«ՄՏՍ TV». «Շանթ» հեռուստաընկերության և «ՎիվաՍել-ՄՏՍ»-ի համատեղ առաջարկը

«Շանթ» հեռուստաընկերության և «ՎիվաՍել-ՄՏՍ»-ի կողմից համատեղ թողարկված նոր բջջային հավելվածի՝ «ՄՏՍ TV»-ի շնորհիվ հասանելի են «Շանթ» և այլ հեռուստաընկերությունների ծրագրերը, ներառյալ բացառիկ ժամանցային հաղորդումներն ու կարևոր ֆուտբոլային հանդիպումները: Ներբեռնելով «ՄՏՍ TV» հավելվածը և բաժանորդագրվելով` հնարավորություն է ստեղծվում մինչև հունվար 31-ն անվճար օգտվել հավելվածից` չծախսելով ձեր փաթեթով նախատեսված մեգաբայթերը:

«ՄՏՍ TV» հավելվածում ներառված են հայկական 12 ալիքներ HD որակով, այդ թվում` մասնագիտացված ալիքներ՝ Shant Music, Shant News, Shant Kids, Shant Serial, որոնք կարելի է դիտել «ՎիվաՍել-ՄՏՍ»-ի 3G և 4G/4G+ ցանցերի ծածկույթում, ինչպես նաև Wi-Fi-ի միջոցով:

«ՄՏՍ TV» հավելվածը հասանելի է «Viva 2500», «Viva 3500», «Viva 5500», «Viva 7500», «Viva 9500», ինչպես նաև «X» և «Y» թե՛ կանխավճարային և թե՛ հետվճարային սակագնային պլանների բաժանորդներին:

«ՄՏՍ TV» հավելվածի օգտագործումը երկարացվել է ևս մեկ ամսով և մինչև 2020թ. հունվարի 31-ը ներառյալ ծառայությունն անվճար է: Հավելվածի կարևոր առավելություններից մեկն այն է, որ այն օգտագործելիս, նշված սակագնային պլաններով տրամադրվող հիմնական ինտերնետ փաթեթի մեգաբայթերը չեն օգտագործվում: Մեկ այլ առավելություն ծնողների և իրենց փոքրիկների համար` «Shant Kids» հեռուստաալիքի շնորհիվ սիրելի մուլտֆիլմերը լավագույն HD որակով և վառ գույներով հասանելի են հայերեն:

Ինչպե՞ս օգտվել հավելվածից

Առաջին հերթին անհրաժեշտ է «ՄՏՍ TV» հավելվածը ներբեռնել AppStore-ից և Google Play Market-ից, այնուհետև գրանցվել հավելվածում մուտքագրելով բաժանորդի հեռախոսահամարը և մյուս անհրաժեշտ տվյալները:

Հավելվածն ունի էլեկտրոնային ուղեցույց, որտեղ բաժանորդը կարող է ծանոթանալ ալիքների, ծրագրերի և ժանրերի մասին տեղեկատվությանը, ինչպես նաև սահմանել հիշեցումներ, որոնք օգտատիրոջը հաղորդումից առաջ կտեղեկացնեն դրա մասին:

Հավելվածում գործում է Catch-up համակարգ, որը թույլ է տալիս դիտել մի շարք հաղորդումներ և սերիալներ ցանկացած ժամի ցանկացած վայրում, օրինակ` եթե բաց եք թողել «Հորիզոն» լրատվական ծրագիրը, «Shant Premium HD» հեռուստաալիքով կարելի է սեղմել Catch-up նշանի վրա և նորից դիտել: Ընդհանրապես, «MTS TV» հավելվածի վերաբերյալ մանրամասներին ու պայմաններին ծանոթանալու համար կարող եք այցելել «ՎիվաՍել-ՄՏՍ»-ի ֆեյսբուքյան էջ կամ կայքէջ՝ www.mts.am, իսկ հարցերի դեպքում կարող եք զանգահարել «ՎիվաՍել-ՄՏՍ»-ի 111 ծառայություն:

MTS TV բջջային հավելվածը հասանելի է միայն Հայաստանում, նախատեսված է սմարթֆոնների համար, հնարավոր է օգտվել հայերեն, ռուսերեն և անգլերեն լեզուներով:

Առավելությունների մասին

Նախ` պրեմիում ալիքներով գովազդ չի ցուցադրվում, հաղորդումների և սերիալների մեծ մասն առաջինը ցուցադրվում է «Շանթ Պրեմիում» ալիքով, կա հաղորդումները հետ, առաջ կամ դադար տալու հնարավորություն և Catch up-ի հնարավորություն 3 օրվա համար: