Գարուի հայկական արմատները և ճիշտ պահին ճիշտ վայրում հայտնվելու կարողությունը

Միլիոնավոր մարդիկ ճանաչում և սիրում են կանադացի ֆրանսալեզու երգիչ Գարուին, սակայն քչերը գիտեն, որ նա արմատներով հայ է, և իսկական անուն ազգանունը Պիեր Գարանյան է:

Գարուն կամ Պիեր Գարանյանը ծնվել է 1972-ին էթնիկ հայերի ընտանիքում՝ Շերբուկ քաղաքում, որը գտնվում է Կանադայի հյուսիսում:

«Մինչև հիմա հիշում եմ, թե ինչպես էր տատիկս ինձ հայերեն խոսել սովորեցնում: Ինձ ասում էր, փոքրի՛կ, իմ հետևից կրկնի՛ր «Բարև ձեզ, ինչպե՞ս եք»: Այս խոսքերը ես միշտ եմ հիշում»,- հարցազրույցներից մեկում պատմել է Գարուն և ասել է, որ երգել հենց իր տատն է սովորեցրել:

Երբ Գարուն ընդամենը 3 տարեկան է եղել, ծնողները նրան կիթառ են նվիրել, իսկ երկու տարի անց նա սկսել է արդեն դաշնամուրի նոտաները սովորել: Շատ զարմանալի է, բայց մանուկ հասակում Գարուն երազում էր հնագետ դառնալ, որպեսզի նոր բացահայտումներ աներ: Մինչև 14 տարեկանը նա դպրոցի լավագույն և օրինակելի աշակերտներից մեկն էր, սակայն անհասկանալի կերպով ամեն ինչ փոխվել է, և նույնիսկ ծնողները այդ տարիքում չեն կարողացել իր հետ լեզու գտնել:

1987-ին Գարուն իր դասընկերների հետ հիմնում է The Windows and Doors ռոք խումբը և նա դառնում է խմբի կիթառահարը: Նրանք առաջին անգամ ելույթ են ունենում դպրոցի մեծ դահլիճում:

15 տարեկանում երաժիշտ սիրահարվում է մոնրեալցի պարուհի Սոֆի Բալմոնդին: Նա բաց չէր թողնում պարուհու ներկայացումները և ամեն անգամ փորձում էր ինչ-որ մի կերպ հասնել Սոֆիի հանդերձարան: Սոֆին ամեն անգամ հնարավորություն էր տալիս երիտասարդին իր կողքին լինել և ամեն անգամ զարմանալով հարցնում էր.

-Դու այդ ինչպե՞ս ես կարողանում թիկնապահներին հիմարացնել և հասնել հանդերձարան:

Գարուն պատասխանում էր.

-Դա նրանից է, որ ես հրեշ եմ: Գարու թարգամանաբար նշանակում է «հրեշ»:

Հրեշ մականունը դարձավ նրա այցեքարտը մի որոշ ժամանակ, և երեկույթներից մեկի ժամանակ Սոֆին նրան ծանոթացրեց Սելին Դիոնի և նրա ամուսին Ռենեի հետ.

-Ծանոթացի՛ր, նա Ռենեն է, իսկ նա Գարուն՝ իմ փոքրիկ, տաղանդավոր հրեշը,- ահա այսպես Սոֆին առաջին անգամ ներկայացրեց Գարուին:

Երբ Ռենե Անժելիլը Գարուին առաջարկել էր ինչ-որ մի երգ երգել, նա միանգամից թռել էր սեղանի վրա և հայկական երգերից մեկը կատարել: Հանկարծակի ամբողջ սրահը քարացել էր, իսկ Գարուն կանշկանդվել է այդ արձագանքից և հենց վերջացրել է երգը, բոլորը միաձայն ծափահարել էին: Բոլորից բարձր ծափահարել էր Ռենեն և Գարուին ասել էր.

-Օրերից մի օր դու մեծ աստղ կդառնաս»:

Այս խոսքերին Գարուն առանց մտածելու պատասխանել էր.

-Գիտեմ, իմ տատիկը ինձ միշտ այդ մասին ասել է:

Այս դեպքերից երկու տարի անց կոմպոզիտոր Լուկ Պլամոնդոն քասթինգ է անցկանցնում իր Notre-Dame de Paris նոր մյուզիքլի համար: Քասթինգի ժամանակ կոմպոզիտորին հիացրել է արտիստներից մեկի ձայնը, որը մինչև նրա սենյակ գալը, միջանցքում բարձր ձայնով երգել է: Պլամոնդոնը արտիստին կանչել է իր սենյակ, որտեղ քասթինգը անցկացնոներից մեկն էլ եղել է հենց Ռենե Անժելիլը:

Կոմպոզիտորը Գարուին հարցրել է, թե արդյո՞ք նա կուզենար ներկայացումում խաղալ Ֆրոլլոյին: Այդ պահին Ռենե Անժելիլը ընդհատել է խոսակցությունը և ասել.

