18:54 12.02.2019
Երևանի ավագանու այսօրվա նիստի ժամանակ «Իմ քայլը» խմբակցության անդամ Հայկ Հովհաննիսյանը հետաքրքրվել է, թե ինչ փուլում է Արամի 23-ի հարցը:
Հիշեցնենք, որ որոշ ժամանակ առաջ «Հայաստանի փոքրիկ երգիչներ»-ին պատկանող շինության պատը փլուզվել էր։
«Պիտի նշեմ, որ ի սկզբանե Արամի 23-ի պատի վերականգման աշխատանքներում Երևանի քաղաքապետարանն իրավական պարտավորություն, որպես այդպիսին, չի ունեցել: Քաղաքապետը մի քանի անգամ իր հարցազրույցներում նշել է, որ սա բարի կամքի դրսևորում է: Զուտ բարոյական առումով մենք ուզում ենք, որ խնդիրը հնարավորինս արագ լուծում ստանա և այդ լուծումը լինի ընդունելի բոլոր կողմերի համար: Երկարատև աշխատանքների արդյունքում մենք այսօր ունենք խնդրի դրական տեղաշարժ, մի քանի օր առաջ կնքվեց քառակողմ պայմանագիրը, իտալական ընկերությունը՝ ճարտարապետների, կիրականացնի պատի նախագծանախահաշվարկային աշխատանքները և կտա, թե պատը ինչ սկզբունքով պետք է վերականգնվի»,- ասել է փոխքաղաքապետ Տիգրան Վիրաբյանը
Փոխքաղաքապետը նաև հավելել է, որ նախագծողին ընտրել է Տիգրան Հեքեքյանը, որը «Հայաստանի փոքրիկ երգիչներ» ասոցիացիա» ՀԿ-ի սեփականատերն է, իսկ վճարող կողմը իրացնող կազմակերպությունն է:
«Էն կազմակերպությունը, որն իրականացնում է էդ տարածքի իրացումը, ինքն է պատրաստակամություն հայտնել և նախագծման աշխատանքների համար վճարում կատարել, մոտ 14 հազար եվրոյի պայմանագիր ստորագրվեց, այն պարտավորություն է ստանձնել նախագիծը պատրաստ լինելուց հետո պատի վերականգնման աշխատանքներն ամբողջությամբ ֆինանսավորել: Մենք մոտ ժամանակահատվածում՝ պատի վերականգնման առումով և շենքը ամբողջությամբ պահպանելու առումով վերջնական փուլի հասած կլինենք: Հիմա բոլոր ուսումնասիրությունները կատարվել են և ճարտարապետների խումբը նորից վերադարձել է Իտալիա և այնտեղ արդեն նախագծման աշխատանքներ են կատարում»,- հավելել է փոխքաղաքապետը:
11:20 03.06.2025
Դեմբելեն՝ ՉԼ 2024/25 մրցաշրջանի լավագույն ֆուտբոլիստՊՍԺ-ի հարձակվող Ուսման Դեմբելեն ճանաչվել է Չեմպիոնների լիգայի 2024/25 մրցաշրջանի լավագույն ֆուտբոլիստ, հայտնում է ՈՒԵՖԱ-ի մամուլի ծառայությունը։ Ֆրանսիացին մրցաշարի 15 խաղում 8 գոլ է խփել, կատարել 6 գոլային փոխանցում։ Դեմբելեի խաղընկեր Դեզիրե Դուեն էլ ճանաչվել է Չեմպիոնների լիգայի լավագույն երիտասարդ ֆուտբոլիստ։ 19-ամյա վինգերը մրցաշարի եզրափակիչի հերոսն էր։ Նա Միլանի «Ինտերի» դեմ վճռորոշ խաղում դուբլ է […] ...
