15:48 04.04.2024
ՀՀ կրթության, գիտության, մշակույթի և սպորտի նախարարությունում մեկնարկել են 2025 թ. բյուջետային և 2025-2027 թթ. միջնաժամկետ ծախսային ծրագրի հայտի հանրային քննարկումները։ Արդեն անցկացվել է սպորտի և երիտասարդության ոլորտների հայտի քննարկումը:
Սպորտի ոլորտում ֆինանսավորումը կավելանա
Սպորտի ոլորտային գործունեություն իրականացնող հասարակական կազմակերպությունների՝ մարզական ֆեդերացիաների ներկայացուցիչների համար քննարկումը վարել է ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանը:
ԿԳՄՍ նախարարի տեղակալը կարևորել է բյուջետային և միջնաժամկետ ծախսային ծրագրի հայտի հանրային քննարկումն ու ոլորտում գործունեություն ծավալող մասնագետների դիտարկումները:
Սպորտի ոլորտում ընթացիկ տարվա 7,5 մլրդ դրամ բյուջետային հատկացումներն առաջիկա երկու տարում կավելանան ևս 1,5 մլրդ դրամով, որոնք կուղղվեն գործող ծրագրերի ընդլայնմանը՝ մրցաշարերի անցկացում, անվանական թոշակ ստացողների թվի աճ, գույքի ձեռքբերում, մասսայական սպորտ, մասնավորապես՝ «Վարչապետի գավաթ» մրցաշարերի մասնակցության խրախուսում և այլն:
Նոր նախաձեռնությունների համար նախատեսվում է 5 մլրդ դրամի ֆինանսավորում:
Կարեն Գիլոյանը տեղեկացրել է, որ բյուջետային հայտում ՀՀ ֆիզիկական կուլտուրայի և սպորտի ոլորտների 2024-2030 թվականների ռազմավարությունից բխող նոր ծրագիր է ավելացվել՝ միջազգային ֆեդերացիաների տարբեր կոմիտեներում՝ մրցավարական, մարզչական, տեխնիկական, Հայաստանի ներկայացուցչությունը մեծացնելու նպատակով: Ծրագրով նախատեսվում է ապահովել ՀՀ մարզական ֆեդերացիաների ներկայացուցիչների՝ միջազգային կոնֆերանսներին և վերապատրաստումներին մասնակցությունը:
Բյուջետային և միջնաժամկետ ծախսային ծրագրի հայտում ներառված են առաջիկա տարիներին Հայաստանում նախատեսվող միջազգային մրցաշարերի անցկացման և գույքի ձեռքբերման ծրագրերը: Մասնավորապես՝ 2025 թվականին նախատեսվում է Երևանում անցկացնել կարատեի Եվրոպայի առաջնությունը, վոեյբոլի մինչև 20 տարեկանների Եվրոպայի առաջնության եզրափակիչ փուլը, բասկետբոլի Մ20 տարեկանների Բ դիվիզիոնի Եվրոպայի առաջնության եզրափակիչ փուլը, սպորտային պարերի աշխարհի գավաթի խաղարկությունը: 2026 թվականին ծրագրավորված են հրաձգության Եվրոպայի առաջնությունը, սուսերամարտի Եվրոպայի առաջնությունը, դարձյալ սպորտային պարերի աշխարհի գավաթի խաղարկությունը և մի շարք այլ միջոցառումներ: 2027 թվականին նախատեսվում են սպորտային մարմնամարզության Եվրոպայի առաջնությունը, Ֆրանկոֆոնիայի միջազգային խաղերը, ծանրամարտի աշխարհի առաջնությունը և Համահայկական խաղերը:
