16:34 13.03.2024
Աշխատանքի և սոցիալական հարցերի նախարար Նարեկ Մկրտչյանը ՄԱԿ Կանանց կարգավիճակի հարցերով հանձնաժողովի 68-րդ նստաշրջանին հանդես է եկել որպես ՀՀ կողմից հիմնական զեկուցող՝ ներկայացնելով կանանց շրջանում աղքատության հաղթահարման, նրանց տնտեսական հզորացման ու գենդերային հավասարության ապահովմանն ուղղված պետության քաղաքականությունը։
Իր ելույթում նախարար Մկրտչյանը մանրամասնել է կանանց հիմնահարցերի ոլորտում ՀՀ կողմից սահմանված առաջնահերթություններն ու այս ուղղությամբ տարվող աշխատանքները՝ նշելով, որ իրականացվող բարեփոխումները համահունչ են ՄԱԿ-ի 2030 թ. Կայուն զարգացման նպատակների օրակարգին։ Նարեկ Մկրտչյանը շեշտել է, որ Հայաստանը հաստատակամ է իր հանձնառության մեջ՝ կանանց իրավունքների պաշտպանությանը զուգահեռ՝ ապահովելու վերջիններիս լիարժեք մասնակցությունը երկրի հասարակական կյանքում։
Անդրադառնալով 2024-2028 թթ․ ՀՀ գենդերային ռազմավարությամբ ամրագրված գերակայություններին՝ նախարարը խոսել է կանանց առաջխաղացման գործընթացում ազգային մեխանիզմի կատարելագործման, գենդերազգայուն մոտեցումների խրախուսման, գենդերային խտրականության հաղթահարման, ինչպես նաև կանանց և տղամարդկանց համար հավասար հնարավորությունների ապահովման մասին։ Այս համատեքստում բանախոսն ընդգծել է նաև գենդերային բռնության և խտրականության հաղթահարման ուղղություններով պետություն-մասնավոր հատվածի ջանքերի համախմբման կարևորությունը։
Ներկայացնելով կանանց զորեղացման, նրանց ներուժի արդյունավետ օգտագործմանն ուղղված ծրագրերը՝ Նարեկ Մկրտչյանն այս գործընթացում շեշտել է նաև ԼՂ-ից բռնի տեղահանված անձանց, մասնավորապես՝ կանանց և աղջիկների հզորացմանն ուղղված աշխատանքների կարևորությունը․
«ՀՀ կառավարության ուշադրության կենտրոնում շարունակում են լինել 2023 թ․ ԼՂ-ից բռնի տեղահանված անձանց, այդ թվում՝ կանանց և աղջիկների հիմնախնդիրները։ Անհրաժեշտ սոցիալական աջակցությունից և զբաղվածության ապահովմանն ուղղված ծրագրերից զատ՝ պետությունը նրանց համար իրականացրել և այժմ էլ առաջնային է համարում նաև հոգեբանական, սոցիալական, իրավական, ինչպես նաև տնտեսական հզորացման ծառայությունների մատուցումը»,- իր ելույթում նշել է նախարարը։
Խոսելով կանանց տնտեսական հզորացման ու նրանց ինքնիրացմանն անհրաժեշտ պայմանների ստեղծման կարևորության մասին՝ նախարարն ընդգծել է նաև կանանց կողմից ղեկավարվող ձեռնարկությունների աճի խրախուսման ու աջակցության տրամադրման անհրաժեշտությունը՝ կրթության, մենթորության, ցանցերի և այլ նախաձեռնությունների միջոցով:
Հիշեցնենք, որ ՄԱԿ Կանանց կարգավիճակի հարցերով հանձնաժողովի 68-րդ նստաշրջանի գերակա թեման և նախարարական հատվածը նվիրված է կանանց շրջանում աղքատության հաղթահարմանը՝ խրախուսելով նրանց առաջնորդությունն ու գենդերային անհավասարության դեմ ուղղված քաղաքականությունը։
23:59 13.06.2025
Հանձնաժողովում քննարկվել է ՀՀ հաշվեքննիչ պալատի 2024 թ. գործունեության վերաբերյալ տարեկան հաղորդումըՖինանսավարկային եւ բյուջետային հարցերի մշտական հանձնաժողովի՝ հունիսի 13-ի արտահերթ նիստում քննարկվել է ՀՀ հաշվեքննիչ պալատի 2024 թվականի գործունեության վերաբերյալ տարեկան հաղորդումը: Հաշվեքննիչ պալատի նախագահ Ատոմ Ջանջուղազյանը նշել է, որ պալատի գործունեության հիմնասյուներից են անկախությունը, թափանցիկությունն ու հաշվետվողականությունը: 2024 թվականին Հաշվեքննիչ պալատի համար՝ առանց շենքի վարձակալության ծախսերի եւ աշխատակիցների աշխատավարձերի, պետական բյուջեից ծախսվել է 144 մլն […] ...