11:07 03.06.2025
ԱԺ փոխնախագահ Հակոբ Արշակյանը Տոկիոյում հանդիպել է Ճապոնիայի Խորհրդականների պալատի փոխնախագահի հետՃապոնիա աշխատանքային այցի շրջանակում ՀՀ Ազգային ժողովի փոխնախագահ Հակոբ Արշակյանը հանդիպել է Ճապոնիայի Ազգային ժողովի Խորհրդականների պալատի փոխնախագահ Հիրոյուկի Նագահամայի հետ: Հանդիպման ընթացքում կողմերը քննարկել են հայ-ճապոնական երկկողմ համագործակցության օրակարգային հարցերը: ՀՀ ԱԺ փոխնախագահն ընդգծել է, որ Հայաստանը բարձր է գնահատում Ճապոնիայի հետ հարաբերությունների համակողմանի զարգացումը՝ հիմնված երկուստեք հարգանքի եւ ժողովրդավարական արժեքների վրա: Նա նշել […] ...
10:57 03.06.2025
Հյուսիս-հարավի Տրանշ-2-ի՝ Ագարակի հնավայրը շրջանցող ճանապարհահատվածում ասֆալտբետոնե ծածկի տեղադրման աշխատանքներն ավարտվել ենՀյուսիս-հարավի Տրանշ-2-ի՝ Ագարակի հնավայրը շրջանցող մոտ 8կմ երկարությամբ նորակառույց ճանապարհահատվածում ասֆալտբետոնե ծածկի տեղադրման աշխատանքներն ավարտվել են։ Կապալառու կազմակերպության կողմից այժմ կատարվում են մետաղյա արգելափակոցների տեղադրման, ջրահեռացման համակարգերի բետոնացման և այլ աշխատանքներ։ Այս մասին հայտնում է «Ճանապարհային դեպարտամենտը»։ ...
10:45 03.06.2025
Տաք եղանակին առկա են նպաստավոր պայմաններ աղիքային վարակների հարուցիչների աճման և բազմացման համարԱղիքային վարակիչ հիվանդություններին բնորոշ է սեզոնայնությունը: Տաք եղանակին առկա են նպաստավոր պայմաններ աղիքային վարակների հարուցիչների աճման և բազմացման համար. դրանք տարածվում են ջրի, սննդի միջոցով, նաև` կենցաղակոնտակտային ճանապարհով: Այս մասին հայտնում է բժիշկ-համաճարակաբան Ներսես Գրիգորյանը։ Լավ չլվացված մրգերն ու բանջարեղենը, համապատասխան պայմաններում չպահված սննդամթերքը, ոչ ճիշտ պատրաստված ուտեստներն ավելի հաճախ են դառնում աղիքային վարակիչ հիվանդությունների […] ...
10:34 03.06.2025
Արամ Ղազարյանը նշանակվել է ՆԳՆ ոստիկանության պետ-ներքին գործերի նախարարի տեղակալՀՀ վարչապետ Նիկոլ Փաշինյանի հունիսի 3-ի որոշմամբ՝ Արամ Ղազարյանը նշանակվել է ՆԳՆ ոստիկանության պետ-ներքին գործերի նախարարի տեղակալ։ Այս մասին հայտնում են ՆԳՆ-ից։ Արամ Ղազարյանը հունիսի 2-ին հայտնել էր, որ հրաժարական է տալիս Լոռու մարզպետի պաշտոնից և դադարեցնում իր քաղաքական և կուսակցական գործունեությունը։ ...
10:31 03.06.2025
Գերմանիայի նոր Սուպերգավաթը կկոչվի լեգենդար ֆուտբոլիստի անունովԳերմանիայի ֆուտբոլի լիգան ներկայացրել է նոր Սուպերգավաթը, հայտնում է կազմակերպության մամուլի ծառայությունը: Սուպերգավաթն այսուհետև կկոչվի լեգենդար Ֆրանց Բեկենբաուերի անունով: Գավաթի տարբերանշանի վրա կլինի նրա նկարը: Գերմանիայի Սուպերգավաթը 2025 թվականին կվիճարկեն երկրի չեմպիոն «Բավարիան» և գավաթակիր «Շտուտգարտը»: Հանդիպումը կկայանա օգոստոսի 16-ին Շտուտգարտում: ...
