է լուծում, նշեց՝ առաջարկի տրամաբանությունը վատը չէ, բայց ամբողջ ԱԺ մասշտաբով անելու համար շատ ժամանակ ու ծախսեր կպահանջվեն: Վարչապետը հայտնեց, որ իրեն հետաքրքրում էր ԱԺ-ն Թբիլիսիից Քութայիսի տեղափոխելու որոշման մասին վրացի գործընկերների կարծիքը, նրանք ասել են, որ իրեն չի արդարացրել այդ քայլը, բարդություններ է առաջացրել: Փաշինյանն ասաց՝ իր ոչ վաղ անցյալի օրինակով կարող է ասել, որ երբ երկու նստավայր է լինում, դա ինքնին խնդիր է ու հարցեր է առաջացնում:
Կառավարությունն անփոփոխ թողեց «Ազգային ժողովի կանոնակարգ» սահմանադրական օրենքում լրացումներ կատարելու մասին» օրենքի նախագիծը:
18:58 18.06.2025
Թրամփը հայտարարել է, որ Մերձավոր Արևելքում կարող են «շատ վատ բաներ տեղի ունենալ»ԱՄՆ նախագահ Դոնալդ Թրամփը հայտարարել է, որ Մերձավոր Արևելքում իրավիճակի սրման հետևանքով կարող են «շատ ավելի վատ բաներ» տեղի ունենալ։ «Ոչինչ ավարտված չէ, քանի դեռ ավարտված չէ։ Պատերազմը շատ բարդ բան է։ Կարող են շատ վատ բաներ պատահել, շատ անսպասելի զարգացումներ», – Սպիտակ տան մոտ տեղի ունեցած միջոցառման ժամանակ լրագրողներին ասել է Թրամփը։ ԱՄՆ նախագահը […] ...
18:48 18.06.2025
Ահազանգով մեկնած ոստիկանները «Կալաշնիկովի» ինքնաձիգ են հայտնաբերել911 ծառայություն զանգահարած տղամարդը հայտնել է, որ 44-օրյա պատերազմի մասնակից է, և Դավթաշենի հուշաքարի մոտ, թողել է հետը բերված զենք-զինամթերք: Համայնքային ոստիկանության Մաշտոցի բաժնի ծառայողները նշված հատվածում հայտնաբերել են պարկ, որի մեջ եղել է «Կալաշնիկովի» ինքնաձիգ՝ փամփշտատուփով, պայթուցիչներով «Ֆ-1» և «ՌԳԴ-5» տեսակի նռնակներ ու տարբեր տրամաչափի 84 փամփուշտ։ ՆԳՆ ոստիկանությունը հորդորում է ապօրինի պահվող զենք-զինամթերքը […] ...
18:39 18.06.2025
Իռլանդական ակումբը հեռացվել է Կոնֆերենցիաների լիգայիցՈՒԵՖԱ-ն «Դրոգեդա» ակումբին հեռացրել է 2025-26թթ. մրցաշրջանի Կոնֆերենցիաների լիգայից, հայտնում է BBC-ն: Իռլանդական ակումբի սեփականատերերը խախտել են ՈՒԵՖԱ-ի կանոնակարգը, ըստ որի նույն սեփականատիրոջը պատկանող երկու ակումբ չի կարող մասնակցել նույն մրցաշարին: Ամերիկյան Trivela Group-ին «Դրոգեդայից» բացի պատկանում է դանիական «Սիլկեբորգը»: «Դրոգեդան» դիմել էր մարզական արբիտրաժային դատարան (CAS), սակայն հայցը մերժվել է: Նախորդ մրցաշրջանում «Դրոգեդան» նվաճել […] ...
18:30 18.06.2025
ՆԳՆ շրջիկ սպասարկման գրասենյակները ծառայություններ կմատուցեն Վայոց ձորի և Լոռու մարզերումՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով թե՛ միգրացիայի և քաղաքացիության ծառայության, թե՛ հաշվառման-քննական բաժինների ծառայություններ։ ՆԳ նախարարի հրամանի համաձայն՝ հունիսի 19-ին ծառայություններ կմատուցվեն․ ժամը 11:30-15:30 Վայոց Ձորի մարզի Վայք համայնքում քաղաքապետարանի հարևանությամբ, ժամը 11:30-13:30 Լոռու մարզի Ֆիոլետովո համայնքում համայնքապետարանի հարևանությամբ։ ժամը 14:30-16:30 Լոռու մարզի Մարգահովիտ համայնքում` համայնքապետարանի հարևանությամբ։ Շրջիկ սպասարկման շրջանակում […] ...
18:23 18.06.2025
Անհետ կորածների հարազատներն ԱԱԾ տնօրենի փոխվելու համար անհանգստանալու կարիք չունեն, բոլոր պայմանավորվածություններն ուժի մեջ ենՀայաստանի վարչապետ Նիկոլ Փաշինյանի խոսքով՝ անհետ կորած զինվորների հարազատներն Ազգային անվտանգության ծառայության տնօրենի փոփոխության փաստի առնչությամբ անհանգստանալու կարիք չունեն, քանի որ անհետ կորածների և գերիների հետ կապված հարցերի շուրջ նախկինում ձեռք բերված բոլոր պայմանավորվածությունները մնում են ուժի մեջ։ «Արմենպրես»-ի հաղորդմամբ՝ այս մասին վարչապետը նշել է ԱԺ-կառավարություն հարցուպատասխանի ժամանակ։Փաշինյանն, անդրադառնալով ԱԺ «Հայաստան» խմբակցության պատգամավոր Թադևոս Ավետիսյանի […] ...
18:16 18.06.2025
28-ամյա ուղևորը, որի մոտ ատրճանակ կար, ձերբակալվել էԵրևան-Սևան-Իջևան ավտոճանապարհին ծառայություն իրականացնելիս Գեղարքունիքի պարեկները զենք-զինամթերք պահելու և կրելու կասկածանքով հունիսի 14-ին ձերբակալել և Համայնքային ոստիկանության Սևանի բաժին են ներկայացրել «Տոյոտա» մակնիշի ավտոմեքենայի 27-ամյա վարորդին և 28-ամյա ուղևորին։ Ուղևորի անձնական խուզարկությամբ հայտնաբերվել է լիցքավորված պահեստատուփով ատրճանակի նմանվող առարկա։ Մեքենայի սրահից վարորդը ներկայացրել է ծխախոտի տուփ, որում եղել է կիսամոխրացված հետքերով կաթուցիչ։ Ուղևորը ձերբակալվել է։ […] ...