Արձագանքելով ձմեռային մարզաձևերի զարգացմանն ուղղված ծրագրերին՝ ԿԳՄՍ նախարարի տեղակալը տեղեկացրել է, որ 2028 թվականի ձմեռային Օլիմպիական խաղերին նախապատրաստվելու և մասնակցելու համար նախաօլիմպիական երկու տարիներին՝ 2025-26 թվականներին, ձմեռային երեք մարզաձևերի՝ դահուկային սպորտի, հոկեյի և գեղասահքի համար պետությունը ֆեդերացիաների համար նախատեսում է լրացուցիչ ֆինանսական հատկացումներ: Հայաստանի դահուկասպորտի ֆեդերացիայի նախագահ Գագիկ Սարգսյանն առաջարկել է բյուջետային հայտի՝ ադապտիվ սպորտին առնչվող ծառայություններին վերաբերող կետում ներառել նաև ձմեռային բաղադրիչը:
Ադապտիվ սպորտին առնչվող առաջարկներ է ներկայացրել նաև Հայաստանի պարալիմպիկ ֆեդերացիայի նախագահ Հակոբ Աբրահամյանը:
Ոլորտային գործունեություն իրականացնող հասարակական կազմակերպությունների և ֆեդերացիայի ներկայացուցիչները փոխնախարարին ուղղել են մի շարք հարցեր, որոնց շուրջ ծավալվել է քննարկում:
Կստեղծվեն երիտասարդական կենտրոններ, կշարունակվի երիտասարդ ընտանիքների աջակցությունը
Երիտասարդության ոլորտում գործունեություն իրականացնող հասարակական կազմակերպությունների ներկայացուցիչների համար 2025 թ. բյուջետային և 2027թթ. միջնաժամկետ ծախսային ծրագրի հայտի քննարկումը վարել է ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանը: Նա տեղեկացրել է երիտասարդության պետական քաղաքականության շրջանակում իրականացվող միջոցառումների և ծրագրերի մասին` անդրադառնալով երիտասարդական մայրաքաղաք միջոցառմանը, երիտասարդ ընտանիքներին աջակցության և երիտասարդական կենտրոնների ստեղծման ծրագրերին։
Երիտասարդական ոլորտում այս տարվա 2,3 մլրդ դրամի հատկացումներն առաջիկա տարիներին նախատեսվում է 387 մլն դրամով ավելացնել, որը հիմնականում կուղղվի 8 երիտասարդական կենտրոնների ստեղծմանը և երիտասարդ ընտանիքների աջակցությանը։
Քննարկման ընթացքում ԿԳՄՍ նախարարի տեղակալն անդրադարձել է նաև «Երիտասարդական քաղաքականության մասին» ՀՀ օրենքի նախագծի մշակմանը, որը ՀՀ կառավարության ծրագրի իրականացման պահանջ է: Շեշտելով, որ մեր երկիրը երբեք չի ունեցել երիտասարդության ոլորտը կարգավորող օրենք, նախարարի տեղակալը նշել է, որ օրենքի հիմնական նպատակը երիտասարդության ոլորտում պետության կողմից վարվող քաղաքականության իրավական հենքի ստեղծումն է, ֆինանսավորման բաշխման հիմնական սկզբունքների ու պետական մարմինների և ոչ պետական կազմակերպությունների լիազորությունների և գործառույթների սահմանումը:
Քննարկմանը մասնակցող հասարակական կազմակերպությունների ներկայացուցիչները փոխնախարարին ուղղել են մի շարք հարցեր, ներկայացրել իրենց առաջարկները:
23:59 02.06.2025
Ինչպե՞ս խուսափել անտառային հրդեհներիցՈվ իրազեկված է, նա պաշտպանված է. ինչպես խուսափել անտառային հրդեհներից. Անտառային հրդեհների կանխարգելման նպատակով արգելվում է՝ վառել խարույկ արգելված վայրերում, լքել անտառն առանց համոզվելու, որ խարույկը մարված է, նետել այրվող լուցկի, չմարված ծխախոտի մնացորդ, ավտոմեքենաները լիցքավորել վառելիքով` աշխատող շարժիչների դեպքում, շահագործել անսարք սնուցման համակարգով ավտոմեքենաները, կատարել չոր խոտի, խոզանի այրում (բացի վերահսկելի այրումներից), արևով լուսավորվող […] ...
