16:06 10.10.2024
ՀՀ կրթության, գիտության, մշակույթի և սպորտի նախարարի տեղակալ Դանիել Դանիելյանն ընդունել է Իրաքի դեսպանության գործերի ժամանակավոր հավատարմատար Ալի Աբդուլքարեմ Ուտավիին:
Դանիել Դանիելյանը ողջունել է դեսպանին և երկու ժողովուրդների հազարամյա պատմության ու մշակութային առնչությունների համատեքստում կարևորել Հայաստանի և Իրաքի միջև համագործակցության խորացման հեռանկարները: ԿԳՄՍ նախարարի տեղակալն ընդգծել է՝ մշակույթը երկխոսությունների կարևոր բաղադրիչ է:
Իրաքի դեսպանության գործերի ժամանակավոր հավատարմատար Ալի Աբդուլքարեմ Ուտավին շնորհակալություն է հայտնել ընդունելության համար: Նրա խոսքով՝ երկու երկրների միջև խոր պատմական կապերն ու ընդհանրությունները նաև մշակութային համագործակցության ներուժ են ի հայտ բերում:
Կողմերն ընդգծել են՝ թե՛ Հայաստանը, թե՛ Իրաքն անդամակցում են Հնագույն քաղաքակրթությունների ֆորումին: Դանիել Դանիելյանը կարևորել է ֆորումի դերը՝ որպես մշակութային երկխոսության և համագործակցության հարթակ, որի գործունեությունն ուղղված է հնագույն քաղաքակրթությունների մշակութային հարուստ ժառանգության պաշտպանությանը և հանրահռչակմանը։
Հանդիպման ընթացքում քննարկվել է նաև երկկողմ միջազգային փառատոների մասնակցության հնարավորությունը: Այս համատեքստում Ալի Աբդուլքարեմ Ուտավին տեղեկացրել է՝ 2025 թվականի գարնանը Բաղդադի և ՅՈՒՆԵՍԿՕ-ի Համաշխարհային ժառանգության ցուցակում ընդգրկված Բաբելոն քաղաքի տարածքում անցկացվելու է Բաբելոնի միջազգային փառատոնը, որին խրախուսվում է նաև Հայաստանի ազգագրական ֆոլկլորային համույթների մասնակցությունը:
Հանդիպման ընթացքում քննարկվել են նաև երկու երկրների մշակութային տարբեր գործիչների փոխայցերի կազմակերպման, համատեղ նախագծերի, փոխանակման ծրագրերի ու դասախոսությունների կազմակերպման հնարավորությունները: Կողմերը համագործակցության խորացման պատրաստակամություն են հայտնել՝ ի շահ երկու երկրների միջև բարեկամական հարաբերությունների ամրապնդման:
21:09 30.05.2025
Մասկը կշարունակի լինել Թրամփի խորհրդականը. Վենս
22:18 30.05.2025
«Ալ Նասրը» Ռոնալդուին փոխարինող է գտելՍաուդյան Արաբիայի «Ալ Նասրը» կողմնորոշվել է Կրիշտիանու Ռոնալդուին փոխարինելու հարցում, հայտնում է The Telegraph-ը: Ակումբը դիտարկում է «Լիվերպուլի» հարձակվող Լուիս Դիասին ձեռք բերելու տարբերակը: Ֆուտբոլիստի ապագան «Լիվերպուլում» դեռևս անորոշ է: Անգլիական ակումբը նոր առաջարկ է նախապատրաստում Դիասի համար: Ավելի վաղ հայտնի էր դարձել, որ Լուիս Դիասի ծառայություններով հետաքրքրված է նաև «Բարսելոնան»: ...
22:10 30.05.2025
Մանսուրյանական բացառիկ ստեղծագործությունը՝ ժողովրդի լեզվովՀունիսի 7-ին Ալ. Սպենդիարյանի անվան օպերայի և բալետի ազգային ակադեմիական թատրոնում կայանալիք՝ Երևանի քաղաքապետարանի երաժշտական և արվեստի դպրոցների 16-րդ մրցույթ-փառատոնի եզրափակիչ համերգին ընդառաջ վերջին փորձերն են, որին ներկա է ՀՀ ժողովրդական արտիստ, կոմպոզիտոր Տիգրան Մանսուրյանը: Հայկական ժողովրդական բանահյուսության հենքով ստեղծված մաեստրոյի մանկապատանեկան խմբերգային ստեղծագործությունն առաջին անգամ կհնչի մայրաքաղաքի երաժշտական դպրոցների շուրջ 300 սաների կատարմամբ: Մանրամասները՝ […] ...
21:53 30.05.2025
Ֆրանսիայի վեցակի չեմպիոնը դուրս մնաց Լիգա 1-իցՖրանսիայի վեցակի չեմպիոն և Եվրոպայի գավաթի եզրափակչի կրկնակի մասնակից «Ռեյմսը» դուրս է մնացել Լիգա 1-ից։ Փլեյ-օֆֆի պատասխան խաղում ակումբը սեփական հարկի տակ 1:3 հաշվով պարտվել «Մեցին»։ Առաջին խաղը ավարտվել էր ոչ ոքի՝ 1:1 հաշվով։ «Ռեյմսը» միացել է Լիգա 1-ի նախկին հաղթողներ «Սենտ-Էտյենին» և «Մոնպելյեին», որոնք ևս մրցաշրջանի ավարտին դուրս են մնացել բարձրագույն դիվիզիոնից։ Հատկանշական է, […] ...
21:43 30.05.2025
Հայաստանում նախատեսվում է ներդնել սրտային անբավարարության՝ «Արհեստական սիրտ» ծրագիրըԵրևանի փոխքաղաքապետ Սարգիս Մադաթյանը, քաղաքապետարանի աշխատակազմի առողջապահության վարչության պետ Դավիթ Կարապետյանն ու «Նորք-Մարաշ» ԲԿ տնօրեն Միքայել Ադամյանը հանդիպել են «Abbott» ընկերության ներկայացուցիչների հետ: Այս մասին հայտնել են Երևանի քաղաքապետարանից: Օրակարգում Հայաստանում սրտային անբավարարության՝ «Արհեստական սիրտ» ծրագրի ներդրման հարցն էր: Հանդիպման ընթացքում քննարկվել են գործընթացի քարտեզագրման, նախավիրահատական ու հետվիրահատական քայլերին առնչվող հարցեր ու այլ երկրների հետ […] ...
21:31 30.05.2025
Վարչապետ Փաշինյանը ծանոթացել է Շիրակի մարզում իրականացված և ընթացքի մեջ գտնվող ծրագրերինՎարչապետ Նիկոլ Փաշինյանն այցելել է Շիրակի մարզ՝ ծանոթացել իրականացված և ընթացքի մեջ գտնվող ծրագրերին: Վարչապետի առաջին կանգառը եղել է Արթիկ համայնքի թիվ 4 մանկապարտեզը: Վերջինիս հիմնանորոգման ծրագրի ընդհանուր արժեքը կազմել է ավելի քան 243 մլն դրամ: Հաջորդիվ Նիկոլ Փաշինյանն այցելել է Նոր Կյանք բնակավայրում կառուցված մանկապարտեզ, որը նախատեսված է 100 երեխայի համար: Ծրագրի արժեքն […] ...
