Մի շարք հետախուզվողներ են հայտնաբերվել

Ոստիկանության Էրեբունու բաժնի ՔՀԲ ծառայողները հունվարի 19-ին Խորենացու փողոցից բերման են ենթարկել 51-ամյա Վրեժ Մ.-ին, որը 2021 թ. հոկտեմբերի 1-ից հետախուզվում էր ՀՀ Քրեական օրենսգրքի 178-րդ հոդվածի (Խարդախությունը) մեղադրանքով:
Խափանման միջոցը՝ ստորագրություն:
Վրեժ Մ.-ն ներկայացվել է նախաքննական մարմնին:

Ոստիկանության պարեկային ծառայության Երևանի գնդի 3-րդ գումարտակի 3-րդ վաշտի ծառայողները հունվարի 19-ին Հրազդանի կիրճից ոստիկանության Մալաթիայի բաժին բերման են ենթարկել 31-ամյա Մերուժան Բ.-ին, որը 2020 թ. մարտի 12-ից հետախուզվում էր ՌԴ Քրեական օրենսգրքի 159-րդ հոդվածի (Խարդախությունը) մեղադրանքով:
Խափանման միջոցը՝ ստորագրություն:
Հայտնաբերման վերաբերյալ հայտնվել է հետախուզումը նախաձեռնողին:

Ոստիկանության Մաշտոցի և Գավառի բաժինների ծառայողների համատեղ բացատրական աշխատանքի շնորհիվ հունվարի 19-ին Մաշտոցի բաժին է ներկայացել 52-ամյա Նապալեոն Գ.-ն, որը 2021 թ. սեպտեմբերի 30-ից հետախուզվում էր ՀՀ Քրեական օրենսգրքի 268-րդ հոդվածի (Թմրամիջոցների կամ հոգեմետ (հոգեներգործուն) նյութերի ապօրինի շրջանառությունն առանց իրացնելու նպատակի) մեղադրանքով:
Խափանման միջոցը՝ ստորագրություն:

Ոստիկանության Մալաթիայի բաժնի քրեական հետախույզների բացատրական աշխատանքի շնորհիվ հունվարի 19-ին բաժին է ներկայացել 27-ամյա Գրիգոր Հ.-ն, որը հունվարի 11-ից հետախուզվում էր ՀՀ Քրեական օրենսգրքի 268-րդ հոդվածի (Թմրամիջոցների կամ հոգեմետ (հոգեներգործուն) նյութերի ապօրինի շրջանառությունն առանց իրացնելու նպատակի) մեղադրանքով:
Խափանման միջոցը՝ ստորագրություն:
Գրիգոր Հ.-ն ներկայացվել է նախաքննական մարմնին:

Ոստիկանության Վարդենիսի և Ստեփանավանի բաժինների ծառայողների համատեղ ձեռնարկած միջոցառումների շնորհիվ հունվարի 19-ին Լոռու մարզի Ուրասար գյուղի տներից մեկում հայտնաբերվել և Վարդենիսի բաժին բերման է ենթարկվել 31-ամյա Նարեկ Գ.-ն, որը 2021 թ. նոյեմբերի 12-ից հետախուզվում էր ՀՀ Քրեական օրենսգրքի 118-րդ հոդվածի (Ծեծը) մեղադրանքով:
Խափանման միջոցը՝ ստորագրություն: