17:02 12.02.2019
Երեկ լարված իրավիճակ էր ստեղծվել Վարդենիսում: Քաղաքապետի թեկնածուներից Գևորգ Սիմոնյանն իր աջակիցների հետ փակել էր ավտոճանապարհը՝ մարզպետի հրաժարականի պահանջով: Նրանք մարզպետին մեղադրում են նրանում, որ վերջինս սատարում է մեկ այլ թեկնածուի՝ քաղաքապետի ԺՊ Արամ Մելքոնյանին: Իսկ պատճառը եղել է այն, որ քարոզչության նպատակով նրանք փորձել են մտնել հիվանդանոց, ինչն արգելվել է, այնինչ, մինչ այդ հիվանդանոցում այլ թեկնածուներ քարոզչություն են իրականացրել: Այս ամենը Գևորգ Սիմոնյանը կապում է մարզպետի հետ:
Երեկ դեպքի վայրում է եղել ԱԺ «Իմ քայլը» խմբակցության՝ Վարդենիսից ռեյտինգային ընտրակարգով պատգամավոր ընտրված Թագուհի Թովմասյանը: SHANTNEWS.am-ի հետ զրույցում նա պատմեց:
«Բնականաբար, մարզպետը չի ընդունում մեղադրանքը, ասում է, որ ինքը որևէ առնչություն չունի, այլ ԸՕ-ն արգելում է, մինչդեռ բողոքող կողմը պնդում էր, որ դա ընդամենը մի դետալ է: Այս վերջին շրջանում մարզպետն անընդհատ ազդեցություն է ունեցել գործընթացի վրա և ամեն կերպ փորձել է աջակցել կուրսեցուն, որը համայնքի ղեկավարի ԺՊ-ն է, նրան առաջնորդել հաղթանակ»,- պատմում է Թովմասյանը:
Նա տեղում է եղել տարածքային կառավարման նախարարության ներկայացուցչի հետ, բանակցել են կողմերի հետ:
«Շատ դժվար կացություն էր, մայրուղին 8 ժամ փակ էր, զինվորները չէին կարողանում հերթափոխի հասնել զորամասեր, փոքր երեխաները մեքենաների մեջ, ցուրտ, անելանելի իրավիճակ էր: Բանակցությունների արդյունքում, իհարկե, բացվեց ճանապարհը, բայց դեռևս խնդիրը լուծված չէ, մարդիկ ակնկալում են մարզպետի հրաժարականը, հայտարարեցին, որ փակելու են ճանապարհը, իրենք էլ գիտեն, որ այդ գնով հրաժարականի հասնելը քաղաքական իմաստով սխալ կլինի, չնայած հակափաստարկներ են բերում, թե ինչպես եղավ, որ ճանապարհ փակելով հեղափոխություն եղավ, իսկ մարզպետի հրաժարական հնարավոր չէ՞: Մենք բացատրեցինք, որ այն ժամանակ լսելի դառնալու խնդիր կար, իսկ հիմա, երբ որևէ մեկը դժգոհություն ունի, բարձրաձայնումն արագ է տեղի ունենում, և կարիք չի լինում ծայրահեղ միջոցների դիմել»,- ասաց Թագուհի Թովմասյանը:
Նա նշեց, որ մարզպետը տեղյակ է դժգոհությունից, նրան խիստ հրահանգված է որևէ առնչություն չունենալ ընտրական գործընթացին:
«Իրենք շատ արմատական են տրամադրված, մենք խոսել ենք, որ պետք է ըմբռնումով մոտենաք ու թույլ չտաք, որ միջպետական ճանապարհին դժվարություններ առաջանան: Հուսամ՝ էլ ճանապարհ փակելու գնով չեն անի, եթե շարունակում են պնդել իրենց դժգոհությունը: Բոլոր տարբերակները կիրառվում են, և ես կարծում եմ, որ եթե նույնիսկ միջամտություն է եղել, ապա այլևս չի լինի»:
09:55 03.06.2025
Թուրքիայում երկրաշարժի հետևանքով մեկ մարդ է զոհվելԹուրքիայի հարավում տեղի ունեցած երկրաշարժից հետո խուճապային նոպա է տեղի ունեցել, որի հետևանքով մեկ մարդ մահացել է, ևս 69 մարդ վիրավորվել է, երեքշաբթի օրը հայտարարել է Թուրքիայի ներքին գործերի նախարար Ալի Երլիկայան։ Ստորգետնյա ցնցումները գրանցվել են Մոսկվայի ժամանակով ժամը 02:17-ին՝ թուրքական Մարմարիս հանգստավայրի մոտակայքում։ Օջախը գտնվել է 67 կիլոմետր խորության վրա։ «Տասնչորսամյա Աֆրանուր Գյունլուն Ֆեթհիյեում […] ...
09:50 03.06.2025
Վենեսուելայի նախագահը և Իրանի խորհրդարանի խոսնակը քննարկել են համագործակցության ամրապնդումըՎենեսուելայի նախագահ Նիկոլաս Մադուրոն և Իրանի Մեջլիսի (միապալատ խորհրդարան) նախագահ Մոհամմադ Բաղեր Ղալիբաֆը հանդիպել են Կարակասում, որի ընթացքում քննարկել են երկու երկրների միջև համագործակցության հետագա ամրապնդումը։ «Հանդիպումը, որի նպատակն էր երկու երկրների միջև 2022 թվականի հունիսին Վենեսուելայի պետության ղեկավարի Թեհրան կատարած այցի ընթացքում կնքված համագործակցության համաձայնագրի հետագա ամրապնդումը, տեղի է ունեցել Միրաֆլորես պալատում։ Վենեսուելան և […] ...
09:40 03.06.2025
CNN. ԱՄՆ-Իրան բանակցությունների նոր փուլ կարող է տեղի չունենալՎաշինգտոնի և Թեհրանի միջև միջուկային համաձայնագրի շուրջ բանակցությունների վեցերորդ փուլ անցկացնելու հնարավորությունը լուրջ կասկածի տակ է և կարող է ընդհանրապես տեղի չունենալ, երկուշաբթի օրը հաղորդել է CNN-ը՝ հղում անելով իր աղբյուրներին։ Դրա խոսքով՝ Իրանը Իսլամական Հանրապետության միջուկային ծրագրի վերաբերյալ ԱՄՆ նոր առաջարկը համարել է «անհամատեղելի, անիրատեսական և չափազանց պահանջներ ներկայացնող»։ «Ամերիկացիները անընդհատ փոխում են իրենց […] ...
09:30 03.06.2025
Հունաստանի Դոդեկանեսյան կղզիներում երկրաշարժ է տեղի ունեցելՀունաստանի Դոդեկանեսյան կղզիներում՝ Թուրքիայի ափերի մոտ, 6.0 մագնիտուդով երկրաշարժ է տեղի ունեցել, հայտնում է Եվրոպական-Միջերկրածովյան սեյսմոլոգիական կենտրոնը (EMSC): Ստորգետնյա ցնցումները գրանցվել են երկուշաբթի օրը՝ UTC ժամանակով 23:17-ին (երեքշաբթի՝ Մոսկվայի ժամանակով 02:17-ին)՝ Դոդեկանեսյան կղզեխմբի համանուն կղզում գտնվող Ռոդոս քաղաքից 19 կիլոմետր հյուսիս։ Երկրաշարժի էպիկենտրոնը գտնվել է տասը կիլոմետր խորության վրա։ Հնարավոր ավերածությունների կամ զոհերի մասին դեռևս […] ...
09:25 03.06.2025
Կանադական պատվիրակությունը մեկնել է Վաշինգտոն՝ մաքսային բանակցություններ վարելուԿանադայի վարչապետ Մարկ Քարնին հայտարարել է, որ միջկառավարական հարաբերությունների նախարարի և Կանադա-ԱՄՆ առևտրի պատասխանատու Դոմինիկ ԼեԲլանկի գլխավորած կանադական պատվիրակությունը մեկնում է Վաշինգտոն՝ սակագնային բանակցությունների համար։ «Մենք պայքարում ենք Կանադայի համար լավագույն գործարքը ստանալու համար։ Այդ աշխատանքը շարունակվում է։ Նախարար ԼեԲլանկը մեկնել է Վաշինգտոն՝ սակագների վերաբերյալ բանակցությունները շարունակելու համար», – երկուշաբթի օրը լրագրողներին ասել է Քարնին […] ...
09:15 03.06.2025
Մադուրոն Մեծ Բրիտանիայի վարչապետի՝ պատերազմին պատրաստվելու մասին հայտարարությունը խելագարություն է անվանելՎենեսուելայի նախագահ Նիկոլաս Մադուրոն Մեծ Բրիտանիայի վարչապետ Քիր Սթարմերի՝ պատերազմի նախապատրաստման մասին հայտարարությունը «խելագարություն» է անվանել և առաջարկել է Եվրոպայում ստեղծել հակապատերազմական շարժում։ «Ես հրավիրում եմ Մեծ Բրիտանիայի, Լոնդոնի, Լիվերպուլի ժողովուրդներին արձագանքել ձեր վարչապետի այս խելագար, հուսահատ պատերազմի կոչին», – ասել է նախագահը Venezolana de Televisión հեռուստաալիքի «With Maduro Plus» հաղորդման եթերում։ Նա ընդգծել է, […] ...
