20:28 22.09.2018
Սեպտեմբերի 20-ին «Սպիտակ» բժշկական կենտրոնից ոստիկանության Սպիտակի բաժին ահազանգ ստացվեց, որ րոպեներ առաջ շտապ օգնության խումբը կանչով մեկնել է գիշերային ակումբներից մեկն ու հայտնաբերել տղամարդու դի՝ որովայնի առաջնային պատի թափանցող վերքով:
Դեպքի վայրում ոստիկանության օպերատիվ խումբը պարզեց մահացածի ինքնությունը՝ վանաձորցի, 26-ամյա Էդմոն Սանթրոսյան: Պարզվեց նաև, որ գիշերային ակումբում տեղի է ունեցել վիճաբանություն, ինչի ընթացքում էլ նա դանակահարվել է:
Մինչ ոստիկանները ձեռնարկում էին համապատասխան բոլոր միջոցառումները հանցագործությունը բացահայտելու ուղղությամբ, ոստիկանությունում հնչեց հերթական ահազանգը: «Վանաձոր» բժշկական կենտրոնից հայտնում էին, որ կրծքավանդակի ու որովայնի կտրած-ծակած չթափանցող վերքերով իրենց մոտ բուժօգնության է տեղափոխվել մի երիտասարդ:
Հաջորդ ահազանգը հնչեց «Սպիտակ» բժշկական կենտրոնից: Հիվանդանոց էր տեղափոխվել մի երիտասարդ՝ ուսի կտրած-ծակած վերքով:
Ոստիկաններն օպերատիվ տեղեկություններ ունեին, որ կա դանակահարված ևս մի երիտասարդ, որը հիվանդանոց չի դիմել: Նրան հայտնաբերելու ուղղությամբ ձեռնարկվեցին միջոցառումներ:
Հիվանդանոցներում տուժածները ոստիկաններին հայտնեցին, որ վայր են ընկել ու ոչինչ չեն հիշում, սակայն կասկածներ կային, որ այս բոլոր դեպքերը տեղի են ունեցել Սպիտակի գիշերային ակումբներից մեկում՝ ծեծկռտուքի ժամանակ:
Ոստիկանության ու քննչական Լոռու մարզային վարչությունների, Սպիտակի բաժինների ծառայողները, համագործակցելով ոստիկանության Տարոնի բաժնի աշխատակիցների հետ, ձեռնարկելով օպերատիվ-հետախուզական ու քննչական գործողություններ՝ պարզեցին, որ Էդմոն Սաթրոսյանին սպանել ու մյուս երիտասարդներին մարմնական վնասվածքներ է հասցրել մի հոգի:
Կասկածյալին հայտնաբերելու համար ձեռնարկվում էին որոնողական ծավալուն միջոցառումներ: Վանաձորցի 26-ամյա Գաբրիել Պողոսյանը, հայտնաբերվեց «Սպիտակ» բժշկական կենտրոնում և սպանություն ու մարմնական վնասվածքներ կատարելու կասկածանքով բերման ենթարկվեց ոստիկանություն:
Բաժնում հաստատվեցին իրավապահների կասկածները: Պողոսյանը խոստովանեց: Գիշերային ակումբում վիճաբանությունը ծագել էր անհեթեթ մի պատճառից՝ միմյանց երկար նայելուց, վիճաբանությունը վերածվել էր ծեծկռտուքի ու հենց այդ պահին էլ Գաբրիել Պողոսյանը հանդերձարանում կախված վերարկուի գրպանից վերցրել էր դանակն ու հարվածներ հասցրել 4 հոգու. 3-ը մարմնական վնասվածքեր էին ստացել, մեկն էլ մահացել էր: Իսկ հիվանդանոց եկել էր՝ տեսնելու, թե ինչ վիճակում է դանակահարվածը:
Տուժած երիտասարդը, որը չէր դիմել բուժօգնության՝ հայտնաբերվել է:
Գաբրիել Պողոսյանը կալանավորված է:
Ձեռնարկվում են միջոցառումներ հանցագործության գործիք դանակը հայտնաբերելու ուղղությամբ:
Հարուցված քրեական գործի քննությունը շարունակվում է:
23:59 02.06.2025
Ինչպե՞ս խուսափել անտառային հրդեհներիցՈվ իրազեկված է, նա պաշտպանված է. ինչպես խուսափել անտառային հրդեհներից. Անտառային հրդեհների կանխարգելման նպատակով արգելվում է՝ վառել խարույկ արգելված վայրերում, լքել անտառն առանց համոզվելու, որ խարույկը մարված է, նետել այրվող լուցկի, չմարված ծխախոտի մնացորդ, ավտոմեքենաները լիցքավորել վառելիքով` աշխատող շարժիչների դեպքում, շահագործել անսարք սնուցման համակարգով ավտոմեքենաները, կատարել չոր խոտի, խոզանի այրում (բացի վերահսկելի այրումներից), արևով լուսավորվող […] ...