-Այս անունով և ձայնով մարդը պետք միայն խաղա Քվազիմոդո:

Այդ պահին կյանքը ժպտաց Գարուին, քանի որ նա ճիշտ պահին  ճիշտ տեղում էր հայտնվել: Քասթինգից երեք ամիս անց քաղաքի ամեն անկյունում Notre-Dame de Paris մյուզիքլի պաստառներն էին, որոնց վրա ծագող աստղ Գարուի լուսանկարներն էին՝ Քվազիմոդոյի դերում:

Այդ դերում Գարուն ուղղակի փայլում էր: Քվազիմոդոն նրան մեծ ճանաչում բերեց: Նա շրջագայեց աշխարհում՝ Փարիզ, Լոնդոն, Բրյուսել և ճանաչում ապահովեցին:

1999-ին նա ստացավ World Music Award մրցանակը Belle երգի համար, որը 33 շաբաթ շարունակ գլխավորում էր ֆրանսիական հիթ շքերթները և համարվում էր լավագույն երգերից մեկը:

Ճնաաչումը իր հետ բերեց նոր հնարավորություններ և նոր համագործակցություններ: Գարուն դուետով հանդես եկավ Սելին Դիոնի հետ և ոչ մեկ անգամ, ինչպես նաև համերգներով հանդես եկավ:

Գարուի առաջին Seul ալբոմը 2 միլիոնից ավելի օրiնակով վաճառվեց, 2001թ-ին 80-ից ավելի համերգներ ունեցավ:

Հաջողակ կարիերային զուգահեռ՝ նրա ընտանեկան կյանք այնքան էլ անհարթ չէ: Գարուն միշտ է սիրված է եղել կանանց կողմից, սակայն զբաղվածությունը, համերգները և ստեղծագործական կյանքը ժամանակ չեն թողել անձնական կյանքի համար: Թերևս հենց դա էր պատճառը, որ նա թողեց է իր կնոջը՝ Ուլրիկեին և դստերը՝ Էմիլիին:

«Իմ անձնական կյանքում միշտ ամեն ինչ խառն է եղել, և ես համարյա միշտ ինձ միայնակ եմ զգացել այդ խառնաշփոթի մեջ»,- ասել է Գարուն:

Երգիչը իր հարցազրույցերից մեկում ասել է, որ նա շատ աշխատասեր է, և իրեն միշտ դուր է եկել հյուրախաղային եռուզեռը, անընդհատ աշխատանքը:

«Ֆրանսիայում բոլոր փաստաթղթային հարցերով ես էի զբաղվում և գործակալ չունեի: Ես էի պատասխանում զանազան գործակալությունների հարցերին ու առաջարկներին: Ցերեկը ես իսկական գործարար մարդ եմ, իսկ այ երբ գալիս է գիշերը՝ սկսվում են իմ ամենասիրելի ժամերը, քանի որ ես սկսում եմ երգել և այցելում եմ զանազան երեկույթների»:

Գարուն սիրում է աղմկոտ ու արկածներով լի կյանքը: Նա չի կարողանում երկար ժամանակ հանգստանալ և հեռու լինել երաժշտական իրադարձություններից:

«Լինում են պահեր, երբ ուզում եմ փախչել ամեն ինչից և ինքս ինձ գտնել: Մեկ-մեկ ստացվում է վերանալ աշխարհից, բայց ես չեմ կարող երկար ժամանակ իմ սիրած աշխարհին կողքից նայել. դա իմ ուժերից վեր է»:

Իսկ իր հայկական արմատների մասին նա միշտ հիշում է, հայ Պիեր Գարանյանը թաքնված է Գարու մականունի տակ և արթնանում է միայն ընտանիքում:

«Պիերով ինձ դիմում են ընդամենը 3 հոգի՝ բանկի աշխատողը, մայրս և քույրս»,- մի անգամ կատակով ասել է Գարուն:

Իսկ իր հաջողության համար երգիչը շնորհակալ է իր հայկական արմատներին և իր տատիկին:

«Իմ հաջողության գաղտնիքը…Մի՞թե դուք մտածում եք, որ հրեշը ձեզ կասի իր հաջողության գաղտնիքը: Բայց ես մի բան հաստատ կարող եմ ասել. իմ տատիկը ինձ միշտ ասել է, որ ես զիլ եմ և տաղանդավոր…»:

                                                                                                                               Պատրաստեց Լիլիթ Խաչատրյանը