23:55 02.06.2025
Հունիսի 3-ին կդադարեցվի Մրգաշատ բնակավայրի գազամատակարարումը«Գազպրոմ Արմենիա» ընկերությունից հայտնել են, որ պլանային աշխատանքներ իրականացնելու նպատակով՝ հունիսի 3-ին ժամը 10:00-ից մինչև ժամը 17:00-ն, կդադարեցվի Արմավիրի մարզի Մեծամոր համայնքի Մրգաշատ բնակավայրի գազասպառողների գազամատակարարումը։ ...
23:52 02.06.2025
Հաճախակի են դառնում դեպքերը, երբ օձերին վնասում են՝ լրջորեն վտանգելով և՛ իրենց, և՛ կենդանիների կյանքը․ ՇՄՆ զգուշացումըՎերջին շրջանում նկատելի է օձերի հանդեպ չհիմնավորված վախի և ագրեսիայի աճ, ինչը հանգեցնում է բնության այս կարևոր օղակի ոչնչացմանը։ Այս մասին հայտնել են Շրջակա միջավայրի նախարարությունից: «Համացանցում հաճախակի են դառնում դեպքերը, երբ օձերին վնասում են կամ առանց մասնագիտական միջամտության փորձում «վնասազերծել»՝ լրջորեն վտանգելով և՛ իրենց, և՛ կենդանիների կյանքը։ Ցանկանում ենք հիշեցնել, որ օձերը մեր էկոհամակարգի […] ...
23:47 02.06.2025
ՆԳՆ շրջիկ սպասարկման գրասենյակները հունիս ամսին կշարունակեն հանրային ծառայություններ մատուցել ՀՀ մարզերումՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով թե՛ միգրացիայի և քաղաքացիության ծառայության, թե՛ հաշվառման-քննական բաժինների ծառայություններ։ ՆԳ նախարարի հրամանի համաձայն՝ հունիս ամսին ծառայություններ կմատուցվեն հետևյալ բնակավայրերում․ հունիսի 2-ին Գեղարքունիքի մարզի Վարդենիս և Մեծ Մասրիկ համայնքներում կիրականացվեն մայիսի 22-ից 23-ը ներկայացված դիմումների հիման վրա փաստաթղթերի հանձնման աշխատանքներ։ Հունիսի 5-ին Տավուշի մարզի Աչաջուր և […] ...
23:43 02.06.2025
Հունիսի 1-ը՝ օպերային աստղերի և երեխաների հետԵրեխաների պաշտպանության միջազգային օրը մայրաքաղաքում ամփոփվեց Ազատության հրապարակում կայացած բացառիկ համերգային ծրագրով: Այս մասին հայտնել են Երևանի քաղաքապետարանից: Երևանի քաղաքապետարանի նախաձեռնությամբ իրականացված՝ «Հունիսի 1-ը՝ օպերային աստղերի հետ» ծրագիրը, Երևանի և մարզերի պատանի երգիչներին հնարավորություն էր տվել աշխարհահռչակ օպերային արտիստների հետ ելույթ ունենալ մեկ բեմում: Այս տոնը դարձավ ստեղծագործական ոգեշնչման նոր հարթակ մեր փոքրիկ տաղանդների համար: ...
23:39 02.06.2025
Դավիթաշենի կամրջի սկզբնամասում «Hyundai Sonata»-ն բախվել է ծառերին և գլխիվայր շրջվելով՝ հայտնվելով երթևեկելի գոտումՀունիսի 2-ին, ավտովթար է տեղի ունեցել Երևանում: Ժամը 16:15-ի սահմաններում Երևանի բնակիչ 67-ամյա Արտյոմ Ս.-ն իր վարած «Hyundai Sonata» մակնիշի ատոմեքենայով Դավիթաշեն կամրջի սկզբնամասում, դեռևս անհայտ հանգամանքներում, դուրս է եկել երթևեկելի գոտուց, բախվել ծառերին և գլխիվայր շրջվելով հայտնվել ճանապարհի երթևեկելի գոտում: Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների՝ բարեբախտաբար տուժածներ չկան: Վթարի փաստով […] ...