23:55 02.06.2025
Հունիսի 3-ին կդադարեցվի Մրգաշատ բնակավայրի գազամատակարարումը«Գազպրոմ Արմենիա» ընկերությունից հայտնել են, որ պլանային աշխատանքներ իրականացնելու նպատակով՝ հունիսի 3-ին ժամը 10:00-ից մինչև ժամը 17:00-ն, կդադարեցվի Արմավիրի մարզի Մեծամոր համայնքի Մրգաշատ բնակավայրի գազասպառողների գազամատակարարումը։ ...
23:52 02.06.2025
Հաճախակի են դառնում դեպքերը, երբ օձերին վնասում են՝ լրջորեն վտանգելով և՛ իրենց, և՛ կենդանիների կյանքը․ ՇՄՆ զգուշացումըՎերջին շրջանում նկատելի է օձերի հանդեպ չհիմնավորված վախի և ագրեսիայի աճ, ինչը հանգեցնում է բնության այս կարևոր օղակի ոչնչացմանը։ Այս մասին հայտնել են Շրջակա միջավայրի նախարարությունից: «Համացանցում հաճախակի են դառնում դեպքերը, երբ օձերին վնասում են կամ առանց մասնագիտական միջամտության փորձում «վնասազերծել»՝ լրջորեն վտանգելով և՛ իրենց, և՛ կենդանիների կյանքը։ Ցանկանում ենք հիշեցնել, որ օձերը մեր էկոհամակարգի […] ...
23:47 02.06.2025
ՆԳՆ շրջիկ սպասարկման գրասենյակները հունիս ամսին կշարունակեն հանրային ծառայություններ մատուցել ՀՀ մարզերումՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով թե՛ միգրացիայի և քաղաքացիության ծառայության, թե՛ հաշվառման-քննական բաժինների ծառայություններ։ ՆԳ նախարարի հրամանի համաձայն՝ հունիս ամսին ծառայություններ կմատուցվեն հետևյալ բնակավայրերում․ հունիսի 2-ին Գեղարքունիքի մարզի Վարդենիս և Մեծ Մասրիկ համայնքներում կիրականացվեն մայիսի 22-ից 23-ը ներկայացված դիմումների հիման վրա փաստաթղթերի հանձնման աշխատանքներ։ Հունիսի 5-ին Տավուշի մարզի Աչաջուր և […] ...
23:43 02.06.2025
Հունիսի 1-ը՝ օպերային աստղերի և երեխաների հետԵրեխաների պաշտպանության միջազգային օրը մայրաքաղաքում ամփոփվեց Ազատության հրապարակում կայացած բացառիկ համերգային ծրագրով: Այս մասին հայտնել են Երևանի քաղաքապետարանից: Երևանի քաղաքապետարանի նախաձեռնությամբ իրականացված՝ «Հունիսի 1-ը՝ օպերային աստղերի հետ» ծրագիրը, Երևանի և մարզերի պատանի երգիչներին հնարավորություն էր տվել աշխարհահռչակ օպերային արտիստների հետ ելույթ ունենալ մեկ բեմում: Այս տոնը դարձավ ստեղծագործական ոգեշնչման նոր հարթակ մեր փոքրիկ տաղանդների համար: ...
23:39 02.06.2025
Դավիթաշենի կամրջի սկզբնամասում «Hyundai Sonata»-ն բախվել է ծառերին և գլխիվայր շրջվելով՝ հայտնվելով երթևեկելի գոտումՀունիսի 2-ին, ավտովթար է տեղի ունեցել Երևանում: Ժամը 16:15-ի սահմաններում Երևանի բնակիչ 67-ամյա Արտյոմ Ս.-ն իր վարած «Hyundai Sonata» մակնիշի ատոմեքենայով Դավիթաշեն կամրջի սկզբնամասում, դեռևս անհայտ հանգամանքներում, դուրս է եկել երթևեկելի գոտուց, բախվել ծառերին և գլխիվայր շրջվելով հայտնվել ճանապարհի երթևեկելի գոտում: Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների՝ բարեբախտաբար տուժածներ չկան: Վթարի փաստով […] ...