23:55 13.06.2025
Համաձայնագրի շրջանակում կառուցվող ճանապարհի արդյունքում կնվազի երթեւեկության տեւողությունը, կբարձրանան երթեւեկության հարմարավետությունն ու անվտանգությունըՀամաձայնագիրը ստորագրվել է 2025 թվականի մարտի 18-ին, որով նախատեսվում է ՀՀ-ին տրամադրել 236 մլն եվրո գումարի չափով վարկ` Սիսիան-Քաջարան ճանապարհի հյուսիսային ենթահատվածի 27 կմ երկարությամբ հատվածի կառուցման աշխատանքներն իրականացնելու համար: Այս մասին ասել է ՀՀ տարածքային կառավարման եւ ենթակառուցվածքների նախարարի տեղակալ Քրիստինե Ղալեչյանը Ֆինանսավարկային եւ բյուջետային հարցերի մշտական հանձնաժողովի` հունիսի 13-ի արտահերթ նիստում: Այս մասին […] ...
23:51 13.06.2025
Գրոսսի. Նաթանզի միջուկային օբյեկտներում հայտնաբերվել է ռադիոակտիվ աղտոտվածությունՆաթանզի իրանական միջուկային օբյեկտներում Իսրայելի հարվածներից հետո հայտնաբերվել է ռադիոլոգիական և քիմիական աղտոտվածություն։ Այս մասին հայտնել է Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Գրոսսին՝ ելույթ ունենալով ՄԱԿ-ի Անվտանգության խորհրդի նիստում՝ նվիրված Իրանի շուրջ ստեղծված իրավիճակին, որը ստեղծվել է Իսրայելի կողմից այդ Իսլամական Հանրապետության դեմ ռազմական գործողություն սկսելուց ի վեր։ «Այնուամենայնիվ, արտաքին ազդեցության (Իսրայելի […] ...
23:47 13.06.2025
Արաղչի. Իսրայելի հարվածները Իրանին ստիպեցին «հեռանալ դիվանագիտական ճանապարհից»Իրանի արտաքին գործերի նախարար Աբբաս Արաղչին հայտարարել է, որ Իսլամական Հանրապետությունը խորհրդակցություններ էր վարում Միացյալ Նահանգների հետ բանակցությունների նոր փուլի շուրջ, սակայն Իսրայելի հարվածները ստիպել են Թեհրանին և Վաշինգտոնին շեղվել դիվանագիտական ուղուց։ «Մենք խորհրդակցություններ էինք վարել մեր օմանցի գործընկերոջ (Բադր ալ-Բուսաիդի) հետ ԱՄՆ կառավարության ներկայացուցիչների հետ բանակցությունների նոր փուլի վերաբերյալ, սակայն սիոնիստական ռեժիմի (Իսրայել) ագրեսիվ […] ...
23:45 13.06.2025
«Ռեալը» 6 տարվա պայմանագիր է կնքել արգենտինական ակումբի աստղի հետՄադրիդի «Ռեալը» 6 տարվա պայմանագիր է կնքել արգենտինական «Ռիվեր Փլեյթի» կիսապաշտպան Ֆրանկո Մաստանտուոնոյի հետ: Այս մասին հայտնում է ակումբի մամուլի ծառայությունը: Իսպանական ակումբը 17-ամյա ֆուտբոլիստի համար վճարել է 63,2 միլիոն եվրո, որից 45 միլիոնը բաժին կհասնի արգենտինական ակումբին, իսկ մնացածը իսպանական հարկային ծառայությանը: Այդ տրանսֆերը խոշորագույն է արգենտինական ֆուտբոլի պատմության մեջ: Ֆրանկո Մաստանտուոնոն «Ռիվեր Փլեյթում» […] ...
23:41 13.06.2025
Գործադիրն առաջարկում է մի շարք արարքների դեպքում պատասխանատվությունը խստացնելՔրեական եւ Վարչական իրավախախտումների վերաբերյալ օրենսգրքերում եւ կից օրենքներում առաջարկվող փոփոխությունները եւ լրացումներն ԱԺ պաշտպանության եւ անվտանգության հարցերի մշտական հանձնաժողովում առաջին ընթերցմամբ քննարկման է ներկայացրել ՀՀ ներքին գործերի նախարարի տեղակալ Արմեն Մկրտչյանը: Այս մասին հայտնել են ԱԺ-ից: Տրանսպորտային միջոց վարելու իրավունք չունեցող անձանց կողմից տրանսպորտային միջոց վարելու դեպքում նախատեսված 25.000 դրամի փոխարեն կսահմանվի 50.000 դրամ […] ...
